去年林峯與吳千語合作《男人如衣服》撻着，兩人出席宣傳活動時，更不避嫌影合照！
大封面
8萬秘租金屋藏嬌 林峯吳千語半同居
chok王林峯情史不絕。大半年前更斷正夜會嫩模吳千語，雖然兩人只認「好朋友」，但每次提起戀情卻 冧爆。 33歲的林峯，完全被 19歲卜卜脆的吳千語攻陷。近日 chok峯奪《勁歌》「最受歡迎男歌手」時，情深款款在台上說︰「多謝 BB！」暗中確認吳千語女友地位。
吳千語泊到好碼頭林峯後，不但急撇昔日舊愛 Derek（王愛倫細仔），更秘密入住林峯寓所帝景園。
去年 9月，原來林峯更租多個單位俾女友住，方便兩人私會。入行唔夠 3年的吳千語，住得起月租 8萬元的麥當勞道豪宅，連買傢俬都使了 50萬，豪到咁，都係多得林峯！
樣貌清純有「少女版楊采妮」之稱的吳千語，去年簽約黃百鳴做演員，由𡃁模晉身電影圈。去年她拍電影《男人如衣服》時，旋即搭上 chok峯，更狠撇拍拖年半的富二代 Derek Lim（王愛倫細仔）。
林峯周日在《勁歌》台上 冧住嗌 BB，還多謝 Uncle及 Auntie。 Uncle和 Auntie是千語的父母，原來千語已一早安排男友見家長。而在剛過去的除夕夜，林峯出席廣東衞視倒數活動時，一到凌晨時分未落台已急不及待打電話與吳千語倒數。現場歌星爆料︰「 嗰陣個騷未完，阿峯突然打電話，我 哋都好怪。聽到佢甜絲絲同對方講新年快樂。」
林峯為吳千語租的秘竇高雲大廈，位於半山麥當勞道，租盤極少，每個單位 1,700呎，三房一廳，月租約 7至 8萬。
去年 9月搬半山高雲大廈
客飯廳十分寬敞開揚，面積約五百多呎。（同類型單位圖片，來源：中原地產）
去年初黐住香島道獨立屋
與 Derek拍拖不久，吳千語已進駐對方位於香島道獨立屋。
吳千語
Derek
王愛倫
細仔被吳千語飛甩，母親王愛倫曾表示：「個仔冇同我提過，但後生仔大把機會拍拖。」
攞獎嗌 BB
1月 13日，首奪《勁歌》「最受歡迎男歌手」嘅林峯，情深款款多謝家人及 BB，原來 BB就是吳千語，好鬼骨痹。有網友亦在微博問「 BB」是誰。
多謝 BB、 Uncle同 Auntie！（真實對白）
眼利的網友踢爆林峯在直播節目傾電話，網友更在微博忍唔住寸爆他。
早前林峯出席廣東衞視除夕倒數活動時，一到凌晨，還未落台即急不及待同女友倒數。
每日電話傳情
Derek被吳千語飛甩後，近日終於有新歡上場，他亦急不及待將新戀情放上網示威！
林峯經常離港工作，但他與吳千語每日都會電話傳情。去年 10月，吳千語生日，她亦直認收到林峯的祝賀訊息。而近日身在無錫拍戲的吳千語，早前更因為經常掛住煲電話粥，被經理人沒收電話。
雖然有潘霜霜教訓在前，但林峯似乎未知驚，拍拖未夠一年，為了將吳千語私有化，買名牌送首飾唔在講。去年 9月，他更豪花 8萬月租麥當勞道高雲大廈一逾千呎單位金屋藏嬌。有住客爆料，指凌晨時分見過兩人一齊入大堂，林峯當時仲戴住 cap帽，一見人望，即頭耷耷急步上樓。
轉移視線上車
吳千語為免愛巢曝光，會吩咐助手在堅尼地道等候，自己寧願行多五分鐘。連助手都瞞，可見她十分小心。
