賀歲舞 上年兩套港產賀歲片鬥餐死，今年曾志偉繼續慳皮派自己友充撐場面，反而黃百鳴上次輸個馬鼻，新戲《八星抱喜》即刻轉陣搵新女加入，龍年鬥過。港產新血代表有陳慧琳佗B賀歲；國產女神就有劉愷威女友、「中國新四花旦」之一的楊冪。大肚Kelly唔可以操勞，性感場面交晒畀32C楊冪，戲中飾演有錢女的她，為揀個好老公要着三點式騷身材，又要扮貓女郎跳艷舞色誘劉子千同陸永、溫超三個新郎候選人。新女神有樣有料，點都好睇過男人婆何詩咀Bosco啦！


上年有張栢芝壓陣的《最強囍事》香港收近2千萬，黃百鳴今年棄用票房毒藥，轉向上位女星埋手，撞啱25歲楊冪憑電視劇《宮鎖玉心》在內地爆紅，要借賀歲片狂賺人仔，梗係搵新一姐幫手吸金。

戴面罩自摸
升呢上一線，但楊冪依然唔介意性感，為試探戲中男友真面目，楊冪要貓女上身色誘三仔，對住千千、陸永和溫超喪跳艷舞，自摸扭籮全部做齊，希望搵出邊個先係正人君子唔爛滾。除咗跳艷舞，楊冪又要在颱風下着泳衣拍落水戲，震住晒body。「當日由八號風球改為三號風球，但氣溫只有16度，加上拍這場戲是清晨6時，真的要了我的命！幸好工作人員都為我準備好熱茶及大毛巾，不過這場戲真的令我非常難忘。」

識做氹老闆
身兼老闆兼在戲中飾演楊冪哎吔老豆的黃百鳴，對乖女的專業讚不絕口。「其實今次搵楊冪同我做父女檔，都係因為佢上年喺內地好紅、好有市場。為咗演出夠喜劇感，佢任何造型都敢試，又要扮舞女、又要扮假面，甚至連木乃伊都扮埋！而且同佢一齊合作特別刺激到我嘅表演慾，喺片場佢氹得我好開心，成日笑到彎腰！」㩒撈又識冧老闆，下年賀歲分分鐘又見到楊冪！

女神多戲拍
楊冪紅到癲，除咗內地一劇接一劇，剛出碟嘅佢連電影都掂埋，單計未上畫嘅戲已經有六套，另外有兩套已落實開拍，而且唔係客串做二打六，起碼都有第二女主角做。歌影視都撈晒，其實邊有時間同劉愷威拍拖呢？

《新天生一對》（2月上）仔仔爭嗒
下月上畫的催淚溫情片，主力講仔仔周渝民同小小彬的父子情，但飾演仔仔老婆的楊冪亦勁搶戲，而且仔仔宣傳時話現實中會揀楊冪做女友，唔會吼另一女角Ella（S.H.E的陳嘉樺），擺明嗒女神糖！

《春嬌與志明》（3月上）激戰樂仔
3月上映的《春嬌與志明》，講千嬅同余文樂分手後各自有新歡，楊冪就係第三者，戲入面非常主動同樂仔攬錫。雖然千嬅先係女主角，但從預告片睇到楊冪戲分唔少，有望殺入香港界。

《消失的子彈》（未定）影帝傍實
有幸拍住兩大影帝劉青雲謝霆鋒，導演爾冬陞話戲中做情侶的楊冪同霆鋒唔只拖手談情，仲有大膽親熱戲。有傳楊冪喺片場狂黐霆鋒，不過一個高調宣布拍拖、一個就cool爆唔過電，冇乜可能喎！

逐pair抱喜
楊冪同黃百鳴父女檔sell親情，其實《八星抱喜》另外三對都有愛情線玩浪漫。電影講唔同背景嘅人發生嘅四個故事，雖然又係甄子丹吳君如熟口熟面，但有得睇大住肚搞笑嘅Kelly，都算有啲新鮮感！ ####


有錢女楊冪想搵老公，特登請律師黃百鳴扮佢爸爸，幫佢出面揀仔。為咗試人品，黃百鳴帶咗溫超等人落club玩女，楊冪自己仲着晒黑絲短褲扮埋一份。

 
楊冪最終揀千千做老公，唔知片尾會唔會唔再老土「齊歡暢」，改唱〈唸你〉呢？


自摸戴住面罩跳艷舞，楊冪愈跳愈high，仲興奮喺胸前自摸，睇到身邊嘅溫超㷫烚烚O晒嘴！


自閉溫超和陸永蒲精上身，反而千千乖仔到暈，全程坐埋一角玩自閉，見到靚女仲怕醜到面紅！


趷籮摸完上身，楊冪繼續table dance，仲引到另一滾友陸永埋身跳，成功拆穿賤男真面目！

 
楊冪擁有32C乳模身材，戲入面梗要着bikini益觀眾啦！

 
拍落水戲當日得十幾度，女神凍到狂飲熱茶保暖，仲話等埋位期間要不斷游水以面凍親！

 
有錢女要扮炒車試探男友係咪不離不棄，楊冪要花幾個鐘扮木乃伊，成套戲最密實都係呢幕！






網上圖片


古仔扮地盤工人，Kelly做女攝影師，難得古仔肯犧牲色相露兩點，Kelly又出盡力搞笑唔再玉女，生龍B前最後一擊絕對期待啦！


丹爺同三姑都係過氣歌手，兩人互相扶持重新搵番理想，絕對係賀歲版《天與地》。睇見兩個爆炸頭咁合拍，丹爺可以宣布轉型成功！


杜汶澤熊黛林上年已經係一對，不過今年阿澤唔再浮誇轉做才子，仲以陳可辛look出場，而城嫂則扮盲妹，好似好文藝喎！

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