娥姐怒啤
歐陽震華老貓燒鬚，連兩三句簡單對白都 NG8、 9次。關詠荷和黃智賢在旁等候，前者更不耐煩狠啤他。
娛聞樂
頻頻 NG阻收工湊女 關詠荷怒轟歐陽震華
電視大戰打埋身，一向用人唯親的無 綫，最近亦要轉靠中生、中旦外援 孭飛打仗。繼 46歲周海媚回巢後， 48歲關詠荷近日亦出山，與無 綫福將歐陽震華拍攝 30集重頭劇《情逆三世緣》。
可是，本刊收到消息，這對曾合作《陀槍師姐》、《醉打金枝》的最佳拍檔，近日在片場幾乎零交流。據知，心急趕返屋企湊女的關詠荷，私底下對住嬉皮笑臉的「 NG王」歐陽震華極度不滿，更多次當面寸他態度唔認真，連累劇組遲收工。忍無可忍的她，日前對 着本刊記者狂轟歐陽震華說：「佢下下 NG十幾次，咁多年都冇變過！」娥姐（關詠荷）發火，非同小可。
主動耍冧
雖然得幾句對白，但歐陽震華講極都錯，連他亦唔好意思，主動向其他演員講對唔住，不過身旁關詠荷冇反應。
09年，關詠荷拍罷《五味人生》後，決定收山湊女。直至去年 10月，經無 綫高層樂易玲游說，兼夾男主角歐陽震華向死黨張家輝「攞人」，關詠荷才答允以每集 5萬蚊，復出拍攝新劇《情逆三世緣》，與收舊價 4萬蚊一集的歐陽震華續前緣。關詠荷曾坦言知道對手是歐陽震華才肯合作。
據知關詠荷今次回巢要求多多，不接親熱戲及咀戲，拍落水戲要用替身，劇本亦要一早出定。她更限定每日只接一組戲，最後劇組亦一一應承。但估唔到最難搞是她的拍檔歐陽震華，不時爆肚又經常 NG，打亂她收工時間。 
黑面回應
對於老拍檔狂 NG，上周四（ 10日）關詠荷面燶燶對記者說：「 NG個個都有啦，不過佢下下 NG十幾次之嘛。」擺明唔妥。
錫寶貝女
關詠荷一向錫晒愛女 Brittany，縱使出山拍劇，亦要劇組遷就她放工時間， Bobby狂 NG阻收工，又難怪娥姐咁㷫。
寸頭髮少
據知歐陽震華記對白一向麻麻，試過遇到繞口對白 NG十多次，幕後見慣不怪，只有關詠荷出面頂撞。一幕後人員說：「有次娥姐黑晒面出聲窒佢：『你十幾年都冇進步過，有冇理吓我哋感受 㗎，咪亂咁將啲字塞落去就當講咗啦！』 嗰陣 Bobby以為佢呻吓，當冇事發生繼續拍。」誰知事隔數天，關詠荷竟向傳媒說：「佢同以前一樣咁多 NG，隨便講四個字塞番啲位就當係。」堂堂男主角竟然俾對手窒 NG多，歐陽震華私底下曾埋怨關詠荷口沒遮攔，但女方堅持自己實話實說。
幕後人員續說：「有次 Bobby整頭搞咗好耐，娥姐行過大大聲講咗句：『我同你差唔多時間返嚟，你頭髮得幾條，點解仲搞得耐過我？』 Bobby即刻黑晒面。」幕前幕後個個都知頭髮少一直是歐陽震華的禁忌，自此， Bobby和關詠荷同場除了對稿外，近乎零交流。
頻索鼻水
外景當日新界氣溫得 10度，嘆慣的關詠荷亦做足準備，趁未 roll機時着番件羽絨。她仍不時流鼻水，要用紙巾捲成筒狀塞入鼻窿吸鼻水。
衞生麻麻
紙巾循環再用後，關詠荷未有立即棄掉，反而放入戲服的腰帶中，似乎唔多符合衞生喎！
少有傾談
拍劇諸多規矩的關詠荷，其實除 Bobby外，與其他台前幕後亦少有傾談。日前，她返無綫化妝等入廠，在化妝間的一小時內，就只與髮型師閒話家常了幾句。
助手買外賣
關詠荷在晚膳時間，甚少與其他演員到飯堂食飯。記者觀察數日，只見每到放飯時，其助手都會到公司餐廳，買外賣送到化妝間。
句句有骨
日前，二人在沙頭角拍攝一場文戲，其間歐陽震華只需講幾句打油詩便可收工。「可以同霜霜姑娘行吓山，釣到泥鰍都當老鼠斑……得閒散吓步，清明都唔使去掃墓。」但幾句對白竟然 NG了 9次之多，起初他以笑遮醜。最後講講吓，歐陽震華仲錯講成「得閒掃吓墓」，連他自己都不好意思說：「對唔住再嚟過。」而原先企在他旁邊的關詠荷，怒啤了他一眼後，索性着番件羽絨上身，企開一邊等他。
上周四（ 10日），本刊就歐陽震華 NG頻頻一事求證關詠荷。她一臉嚴肅地說：「 NG個個都有啦，不過佢下下 NG十幾次之嘛，咁多年都冇變過。冇 Bobby嗰兩日，我 哋個個拍戲都好認真，有佢 喺度咪當調劑囉， NG搞笑吓𠱁吓我 哋開心。（見到你 哋冇偈傾喎？）日日對住，對得多都悶啦，仲邊有咁多 嘢講！」曲線寸爆老拍檔，關詠荷火氣十級猛。至於歐陽震華，本刊多次聯絡他，但至截稿前仍未回覆。
收視福將
自 97年開始，關詠荷與歐陽震華合作《醉打金枝》起，兩人的「熒幕情侶」形象深入民心。他們五度合作，套套劇都超過 35點收視。如今電視大戰一觸即發，難怪無綫會再找兩人合作打仗。
00年《金裝四大才子》
最高收視 37點
無綫當年用四生四旦孭飛的《金裝四大才子》輕易撼低亞視的重頭劇《影城大亨》。 
00年《陀槍師姐 II》
最高收視 42點
《陀槍師姐 II》開播首周雖然得 32點收視，之後越升越急，全劇平均收視 36點。
98年《陀槍師姐》
最高收視 38點
《陀槍師姐》平均收視有 35點，與《天地豪情》一樣，是當年的收視冠軍劇集。 
97年《美味天王》
最高收視 35點
無綫找兩人做情侶檔拍《美味天王》，連同肥姐沈殿霞炮製笑料，收視理想。 
97年《醉打金枝》
最高收視 38點
以往賀歲劇收視麻麻，不過兩人合拍的《醉打金枝》放於新年檔播出卻大收旺場，更奪得當年無綫頒獎禮的「最惹笑寃家」獎。 
留言列表
{{ article.title }}