年僅 19歲的吳千語，實則是情場老手，最識捉摸男人嫉妒心理，林峯被冧得氹氹轉。吳千語密友爆料︰「 Karena（吳千語洋名）好主動，佢好目標為本，一早已諗住泊個好碼頭。 11年識 咗 Derek（王愛倫細仔）冇耐已經搬去佢屋企， 嗰陣已經由男友照顧。後來識 咗林峯，亦不時 喺林峯帝景園出入。初期 Karena仲係一腳踏兩船，林峯為爭贏，亦好落力 冧佢。 Karena撇 Derek時，係突然咩都冇交代就執 嘢搬走， Derek都好無奈。 Karena不嬲好多富二代追，就算佢同林峯拍拖，都會同其他男仔去街，好似林建名個仔林孝信都對佢嗒糖。」
吳千語成為林峯女友後，廣告、電影陸續有來，但新人價始終不高，拍劇價約每集 5千，廣告亦只得 5位數字。加上她要被兩間公司抽佣，包括黃百鳴的天馬及大陸經理人公司。以她收入月租 8萬元豪宅，有困難。
據知除了租豪宅，林峯更答應買車給女友，而吳千語亦急不及待向外宣告於無錫拍劇後，返港即刻會考車牌做車主。
黐林峯變囂
「 Karena黐 咗林峯之後好囂，成日晒命話有人幫佢交租，又話屋企買 咗 50萬靚傢俬都唔使自己俾錢。」
對記者就頒獎禮嗌 BB，是否暗示吳千語女友地位的提問，連日忙於排舞的林峯，雖然冇承認，卻顯得甜絲絲。但當問到為吳千語交租時，即急急腳走人拒答。
忽：攞「男歌手」獎時，你多謝好多人喎，爸爸、媽媽，仲有 BB、 Uncle同 Auntie。 BB係邊個？係咪你女友？
峯：（先笑笑口）我屋企有兩個小朋友。
忽：咁 Uncle、 Auntie呢？
峯：我屋企有好多家庭成員，有好多屋企人。
忽：除夕夜你 喺台上講電話，同邊個講新年快樂呀？又同 BB講呀？
峯：（面色一沉）吓……你問呢 啲 嘢 嘅，我返入去（排舞），唔講喇！
林峯隨即避入排舞室，記者再問他是否買車俾吳千語及 8萬蚊租樓同居，他不作回應。
標緻五官加上 1.7米身高，旋即成為廣告界新寵兒。
吳千語憑紙巾廣告，成為唔少宅男的新一代女神。
吳千語現正在無錫趕拍內地劇《歡天喜地俏寃家》，連今年賀歲片《百星酒店》都未能抽空宣傳，只會出席首映。
經理人認搬半山
吳千語身在無錫拍戲，只能由她經理人 Carmen代為回應。對於吳未紅先富貴，她未有正面回應，但就承認吳搬入半山豪宅居住。
忽：吳千語呢排接好多廣告，拍咁多戲，豬籠入水？
C：唔可以話豬籠入水，但工作好多，收入自然多啲。
忽：佢係咪一個 job兩間公司抽佣？
C：係！
忽：搬 咗去半山成 8萬月租，怕唔怕俾人話忽然富貴？
C：其實尺數唔算差好多，只係地區唔同，但幾錢租呢？私人 嘢就唔太方便講。
忽：林峯早前係頒獎禮時候多謝 BB，確認佢女友地位？
C：呢個真係要問番當事人，我真係唔知林峯指邊個。
忽：作為經理人，俾唔俾佢拍拖？
C：之前老闆（黃百鳴）都有講話唔會阻止，只要唔影響工作就 OK！
忽：佢拍戲時，試過因為顧住傾電話，被公司 hold起手機喎。
C：其實我一向對佢好嚴格，開工唔可以遲到，講電話更加唔可以。
前年才瘟女瘟出禍的林峯，繼潘霜霜之後，又被大陸女星劉羽琦利用做宣傳工具。色字頭上一把刀，睇怕 chok峯揀女真係向劉華偷師至得！
拒回應金屋藏嬌
