句句金
句句金
張栢芝早前接受電視台訪問，指離婚後雖獨力湊仔，但有子萬事足兼且不乏裙下之臣，更聲稱自己係
離婚離得最開心嘅女人。
佢咁睇得開，梗係好事。媽咪姐都望佢盡快搵番個好歸宿，等兩個仔多個爸爸錫。
無綫劇集近日以強姦戲做招徠，馬賽「有幸」成為下一個「受害者」，佢坦言：
希望大家覺得我係做得戲。
拍強姦戲並不等如你特別好演技。演戲由根本着手，咪本末倒置先得㗎阿女。 
有內地傳媒指王家衞起用趙本山等當紅演員拍《一代宗師》，係為咗內地市場。大導反擊內地傳媒思想太功利，唔係個個導演都要北上掘金，
你說李安拍《少年 PI》會硬要把孟加拉虎弄成東北虎，因為要北上掘金嗎？
如果所有北上拍片嘅都叫掘金，咁南下嚟香港生仔嘅叫咩呢？媽咪姐無意搞分化，不過內地人唔應該自視過高。 
杜汶澤亦喺 facebook聲援大導：
南拳若是架勢，又豈止北傳！不是每個北上的導演都是混飯吃的。
講得啱。王大導如果係混飯食嘅，就唔使籌拍 17年咁耐啦。 
王晶監製嘅《古惑仔：江湖新秩序》，票房雖敗於《一代宗師》之下，但佢好大方喺微博撐老友王家衞，
88年至今，我第一次心服口服。
你咁有風度，媽咪姐都心服口服啫。 
全站熱搜
留言列表
{{ article.title }}
