變得多，傷氣力呀！（設計對白）
我靚啫，你妒忌！（設計對白）
咪講笑，依家林夏薇拍住郭羨妮（ Sonija），喺《初五啟市錄》做女主角㗎！睇見 Sonija十年如一日嘅樣貌，更加覺得敢於改變嘅林小姐「勇氣可嘉」呀。
媽咪姐
沒有最 V只有更 V
媽咪姐成日都話，只要一百歲唔死，日日都有新發現！登登登櫈，呢次主角就係林峯堂妹林夏薇是也。
未入 TVB前，林夏薇都影落唔少靚相，個鼻同堂兄林峯一樣，好有氣勢㗎！
嗱，之前攤喺屋企睇《幸福摩天輪》， honey已經問我：「吖，呢個係咪林峯嘅……（堂妹囉！）係呀係呀，但點解個樣好似……唔同咗嘅？」 Well，連 honey呢啲咁粗心大意嘅男人都覺得有古怪？咁媽咪姐梗要出動啦！周三（ 16日）就即刻去新劇《初五啟市錄》嘅宣傳活動，嚟個近距離觀察。嘩！唔睇猶自可，一睇就睇出興趣來，因為實在太神奇嘞！林夏薇無論係鼻定下巴，都隨年月出現「瞬間收縮」及「 V形增生」嘅奇景，絕對比梁特首嘅偽術施政報告有驚喜得多！
嗱，同場仲有楊秀惠、葉翠翠兩位變臉大師，比較之下見真章，輸咗。所以，媽咪姐做證，喺「變臉門」一派，林夏薇先係「一代宗師」！咳咳，不過可以做到幾耐，就無人知啦。呢一派同世事一樣，常變㗎嘛。
林夏薇箭嘴鼻
同兩年前嘅舊相相比，林夏薇個眉心同鼻樑位明顯高咗，家族「豬膽鼻」變「箭嘴鼻」，鼻頭都細埋，而蝦餃下巴亦持續發展。但羅馬不是一天建成的，林小姐個樣亦時刻在變。咦，變咗！
冠軍
2011年
楊秀惠輸下巴
楊秀惠精於變臉並唔係奇聞，但從側面睇，佢明顯唔夠林夏薇進取嘞！下巴嗰隻「蝦餃」偏細，無肉食囉。但比起 04年參選華姐嘅 look就……佢已經「戰勝」咗自己！
亞軍
2004年
04年，楊秀惠代表馬來西亞來港選華姐。原來喺馬拉，方面扁鼻都有市場㗎。
葉翠翠脂肪拖累
有圖有真相！葉翠翠 05年參選港姐前係 model，拍落唔少靚相，見證住佢由扁鼻方塊面進化到尖臉間尺鼻嘅「奇幻歷程」。依家，蝦餃下巴、間尺鼻猶在。但翠翠忽然暴脹，今次削骨都唔掂喎！
季軍
参選前
葉翠翠參選港姐前舊照，嘩！靚到呢，用呢個樣一定攞到友誼小姐呀。
留言列表
{{ article.title }}
