上流滙
一橫一直
劉嘉玲 雙贏
老公梁朝偉忙住宣傳電影《一代宗師》，劉嘉玲玩得仲放。出晒名飲得的她，飲到凌晨點幾先走人，離開時落力擘大雙眼，保持住高貴姿態，繑住北京靚仔富二代 Joe Liu上車走人。有姿勢又有猛男相伴，真係雙贏。
肉照
靚仔富二代 Joe Liu於微博報稱來自上海，不時大晒 chok相，當中更有半裸辣相，不過土味花褲加水桶腰，即時跌 watt。
Wyman 密友
Joe Liu與不少圈內人稔熟，去年更跟黃偉文同遊巴黎，仲將連體黐實嘅合照放上網，看來二人交情非淺。
關之琳 淡定
大美人關之琳與密友 Jonathan一同離開，為免大美人唔覺意被相機整親，現場多個保安立即護送佢上車。雖然情況混亂，但佢繼續淡定，逐一向每個鏡頭微笑。
周汶錡 甜蜜
邱淑貞 跳脫
凌晨時分，邱淑貞單拖到場，只放低賀禮、跟新人合照便走人，全程只不過十五分鐘。酒都冇滴，唔怪得佢咁跳脫，一支箭上車。個肚有冇餡，不言而喻！
防腐
當晚滴酒不沾仲有黎姿同周慧敏，二人同坐之餘仲全程飲茶。難怪佢哋年過四十，依然皮光肉滑，要做防腐淑女，以茶代酒啦！
薛芷倫 老手
先唔提薛芷倫當晚盛裝出動，又喺場內滿場飛，撩其他賓客隊酒。咁專業嘅態度，真係要頒個「爛蒲」獎俾佢。
楊如芯 斜行
趙式芝太太楊如芯，貓到要朋友捉實落樓，但依然左搖右擺。其間她還不斷自言自語講「 thank you」，連上車都有困難，情緒高漲過自己搞同性婚禮，老公趙式芝只有尷尬微笑。 
楊如芯爛醉如泥，上車時攬住老死唔放，上車後又搵手遮臉，何必呢！
江欣燕 橫 瞓
江欣燕上到車，即 瞓落老公大髀，對方亦配合用手替她遮醉樣，唔知以為好似楊怡咁食緊麵。
之前於杜德偉婚宴醉到爆粗的江欣燕，今次再度醉貓上身。離開時，於𨋢口𠵱嘩鬼叫，連老公 Jackson都忍唔住爆咗句︰「 啲酒好強勁！」之後步行上車的她，全程將塊面黐住老公背脊，冇面見人。
全站熱搜
留言列表
{{ article.title }}
