吳雨霏暗寸 G.E.M. 資歷淺 @ 娛樂八掛大放送★

吳雨霏暗寸 G.E.M.資歷淺

鄧紫棋（G.E.M.）日前分別拍片及寫千字文炮轟叱咤頒獎禮欠公平，有傳她不滿女歌手獎遭死敵吳雨霏（Kary）搶走。首奪「叱咤女歌手」銅獎的Kary坦言過去一年好努力，更暗寸G.E.M.資歷淺，Kary說：「我入咗行10年！」

「叱咤樂壇流行榜頒獎典禮」前晚在爭議聲中圓滿結束，成眾矢之的的Kary上台領「叱咤樂壇女歌手」銅獎時感動得淚流滿面。入行10年首奪叱咤女歌手獎的她出席慶功宴時風騷滿場飛，她大方表示有睇過G.E.M.的短片，隨即為自己辯護說：「首先我想講今年我好努力，我出道10年首次攞女歌手獎。（G.E.M.年資淺？）佢有佢決定，每個人都有權選擇參唔參與頒獎禮，有機會攞我會去，因為呢個獎唔係我一個功勞。」

藍奕邦祝「快高長大」

對於G.E.M.直斥頒獎禮欠公平，Kary說：「每個機構有佢嘅機制同規矩，我尊重呢個遊戲玩法。（擔心因為公司同電台關係好被人話？）如果咁講係抹殺我同公司嘅努力，好唔公平。」有份插爆G.E.M.的藍奕邦亦寸嘴說：「2013年希望有啲人快高長大，如果想改變世界，先改變自己心態。」問日後與G.E.M.見面會否感尷尬？他謂：「唔會，都想寫首歌畀佢。（歌名叫《謙虛》？）希望到時唔需要寫謙虛。」

曾在叱咤奪新人金獎的G.E.M.，被質疑為何當時沒有投訴。

甘菁菁表示只要是好歌，不會禁播G.E.M.的作品。

藍奕邦寄語G.E.M.要改變心態。

商台高層甘菁菁表示對G.E.M.的言論感奇怪：「09年佢都入過女歌手五強，當時都係一人一票，制度一直冇改，點解嗰時唔覺得有問題？依家覺得有呢？我覺得好奇怪！」並強調只要好歌都會播。對於有傳古巨基受叱咤打壓才決定缺席四台頒獎禮，她說：「佢冇講邊個機構，只係話放假，所以我唔Comment。（佢唔嚟攞獎係美中不足？）一定啦，我會尊重佢決定。」

經理人嘲頒獎禮失色

另外，G.E.M.經理人張丹昨日透露有上網睇叱咤頒獎禮，直指頒獎禮非常失色，他說：「搞到識唱歌嘅歌手變唔識唱，根本就係揀人得獎。（唔驚同電台關係差？）我係針對頒獎禮機制，成個頒獎禮唔係為音樂，係面子同關係。」

文：音樂組

電台高層寸G.E.M.入唔到圍先嚟嘈

歌手鄧紫棋（G.E.M.）日前拍短片暗寸叱咤，電台高層甘菁菁前晚於慶功宴上說：「佢2009年入過五強，當時係一人一票，機制冇改過，唔明點解今年入唔到就有問題。（佢話唔識電台高層？）嗰個一定唔係我，佢見到我會打招呼，如果佢想識人，我可以介紹。」她續指去年11月G.E.M.所屬公司曾到電台開會，但爆出此事後彼此已沒有聯絡，並說：「有好歌唔會特登去Ban佢。」甘菁菁謂頒獎禮每年都有新聞，並為自己澄清：「有啲針對我！一個大型傳媒機構，一個人可以隻手遮天？冇可能！我有上司、同事，有眼望住！」傳古巨基被打壓？她指基仔非針對單一電台，故不作評論，又為對方缺席而感美中不足。

經理人轟「假投票」

G.E.M.經理人張丹昨日接受電話訪問時繼續發炮：「佢哋所謂嘅投票係假投票，G.E.M.銷量好又多歌迷，每次投票都拋離其他歌手。」他踩叱咤安排及製作出現問題：「識唱歌嘅歌手變唔識唱，揀人得獎，成個頒獎禮唔係講音樂，係講面子同關係。」

唱作人藍奕邦則繼續暗寸G.E.M.，寄語要改變世界先要改變自己心態。而對於有傳為讓吳雨霏（Kary）奪女歌手獎而令G.E.M.被飛？Kary只謂過去一年自己的努力不可抹殺，又指每個機制都有其規矩。

環球唱片高層黃劍濤與太太兼電台高層甘菁菁齊齊賀Kary與林德信等得獎。

藍奕邦寸爆G.E.M. 23,178

■藍奕邦雖然坐足全場食白果，但他仍甚有體育精神出席慶功宴。

G.E.M.不滿叱咤頒獎禮機制，連日在微博暗寸不公平，藍奕邦在微博狂插，昨日凌晨食白果的他出席叱咤慶功宴時被問到是否覺得G.E.M.不夠成熟，他說：「想改變世界先要改變自己心態，自己冇獎冇失望。大家辛苦一年又可以見其他歌手朋友，不過呢啲要自己領悟，我欣賞佢才華，做歌唔係為拎獎，係為歌迷。」
藍奕邦強調在微博上是互相交流，並自爆想寫歌給G.E.M.，不過問到歌名是否叫《謙虛》時，他冷笑說：「希望同佢寫歌時唔使叫做《謙虛》。」
此外，一向鬧爆G.E.M.的人氣網友高登瓊姐也發了「瓊姐給G.E.M.鄧紫棋的一封認真信」力撐她，不過瓊姐第一句就坦言「我是非常討厭你」，但認同及支持她的發言，側田亦有在微博力撐G.E.M.。