探熱針
水漲船高 邪住林峯 黎耀祥擸獎加價四成
三屆視帝黎耀祥打沉 chok王林峯，搞到對方心灰意冷聲稱要退出娛樂圈。你縮我谷，正為無 綫拍攝新劇《傳愛事務所》的祥仔，趁勢好不停攝期接外快搵真銀；上週六（十二月二十九日），他與吳鎮宇、周秀娜到東莞為食店剪綵。但視帝價只得二十幾萬，不敵三十萬落袋的影帝吳鎮宇。
輸錢唔輸陣，攞住三獎在手的祥仔，要求登台價加三至四成，即時生效！人生無幾多個十年，係時候搵大錢。
影帝有特權
晨早六點坐車由香港出發到東莞，黎耀祥、吳鎮宇和周秀娜熬了兩個鐘車才抵埗。收足錢，無得抖，首個指定動作，跟食店老細班親朋戚友影合照。是次活動酬勞最高的吳鎮宇，獲大會特別款待，另設獨立房休息，可以謝絕一切應酬。影帝果然唔同！
剪綵活動中午十二時開始，群眾及食店高層見三人出現，一擁而上。現場所見，憑電視劇入屋的祥仔，聲勢最勁，更有數十香港 fans專誠前來撐場，還有師奶郁手，摸住祥仔塊面抽水。
招呼完 fans，祥仔上台獻唱《紅蝴蝶》，至於吳鎮宇，剪完綵即換衫閃人，趕飛機去福建會合老婆，為內地電影《謀殺者》埋尾。
祥仔三封視帝，打沉林峯，有傳佢打算退出娛圈。
幫祥仔接大陸工作多年的輝哥（左）與不少圈中人稔熟，他表示會幫祥仔落力爭取加價。
睇住自己老公俾班師奶連環抽水，祥嫂好淡定：「由佢自己搞掂啦！」
順得人
三位嘉賓中，只有祥仔一個要上台唱歌，其間有小妹妹上台要求合照。
收最低工資
對於自己酬勞低過影帝吳鎮宇，視帝祥說：「我 哋呢 啲不嬲都好使好用 㗎，咪做多 啲囉。（無 綫有冇加人工？）無 㗎，份約好多年前簽落，嗰陣個價好低，一套劇拍幾個月，除番開可能攞緊最低工資時薪廿八蚊。」
做到殘
晨早出車到東莞，長期唔夠瞓的祥仔眼腫腫，一到埗就要「罰抄」簽名相，做完活動下午即趕回無綫開工拍劇，做到殘。
視帝遇女神
祥仔話難得同宅男女神周秀娜同台，兩公婆一齊影合照留念，娜姐表現興奮。
Cool爆吳鎮宇沒有與群眾握手，但招呼食店老細，例外！
加價無難度
無 綫低薪，但祥仔勝在夠爛做，自從做埋三屆視帝，每星期勤力北上接 job，酬勞廿萬起跳，賺到笑！
「梗係愈多愈好啦，仔細老婆嫩，我希望可以加多三至四成。」祥仔說。
與他份屬好友，合作超過十年的內地經理人余錦輝一口答應。「佢喺內地好搶手，套套劇都好受歡迎，尤其係柴九，佢係三屆視帝，加價無問題。」
至於當日身價最高的吳鎮宇，接 job貴精不多貴，唔到價寧願唔做。
「我只係信呢個經紀人，其他人搵我多數會推，驚去到要你做第二 啲 嘢，甚至收唔到錢。」打保險章的吳鎮宇說。
女神發功
娜姐在台上玩遊戲要 fans模仿自己的動作，長髮宅男見女神搔首弄姿 O晒嘴。
明知場面一定混亂，娜姐打扮露肩不露胸，但仍被狂迷捉實手臂，幸好有驚無險。
完成活動仲有下場，祥仔同娜姐輪住跟高層及其友人影相。
做完剪綵嘉賓，娜姐循例試食店內自助餐，一條龍服務。
說到在內地接工作，吳鎮宇話唔熟唔做。
速撇
唔慣應酬的吳鎮宇九秒九著外套走人，趕到深圳機場前往福建繼續拍戲。
留言列表
{{ article.title }}
