插圖： Wendy

揞名爆

「乖仔」唔吼「電眼」

2013年01月18日 ~~ 第912期 忽然１周

公仔箱小生「乖仔」近年被公認為筍盤，唔少女藝人都對佢虎視眈眈！不過，大家咪睇「乖仔」平時個樣好似鈍鈍哋，好順得人咁款，就以為佢好易落疊！實情呢，人哋都好鬼精㗎。

嗱，又係咁意舉個例，就幾年前啫，「乖仔」同「電眼」咪拍過劇傳過緋聞嘅，只係之後無咗下文。據幕後人員爆料，嗰時出名夠嗲嘅女方真係主動出擊過㗎！不時噓寒問暖，又話要人教佢做戲。初時呢，男方都幾受落㗎！話晒有靚女冧自己喎，梗 like。之但係，相處一排，「乖仔」就主動同「電眼」拉番開個距離嘞。你問點解？無嘅，據圈中線人講，男方慢慢發覺「電眼」好鬼黐身，大家未開始拍拖已經想箝實佢！而且從言行舉止睇到呢位前港姐仲幾貪錢勢利㖭。依家睇番，「電眼」近年的確搏命識「富二代」，只不過次次都係無米粥！吖，「乖仔」又真係幾識睇人喎，抵佢愈嚟愈紅，形象 keep住 good嘅。 

arrow
arrow
    全站熱搜

    tvb4life 發表在 痞客邦 留言(0) 人氣()

    E-mail轉寄