說起戀情甜絲絲的林峯，被問到金屋藏嬌時，突然沉默，可見他對戀情十分保護。
太子爺做觀音兵
去年 7月出席完《男人如衣服》宣傳活動，吳千語（左）同黃百鳴兒子黃子桓及經理人 Carmen shopping，之後去咗灣仔醫肚，黃子桓貴為太子爺，都要幫吳千語攞戰利品。
Celine Nano Luggage
$17,500
吳千語一身名牌，從 Harvey Nichols買來一大袋戰利品，而她手挽的則是 Celine的 Nano Luggage手袋，價值$17,500。
吳千語不在港，林峯周二及周三一連兩日，都為演唱會排舞，一練就練足三小時。
專釣闊少
吳千語出道不足兩年，裙下之臣不斷。而她擇友要求亦非常高，身邊男士非富則貴，果然識揀。
億萬富二代
林建名孻仔
去年 9月，她出席林建名旗下時裝品牌 LACOSTE派對，其間她到舖頭私會鱷魚恤太子林孝信，男方更為她揀新衫。穿上短裙的她，大騷美腿，還不時甜笑望對方，男方被迷到暈得一陣陣。
製衣太子爺
去年 10月，吳千語被拍得有駕着 GT-R辣跑型男管接管送，男方為製衣太子爺。二人於車廂中喁喁細語，愈傾愈埋。最後發現記者，型男才於女方屋企附近酒店將她放低。之後吳聲稱只是朋友食飯。
黃百鳴新女闖影壇
現年 19歲的吳千語，原名吳欣容，報稱有 1/8法國血統。讀完香港大學副學士先修科後，便開始當模特兒及拍攝電視廣告。後來被導演葉偉信及黃百鳴賞識，拍處女電影《開心魔法》，更夥拍吳尊和古天樂擔正做女主角。由於吳千語樣子甜美，有「少女版楊采妮」之稱。她在今年賀歲片《百星酒店》亦是主角之一，備受黃百鳴力捧。
吳千語為陳柏宇拍過兩次 MV，曾面貼面擺 pose。
在《男人如衣服》，吳千語飾演毛舜筠女兒，戲中唔揀林峯揀鄭中基。
冧峯語錄
吳千語把口好識冧仔，之前與台星炎亞倫及吳尊合作，都讚到對方飄飄然，她曾讚炎亞倫「很漂亮，好似女生一樣咁靚。」又讚吳尊：「好大隻、好 man……個胸好柔軟。」至於男友林峯，她更在公開訪問中讚到對方天上有地下無。
必選視帝
談到選心目中視帝，吳指：「 TVB我只認識林峯，冇其他選擇！」
瞓覺最 chok
合作《男人如衣服》時，吳大爆林峯：「佢瞓覺時最 chok！」
「黑 jacket」論
吳千語曾用衣服暗喻林峯密實：「佢喺我心目中係一件黑 jacket，因為我第一次見佢，佢就係着樽領衫加黑色外套，包到實。」
大讚君子
林峯於《雷霆掃毒》被指掃官恩娜胸，她力撐男友：「佢好君子！應該係角度問題。」
撐唔花心
大陸女星劉羽琦插林峯花心，吳代為辯護：「每個人都有過去，不要拿這些來做宣傳，傷害大家的。」
林峯易被女玩
根據兩人出生日期，堪輿學家譚雲龍指，林峯05年至 14年因夫妻宮刑沖，有桃花劫，容易被女性玩弄，真姻緣要到 2016。
「林峯喺05年至 14年呢十年嘅感情全部都係假情緣。佢太過遷就女性，會被女人玩弄，事業亦會被感情拖累。 2015年，佢行傷官生財運，唔做娛樂圈，轉幫爸爸做生意，喺工作上會有真姻緣。佢太太一定係家庭背景好，讀書好叻，應該會細佢 6、 7歲。」
吳千語易劈腿
留言列表
{{ article.title }}
