開揚客廳
長形客廳以落地玻璃連接露台，引進大量自然光，望向廣闊大海，景觀一流。「對住呢個 view真係 perfect，係間屋最吸引嘅地方，好 relax，有時會喺梳化瞓着。」
星悅居
陸詩韻 避世海景屋
陸詩韻家居
居住環境好與壞，對住客情緒有直接影響。經營貿易生意的陸詩韻，厭倦繁榮鬧市， 3個月前索性搬離尖沙嘴，進駐西貢匡湖居面積 2千多呎獨立屋，與弟弟同住。「之前住嘉文花園，返工好近好方便，但始終係市區，迫得好緊，返到屋企完全冇放工嘅感覺。所以決定搬嚟呢度，同大自然較接近，環境幽靜，個人冇以前咁忟，精神都好咗。」就算耐不耐與壁虎為鄰，她一樣住得放心，皆因景致怡人。
迷你菜園
露台角落設有小菜園，陸詩韻親手種菜，自給自足。「因為要練耐性關係，我開始種菜，依家日日食嘅菜都係自己落手落腳種出嚟，幾有滿足感。」
海景露台
面積約兩百呎的露台，盡覽遼闊白沙灣海景，吹着陣陣清涼海風，零舍放鬆。「我鍾意出去睇書、飲吓咖啡。望住呢個景，就算飲杯水都清新啲。」
即割即食
為了確保蔬菜夠新鮮，陸詩韻煮飯前才到露台收割，保證夠 fresh！
冷色廚房
銀色廚櫃襯上鋼身廚具，打造型格廚房，光線十足加上白色地板，突出冷冰冰感覺，與暖色飯廳作對比。
暖色飯廳
飯廳一邊牆身以鏡設計，增加室內空間感。窗外綠油油的山坡，與柚木地板配襯，加上柔和燈光，分外溫暖。
透光大廳
獨立屋樓高三層，屋外有海有植物，充滿大自然景色，空氣特別清新。走進地下的客廳，盡享遼闊白沙灣海景，視野開揚廣闊，令人煩惱盡消。「我幫 daddy管數，自己貿易公司都開咗兩年，成日迫到自己好辛苦。依家對住個海諗嘢清晰好多，決策都會快啲。」屋內設計以 earth tone為主調，啡色八人梳化，襯上米色牆身，而露台的落地玻璃，將大量自然光引進入屋，令光線更加充足，散發陣陣暖意。「有時海風都幾勁，不過關咗玻璃門就好 warm，好 relax。搬咗之後，連公司都少咗返，將屋企變咗 home office。」
四季掛畫
客廳中間以顏色鮮艷的油畫作點綴，四幅油畫購自赤柱，分別代表春夏秋冬，與屋外大自然氣息相呼應。
前衞 pop art
走廊放有多幅黑白插畫，主題獨特，富有神秘感。「個畫家叫 Benson Koo，係我公司 inhouse designer，佢鍾意用敏感題材，好有才華，如果我後生 10年都會愛上佢。」
露台種菜
露台除了是享受的好地方，估不到亦是鍛煉的基地。於其中一個角落，可見大大小小的盆栽，當中有油菜、生菜、青瓜等，搖身變為迷你菜園。「我性格好急，有個 uncle話我冇耐性，叫我學種嘢。種菜分好多步驟，又要溝泥又要轉盆，要細心唔可以急。我起初種嘅時候，真係會拉啲根睇吓係咪有問題，結果搞到死咗。種菜可以鍛煉耐性之餘，仲可以分析自己性格。」自家種菜又要泥又要肥料，再加無限心機，相比街市十蚊八蚊菜價雖然昂貴得多，但自己種自己食，新鮮及健康。
貴價皮帶
衣櫃中有幾格專放首飾和皮帶，陸詩韻買的都是 Hermè s皮帶，貴氣過人。
巨型衣櫃
衣帽間面積百多呎，兩旁放有巨型木衣櫃，衣物分門別類。「女仔梗係特別多衫，呢個衣帽間已經唔夠用，依家諗緊辦法，可能要將樓上嗰層變做衣帽間。」
影院睡房
睡房設計簡約，牀尾擺放梳化，變為私人影院。「有時沖完涼又想睇吓戲先瞓，我就會留喺房睇，唔使周圍走。」
雲石浴室
主人房浴室採用淺色雲石，突顯氣派，空間感十足，設有浴缸與玻璃站立式淋浴間，好有酒店 feel。
單位平面圖
樓高 3層的獨立屋，以兩個半層為一樓，中間以樓梯連接。
留言列表
{{ article.title }}
