旅行旅遊日本富士山下　犬兒愛黑面蛋 @ 娛樂八掛大放送★

遊搜好行：富士山下　犬兒愛黑面蛋

我是一隻香港出世的牧羊狗 Wiskey，最近跟主人飛去日本富士山，去到忍唔住唱神級歌：「曾沿着雪路漫遊，為何為好事淚流。」我可以在樹林喪跑識女仔，又可以同主人住民宿齊瞓齊食，最難忘的必定是大涌谷的黑蛋，食過先知咁滑溜呢！記者、攝影︰徐影珊鳴謝： PettourHK

其他副刊影片 Doggy Park愛的邂逅

生活在香港，我毫無用武之地，沒有大公園可以喪跑，但來到日本我可以盡情一展身手，真係好開心！主人話這裏叫富士 Doggy Park，佔地 10萬平方米，對我來講數字像個謎，總之我覺得可以在大草地奔跳已經好開心。團友 DoDo今日特別吸引，她的身形比我大，是個成熟美女，於是我主動跑去跟她玩，不過 DoDo對我好冷淡，公園突然出現一隻日本狗仔，嗚！是一對日本情侶帶他來散步的，他追逐着我暗戀的 DoDo，我又失戀了！但我很樂觀，主人帶我走入小迷宮，我就忘記了失戀的事！樂園裏有 7個不同的 Dog Run區域，除迷宮還有平衡木及斜台等障礙賽，不時有狗仔做表演，還有其他動物住在這裏，如羊群及鴨仔。聽說公園有出租狗仔散步，有時我們在路口碰面會點頭，他們說這份工唔易做，日本柴犬就最受歡迎，我明白的，這世界到處講外表，幸好我主人唔嫌棄我呢！

放大圖片

放大圖片
■在公園巧遇呢隻日本狗仔，他看到 DoDo就眼甘甘望到實。

■在公園巧遇呢隻日本狗仔，他看到 DoDo就眼甘甘望到實。

放大圖片
■地方咁闊落，我又跳又跑真係開心死！

■地方咁闊落，我又跳又跑真係開心死！

放大圖片
■沒養狗的朋友可在公園租狗仔，柴犬是最受歡迎的。

■沒養狗的朋友可在公園租狗仔，柴犬是最受歡迎的。

放大圖片
■你看！日本人對狗狗好細心，用 BB車推着行公園，疏乎呀！

■你看！日本人對狗狗好細心，用 BB車推着行公園，疏乎呀！

放大圖片

放大圖片
■老實講，我咁大個仔第一次見到傳說中被我趕上山的羊，佢哋個樣真係幾善良。

■老實講，我咁大個仔第一次見到傳說中被我趕上山的羊，佢哋個樣真係幾善良。

放大圖片
■我們一團好多人，連我及 DoDo共有四隻狗齊齊玩。

■我們一團好多人，連我及 DoDo共有四隻狗齊齊玩。

放大圖片
■大涌谷很熱鬧，人來人往，滿山白煙好迷幻。

■大涌谷很熱鬧，人來人往，滿山白煙好迷幻。

放大圖片
■主人說這是搞笑狗仔版百力滋，香港未見過。約$13/盒

■主人說這是搞笑狗仔版百力滋，香港未見過。約$13/盒

放大圖片
■日本最多狗仔食品，主人剛買了這包肉條給我。約$46

■日本最多狗仔食品，主人剛買了這包肉條給我。約$46

放大圖片
■紅富士拉麪是辣的，我哋狗狗不能吃了！約$81

■紅富士拉麪是辣的，我哋狗狗不能吃了！約$81

放大圖片
■公園裏設有餐廳，主人叫了鎮店名物野菜烏冬。約$81

■公園裏設有餐廳，主人叫了鎮店名物野菜烏冬。約$81

Doggy Park

地址︰山梨縣南都留郡富士河口湖町船津字劍丸尾 6663-1入場費︰成人$120、 14歲以下小童$60、狗仔每隻$50。園內租狗仔 30分鐘收費$50。網址︰http://www.doggypark.jp

難忘食超滑黑蛋

我知富士山有好多溫泉，主人話要帶我行山兼看熱泉水。行大涌谷的路不算辛苦，人來人往，好多人同我打招呼打氣，上到山頂，見好多人吃黑色的雞蛋，主人說這是黑色玉子，我都未見過黑蛋呢！主人給我吃了一口，好味好滑呀，原來只是普通雞蛋用溫泉水浸熟，外殼變成黑色呢！

放大圖片
■一袋黑蛋$50/5個，最少要買 5個，傳聞話食咗會長壽。

■一袋黑蛋$50/5個，最少要買 5個，傳聞話食咗會長壽。

放大圖片
■剝開隻蛋，同一般蛋無乜分別，但食落超滑。

■剝開隻蛋，同一般蛋無乜分別，但食落超滑。

放大圖片
■每個人上到山都拿着一粒黑蛋，個個食完都話好滑又好味。

■每個人上到山都拿着一粒黑蛋，個個食完都話好滑又好味。

放大圖片
■主人畀我食黑蛋，聞到已經忍唔住流晒口水呢！

■主人畀我食黑蛋，聞到已經忍唔住流晒口水呢！

大涌谷觀光中心

開放時間︰ 8:30am-5pm網址︰http://www.owakudani.com/

坐天鵝船遊山中湖放大圖片

主人間中有聽古典音樂，我記得有首叫《天鵝湖》，不過我在香港未見過天鵝，估唔到富士山的五大湖泊之一山中湖有天鵝，且天鵝原來好惡，見到 DoDo，竟然出口想攻擊。主人拉着我向前走，原來是登上另一隻更大的天鵝，暢遊山中湖。這艘船是特別准許狗仔同主人一齊遊船河，船程約 35分鐘，費用約$90，我靜靜坐在座椅上擔心暈船浪，後來主人發現甲板可以行出去睇風景，於是我們全部走到甲板前曬太陽，真寫意！

放大圖片
■我都可以坐上凳，同主人齊齊坐船遊湖。

■我都可以坐上凳，同主人齊齊坐船遊湖。

放大圖片
■這是 35分鐘的遊船票，主人可帶狗上船。

■這是 35分鐘的遊船票，主人可帶狗上船。

放大圖片
■我們要乘搭的是身後的天鵝，不過這裏不是天鵝湖，叫山中湖。

■我們要乘搭的是身後的天鵝，不過這裏不是天鵝湖，叫山中湖。

放大圖片
■見到 DoDo差點被天鵝攻擊，我好擔心呀！

■見到 DoDo差點被天鵝攻擊，我好擔心呀！

山中湖觀光船

地址︰山梨縣南都留郡山中湖村平野 506-1營業時間︰ 9:25am-4:10pm（暑假期間 8:40am- 4:55pm）

狗仔治療師開民宿

玩到累要休息了！我們住在富士山下，主人帶我來到 L'amour Noah民宿，屋主叫內田達哉，一眼看出他是愛狗之人，感覺好溫暖。民宿有兩層，設施都好窩心，例如有個我們專用的水療池，怕水的狗仔朋友不用怕，有內田先生設計的救生衣包你唔驚。屋內的牆壁有方便主人用的狗帶扣，使用健康的軟水（過濾水），最開心是可以與主人同房，更可以同牀！點解內田先生咁細心？因為他也是狗主，而他更是註冊狗隻水療師，專幫年紀大或行動有問題的狗狗回復行動，真係好有愛心， I Love You！

放大圖片
■屋主內田先生與他的愛犬。