娛樂八掛大放送★

劉愷威 與 楊冪 愛纏綿 劉愷威 頸現 咖喱雞

與楊冪愛纏綿
劉愷威頸現咖喱雞 21,604 


【今日我至奇】本來天氣咁凍包到冚真係唔會見到頸，不過愷威一轉頭就見到佢條頸大個咖喱雞印（紅圈示），真係離奇。CFP圖片

【上海虹橋機場】內地女星楊冪同劉愷威係少數公開承認拍拖嘅圈中人，佢哋從來都唔介意喺人前晒恩愛，前排愷威去無錫拍劇集《江南四大才子》，經常同男友各有各忙聚少離多嘅楊冪，特登走去探愷威班，仲唔避忌咁公開攬攬啜啜，真係愛得好纏綿。
現年38歲嘅愷威成日都話好想同細佢12年嘅楊冪結婚，之前送埋三千萬豪宅畀女友，又將女友個名加埋入自己公司做董事，分身家冧爆楊冪。

十指緊扣現身

前日元旦日，愷威同楊冪現身上海虹橋機場，原來呢個廿四孝男友親自送女友去上海開工，戴住黑超嘅愷威同楊冪依然表現親密，十指緊扣任影唔嬲，仲好有禮貌咁同記者講新年快樂，又細心問候大家凍唔凍，不過就無意中俾記者發現愷威條頸右邊有「咖喱雞」痕迹，佢哋兩個一向愛得癡纏又大方，有咖喱雞都可以話係理所當然嘅事，唔使太驚訝。
撰文：丁寧

劉愷威拖楊冪晒「咖喱雞」

內地女星楊冪與香港藝人劉愷威，一直愛得癡纏，經常被傳媒拍到煙韌拍拖照，威仔更曾揚言計劃今年向女友求婚。繼早前楊冪於內地片場探威仔班時被發現眾目睽睽下與男友熊抱啜爆後，前日他倆再被發現恩愛十指緊扣現身上海虹橋機場，這次輪到威仔陪女友到上海開工拍戲，兩人雖然架上墨鏡，卻遮掩不了滿面春風，尤其是楊冪，冧爆甜笑，好不幸福！

不過驚人的是，威仔面向楊冪時，遭現場媒體發現他的頸上有疑似「咖喱雞」（吻痕）紅印，看來這對情侶果真打得火熱！只見他倆心情大靚，面對傳媒追訪一如以往表現友善，更祝記者新年快樂。

劉愷威拖楊冪出巡現咖喱雞

因拍劇撻着的香港藝人劉愷威與內地當紅女藝人楊冪，恩愛足迹遍布各地，又被傳媒拍到甜蜜的拍拖照，威仔更曾表示今年向女友求婚是重大計劃之一。繼早前楊冪於內地片場探威仔班時被發現與男友親熱後，前日再被發現十指緊扣現身上海虹橋機場，Sweet到爆！廿四孝男友威仔陪女友到上海開工拍戲，他們雖然戴上墨鏡，但滿面春風的楊冪不時冧爆甜笑，幸福滿瀉。不過當威仔面向楊冪時，頸上卻驚現疑似「咖喱雞」紅印，看來他們果真愛得癡纏！至於心情靚爆的威仔與楊冪，面對傳媒追訪時一如以往友善親切，除關心記者冷不冷外，更祝記者新年快樂。