娛樂八掛大放送★

谷奶凸肚孕味濃呂慧儀：龍 B都係叫蟹仔

呂慧儀（長腳蟹）昨日出席活動時上圍突然升 cup，加上腹部隆起，孕味十足，雖然她未有承認懷有蟹仔，但就漏口風說：「生乜嘢生肖大家只會叫佢做蟹仔，唔會記得佢係龍 B！」不過呂慧儀見到現場小妹妹表現興奮，蹲下錫啖時不慎露底走光。

其他娛樂名人影片

剛剛升呢為黃太的長腳蟹呂慧儀和索腿天后陳敏之，昨日一同出席銅鑼灣「龍裳彩寶花影秀」，由長腳蟹示範彩寶首飾打頭陣，及後陳敏之則為曾替林青霞、劉嘉玲及劉德華等擔任形象設計的台灣設計師康延齡行時裝騷。以低胸連身裙示人的長腳蟹，由於上圍突然升 cup，加上腹部微凸，即惹來有喜之嫌，對此她說：「可能因為我食咗晏先嚟，呢個只係午餐 BB。」

放大圖片

呂慧儀昨日穿上貼身裙時，腹部明顯隆起，孕味甚濃。

放大圖片

今日是陳敏之 33歲生日，大會送上蛋糕預先為她慶祝。

危險打鬥戲拍完 放大圖片

陳敏之（左）客串做模特兒穿上誇張服飾，跟其他模特兒行騷。

雖然未有承認有蟹仔，但長腳蟹又似是而非聲稱若有 BB，自己亦擔心 BB小器：「開心嘢一定會同大家講，分享得就會講，不過我都怕小器，未講得就一定唔講住！」正忙拍劇集《女警愛作戰》的她，表示此劇將拍至下月：「危險、打鬥嘅戲都拍晒，家係得番啲輕鬆戲，拍完呢齣之後都會唞吓先，可能會去度蜜月。」問到長腳蟹會否想生龍 B？她即漏口風：「生乜生肖都冇所謂，佢點都係屬蟹，大家都唔會記得佢係龍 B，點都會叫佢做蟹仔。」

敏之撐林峯 EQ高

而今日 33歲生日的敏之，大會特意為她準備了生日蛋糕慶生，說到近日林峯不時被外界抨擊，敏之力撐林峯說：「佢好叻 EQ好高，畀着係我一早唔得，每次都答得好好。」但他疑似有幻聽，指憶蓮讚自己？敏之說：「我冇睇報道，新聞好快會過，作為朋友會支持佢。」採訪：譚倩宜攝影：林德雄


谷胸呂慧儀甫見小妹妹即興奮至彎身合照，但卻不慎露底。\n