博出位
視后飯局
肥媽本周晚上 喺 TVB教人《搵食》，一班明星近日亦頻頻 喺網上示範星級搵食。陳展鵬食大牌檔，陳奕迅夫婦就嘆「產地直送」泰國美食，至於楊怡就玩自煮，不過唔煮麵煮西餐。
楊怡 肚痛冇命賠
楊怡為《我的 2012》錄影，找來《名媛望族》兩位姐姐韓馬利同江美儀做嘉賓，仲親自落廚整漢堡包及沙律招呼佢 哋。楊怡講笑問食過佢手勢 嘅工作人員有冇肚痛，不過見謙謙仲咁大隻，斷估楊怡手勢應該 ok嘅。
Yummy！（設計對白）
陳奕迅輕口味
Eason唱就唱〈重口味〉，但食 嘢就一 啲都唔重口味。佢同阿徐食 咗一個冇味精 嘅車仔麵，阿徐仲大讚值滿分。另外阿徐仲叫朋友由泰國直送杧果糯米飯， 喺屋企同 Eason慢慢嘆，認真識食。
陳展鵬海鮮 冧女
正在為《巨輪》埋尾 嘅陳展鵬，趁開完工搵埋貝安琪（ Ankie）同李泳豪去大牌檔食飯，食勻海蝦、賴尿蝦、避風塘炒蟹。陳展鵬大讚貝安琪靚女，又大晒兩人合照，落晒嘴頭係咪食完飯想有下文先？
鍾鎮濤四圍試味
四圍捐窿捐罅搵 嘢食，又另有樂趣。好似 B哥哥咁，佢去 咗佐敦一個拉麵 food court試食，佢專攻其中一間，一次過叫 咗叉燒拉麵、咖喱冷麵，仲勁 like冷麵㖭。
掂呀!（設計對白）
全站熱搜
留言列表
{{ article.title }}
