同你吟一吟
吳卓羲上海住兜踎酒店
好兄弟林峯俾無綫玩殘，㷫到嗌心淡唔撈！屋企冇個富貴老豆，又唔得寵嘅吳卓羲，爭視帝冇份，跳草裙舞更加冇本事，疊埋心水安安分分，公司幫佢接咗內地劇《格子間女人》，劇組安排唱 K入住一間星都唔多粒，殘到八珍阿媽都蔑爆嘅酒店，佢一樣照啃唔敢埋怨。
上星期三（二十六日）劇集喺上海開機，做完嘢收工，唱 K買雞煲外賣返酒店自己隊。第二日冇通告， hea到下午四點先出動，嗌司機送佢去揼骨，跟住就唔見咗人。
唔係《壹》仔走漏眼，就係唱 K走後門！點都好，問過大陸二五，呢個骨場，冇邪骨提供喎！
是日唔使開工，吳卓羲（箭嘴）揼骨鬆一鬆。
吳卓羲入住嘅城中園酒店，內外一樣殘。
全站熱搜
留言列表
{{ article.title }}
