韓國整容有如食飯一樣簡單，尤其藝人。但金泰希卻被韓國大部分整容醫生證實係「無添加純天然美女」。羨慕死人呀！
亞熱帶
金泰希 愛情見光死
踏入 2013，南韓 K-pop界依然熱鬧，而演藝界呢，亦有一件令粉絲震驚 嘅事，就係有「天然美女」稱號 嘅金泰希公開承認跟正服兵役 嘅 Rain（鄭智薰）戀愛了。本來一個係「南韓第一美人」、一個係天王，門當戶對，理應得到祝福先係，事實相反，係見光死。事緣 Rain本來 喺服役期間已多次違紀，最近因不下數次藉公務外出私會金泰希。事件爆出，全城圍插，令金泰希及與 Rain嘅戀情陷於尷尬境地。
本來男女藝人多戀事，係普通不過 嘅事，弊就弊在 Rain為咗會佳人違反軍紀。
Rain被拍到從金泰希豪宅步出時，因身穿軍服卻冇戴軍帽，犯咗嚴重法紀而被判禁足七日。
Rain於服役期間，多次違紀。
頂級大明星
33歲的金泰希，乃韓國藝能界美貌與智慧的化身，更被一眾 90後男生視為女神。有家底的金泰希老爸係物流公司老總，她則畢業於韓國第一學府——首爾大學，學生時期經常係全校第一名優異生。金泰希之所以躋身藝能界，源於 00年一個電視廣告，之後陸續參演一些電視劇演出。 04年，她憑電視劇《愛在哈佛》真正走紅。 11年跟西島秀俊合拍日劇《明星保鑣 99天》（此劇舊年喺無綫劇集台播過，金喺劇中飾演赴日發展嘅韓國女演員）。說 嚟奇怪，金泰希喺拍劇方面，唔算「多產」，卻靠其「天然美女」氣質、人氣及知名度幾乎登頂，廣告代言費高達港幣 800萬一年。真係唔到你唔服！
年前金泰希為電視劇《愛在哈佛》來港宣傳，趁空閒漫遊尖沙嘴。
舊年 11月金泰希赴台灣宣傳《我的公主》竟然得到好憎韓流嘅周杰倫撐場。認真有 face咯。
金泰希跟 Rian於 2011年合拍廣告「 Compang」時，已互相有 feel，真正撻着則喺 2012年 9月。
靚女多人追
意大利品牌 Black Smith喺韓國江南區開分店，搵嚟金泰希、宋承憲及朴有天做代言人。
金泰希出道十幾年，而且更係出名 嘅「第一美人」，話冇緋聞係呃你。佢緋聞男友一大堆，而且都係「有名有姓」，包括宋承憲、李秉憲同炫彬。但得佢親口承認 嘅真命天子只有 Rain。
雖然依家戀情被人詬病，不過忍耐吓啦， Rain今年 7月服役期滿咯，到時咪可以愛個夠囉！
緋聞男友逐個捉
老實講，金泰希拍劇真係唔多，不過其所接拍嘅，皆為有分量之作。
金泰希喺第一部劇《愛在哈佛》入面，飾演一個患有淋巴癌嘅醫科大學生，男主角為金來沅。
2010年跟緋聞男友李秉憲合拍《 IRIS》。此劇更成該季度收視第一。
《我的公主》乃金泰希跟退役回歸嘅宋承憲合作。兩人亦因拍此劇傳出緋聞。
留言列表
{{ article.title }}
