郭晶晶進駐大宅預習做霍太

國寶級的「跳水公主」郭晶晶與霍啟剛大婚在即，準新娘雖然對婚事三緘其口，但前晚出席完公開活動後，坐豪華七人車直駛入霍家大宅過夜，新抱仔身份相當明確。

霍震霆與朱玲玲長子霍啟剛，自從2004年與郭晶晶撻着以來，不時傳出兩人結婚消息，至今年5月，朱玲玲難掩娶新抱的喜悅，首次親口透露今年內辦喜事，將榮升奶奶。

坐頭排睇騷

準新娘郭晶晶前晚接受意大利高級時裝品牌Max Mara邀請出席派對，被記者問到待嫁心情及未婚夫霍啟剛為婚禮減肥事一概含羞答答，甜笑不語，幸福之情溢於面上。雖然晶晶不肯多談婚禮事宜，但席上一直笑容滿面，不時和其他嘉賓交談及合照，並被安排安坐於頭排欣賞時裝表演。

霍啟剛

豪門準新抱郭晶晶有專車接送，直駛入霍家大宅內，她才下車。

上車變低調

及至晚上11時活動完結後，豪門準新抱即有豪華七人車接載，並直駛入位於沙宣道的霍家大宅，高調地登堂入室，奠定其未來小女主人地位。晶晶於七人車上先解散頭髮，再披上黑色外套，回復她一向的低調打扮。當坐駕駛近大宅外，大閘立即徐徐打開，一眾記者一擁而上拍照，坐在車內的晶晶相當淡定，待車子駛往大宅內始急急腳下車入屋，相當有豪門少奶奶氣派。

放大圖片

放大圖片

霍家大宅成景點

香港超級富豪霍英東於1970年搬入薄扶林沙宣道33號，其大房所有兒女子孫，三代共十幾人都同住此大宅內，長房三子霍震宇曾在訪問中透露其房間很細。霍家主樓三層高，左邊有大圓亭，前邊有一片草地，布局精緻。另有兩層高的工人宿舍，而地下是車房。大宅四周都以高大的植物包圍，恍如堡壘，莊嚴高貴吸引很多結婚新人到門外拍攝婚紗相，相當熱鬧。

文、攝：追蹤組

郭晶晶霍家大宅過夜

「跳水公主」郭晶晶與霍啟剛大婚在即，準新娘前晚接受時裝品牌邀請，出席派對，雖然封口不談婚事，欣賞表演時全程露出甜蜜笑容，不時與嘉賓交談及合照，難掩幸福喜悅。晚上11時活動結束後，身為豪門準新抱的郭晶晶由豪華七人車接載離開，直駛入位於沙宣道的霍家大宅，鮮有高調地到霍家過夜。

郭晶晶在七人車上先行變裝，解散頭髮再披上黑色外套，回復一向的低調打扮，當座駕駛近霍家大宅時，記者上前拍照，晶晶淡定地坐在車內，待車子駛入大宅後下車入屋，相當有少奶奶風範。

郭晶晶在七人車內，等座駕駛進霍家大宅。

郭晶晶出席Max Mara派對，不時流露甜蜜笑容。

將軍澳→沙宣道
晶晶進駐霍家大宅

霍啟剛（小圖）準老婆郭晶晶，出席完活動就由司機接走，直返霍家大宅。

前晚9點幾跳水皇后郭晶晶盛裝出席 Max Mara喺將軍澳邵氏片場搞嘅時裝騷，雖然同霍啟剛嘅婚期被 Auntie葉蒨文爆話要改遲啲，不過都係小問題啫，冇影響到晶晶成晚睇騷嘅心情。晶晶成個派對就坐喺李民橋同傳大肚嘅老婆身邊傾偈，其他人都冇乜點理佢。大會公關對於呢位霍家未來新抱就好緊張，全程至少有兩名公關招呼，仲有大會保安企喺身邊，難怪又冇人同佢傾到偈嘅。晶晶好畀面坐到完騷至走，之後大會保安護送咗跳水皇后上七人車，架車直駛去沙宣道嘅霍家大宅。

《今日我至煞》一入豪門深似海，睇吓霍家門前隻石獅子咁巨型就知！

李民橋咁大膽搭住晶晶膊頭？其實只係第二個人隻手，咪睇錯呀！

晶晶有大會保安同公關全程傍實，仲邊有人敢埋佢身。

大宅嘅傭工一見到未來霍家長房新抱返嚟即刻出嚟開門，見到有記者影相，傭工個個都好緊張舉手遮擋，反而坐喺車入面嘅郭晶晶就好淡定。不過好戲在後頭，當平時重門深鎖嘅霍家大宅打開門嗰一刻，更震撼嘅事就出現眼前，原來霍家嘅正門放咗對成層樓咁高嘅石獅子，嗰種氣勢有啲似睇緊《木馬屠城記》嗰隻馬咁，認真巴閉。
採訪、攝影：陳辰、李志明