今屆亞視《 2010年亞洲小姐競選》候選佳麗噚日喺大埔亞視總台拍攝「環保大自然」環節，仲搵埋一堆爬蟲類動物做陪襯，嚇到班亞姐花容失色，連大會化妝導師陳妙瑛見到都走埋一邊。大會話就話環保，但班佳麗就嚇破膽，其中 15號劉曉智動物未到手已經嚇到想喊，最後仲要求大會畀隻細小小嘅青蛙佢，點知隻蛙一郁，嚇到佢鬆開手，成隻蛙跌咗落地，佢話：「因為我好膽小，不過不是我拋牠到地上，是牠自己跳下去。我不是沒有愛心，只是不太喜歡有爪的動物，我剛剛已經快要哭！」
放大圖片 
應屆亞姐慘成被玩對象， 18號王欣（右）俾條蛇勾起條裙㖭。
放大圖片 
10號川島聖良（左）同 11號權蕙洙抱起蟾蜍，雞手鴨腳。
蜘蛛周圍爬 放大圖片 
20號張瑩終於搞掂簽證問題嚟亞視歸隊。
班亞姐見到啲動物手騰腳震，其實啲動物見到佢哋都好驚 o架，隻蜘蛛放喺 3號萬嘉麗手上就即刻嚇到周圍爬，要其他佳麗幫手捉。但點都唔夠 18號王欣玩蛇好笑，條蛇先纏住佢條腰，之後仲勾起佢條裙㖭，搞到露咗少少打底褲。問佢尷唔尷尬，佢話：「只係勾起咗少少，都有少少尷尬。」另外，來自內地嘅 20號張瑩噚日第一次見記者，原來佢係因為簽證問題，所以先至咁遲入隊。 
15號劉曉智玩蛙玩到嚇破膽，搞到喊咁口。
全站熱搜
留言列表
{{ article.title }}
