小特搜

怪癖逐個捉

2013年01月18日 ~~ 第912期 忽然１周

平時睇電視或者雜誌，見親 啲藝人都係靚仔索女，但其實佢哋同普通人一樣，有好多不為人知 嘅怪癖，例如林子善鍾意咬手指頭、阿 Bob日日都 着鞋唔 着襪。難得呢班藝人咁誠實，肯 嚟個私生活大公開，媽咪姐不得不讚佢 哋勇敢。

林子善勁咬手指


細路仔咬手指見得多，估唔到大細路林子善都有呢個怪癖，一得閒就好肉緊咁咬手指頭。問佢係咪有情緒病，佢話：「由細到大一無聊就做呢個動作，依家十隻指頭都咬到倔晒！我都知係壞習慣，不過改唔到！」雖則男仔對手冇人會留意，不過身為「冰室」老闆，係時候要改改喇！

阿 Bob着鞋唔着襪


以前阿爸阿媽年代， 着鞋唔 着襪下句就一定係老土兼核突，但家吓呢 啲先至叫潮，而阿 Bob(林盛斌)為跟潮流日日都會唔 着襪。「無論 着布鞋抑或皮鞋我都唔鍾意 着襪，我老婆成日都鬧我，話咁樣唔衞生，不過我覺得好有型囉！」人人都會有腳汗，唔 着襪好易焗臭腳，大家又敢唔敢試呢？





梁奕倫唔熟唔屙




梁奕倫拍嘢做騷冇時停，但當人有三急開大，佢點都一定要返屋企解決， 喺街就打死唔制。咁如果出埠又點呢？佢話：「平時 喺香港我一定要坐 喺屋企個私家馬桶先開到大，如果出埠，我會帶定消毒火酒，將酒店個馬桶徹底消毒，不過都未必去到 㗎！」睇嚟佢仲有潔癖㖭！ 

吳文忻賴 牀 3粒鐘




身為醫學美容公司 CEO嘅吳文忻，原來每日都要賴 牀，如果中午 12點開會，鬧鐘最少要校 9點鐘響。吳文忻笑說：「我每日醒 咗都要 喺張 牀攤屍起碼 3粒鐘，等自己真正醒晒，睇見個天都光晒先會願起身。」佢係老闆娘梗係得啦！打工仔千祈唔好學呀！ 

陳霽平鬥雞試妝




好早之前都見過台灣名嘴小 S愛自拍鬥雞眼相，但原來陳霽平亦好呢味。佢每次化好一個妝都要鬥雞眼，話可以放鬆面部表情喎！「唔知點解 㗎！總之每次化完妝我都會影一張鬥雞眼相，然後睇吓個妝 O唔 OK？」鬥雞眼試妝，真係聞所未聞！ 

arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    tvb4life 發表在 痞客邦 留言(0) 人氣()

    E-mail轉寄