陳奕迅因工作在身未能陪伴左右，阿徐擔起當媽媽的責任，一心與女兒康堤出海玩，怎料遇上意外，幸好最後有驚無險。
探熱針
打風出海開 P 徐濠縈失蹤半小時
有錢人鍾意出海，夏天一到，差不多每個星期都有船 P！上星期六（ 21日），楊受成胞弟楊海成女兒楊嘉明（ Carmen）吹雞，約埋陳冠希、潘世亨（ Kevin Poon）、曾文豪女兒曾昭兒（ Natalie）及徐濠縈等大班人開船 P，阿徐更帶埋女兒康堤同行。
開 P當日掛一號波，本來陽光普照的天色突然風起雲湧，海中能見度極低加上雷電交加，據知徐濠縈更一度失去蹤影。
Natalie除了在律師樓工作外，還與友人創下自家品牌「 Hanalie」，因而與潮人阿徐愈玩愈老友。
康堤在船 P上，與其他比她年紀小的小朋友玩得很開心，就算經歷了如此驚險的時刻，很快便忘記了。
經歷過驚濤駭浪的一天，阿徐、 Natalie、 Kevin Poon及 Edison分別在 instagram留言，分享當日的感受。
兩分鐘變天
船 P當日，一行四十幾人三架遊艇，浩浩蕩蕩到大浪西灣，同行還有多位小朋友，老公陳奕迅在內地開巡迴個唱，徐濠縈唔想丟低女兒，帶埋康堤出海。海上活動，大人玩水上電單車、 wake board、香蕉船，康堤就同其他小朋友一齊，玩浮床游水。
韋森特襲港，天文台當日掛了一號戒備訊號，但天氣看似未受影響，三十多度下陽光普照，直至下午四時多，突然變天，風強能見度又低，本來在海中玩樂的一班富貴人見勢色不對，紛紛游返去遊艇。
「兩分鐘內變化好大，突然狂風暴雨，個海變 咗黑色，全部人都落晒水，喺沙灘游返埋艇有一段距離，所以一定讓 啲小朋友走先， Carmen揸住架水上電單車載 啲小朋友上船，第一個就救阿徐個女。我 哋有三隻船 喺度，但太大浪要駛開，如果唔係會撞埋一齊。大家搏晒命咁游返去，但有暗湧又勁浪，游唔到，好彩我同 Justin（男朋友）見到條船纜，拉住先返到埋船，但原來 嗰隻都唔係自己架船。未遇過咁 嘅事，好驚險，自問游水都幾叻，但都冇用， 啲閃電不停打落個海，好得人驚。」曾文豪女兒 Natalie說。
Edison亦有出海玩，但翌日要飛台灣公幹，所以提早離開，沒有遇上風暴。
在驚險的時刻， Carmen揸着水上電單車周圍救人，成為了眾人心目中的英雄人物。
阿徐與友人們玩完船 P當晚，便一起去 Fly夜蒲，更被傳媒拍下與男友人親密照。其實同行男友人 Tim當天亦有出席船 P，更與女友 Cindy陪康堤玩，與阿徐是老死，夜蒲親密照只是一場
誤會。
阿徐與一班富二代玩得很熟，其中與 Carmen（中）更是老死。
Edison為穿上三點式的康堤拍照留念，說她愈大愈 sexy。
一向愛水上活動的阿徐，很多時也會與朋友一起出海搞船 P。
草蜢救阿徐
狂風暴雨持續四十五分鐘，失蹤了半小時的阿徐，幸好被草蜢的遊艇救起。
據了解，狂風暴雨持續了四十五分鐘。康堤第一個獲救，但卻發現媽咪不見了。「當時情況好差，有啲人留 喺沙灘間士多避雨， Carmen就不停揸住架水上電單車四圍救人， Kevin都係佢救返，我上船後發現唔見 咗阿徐，大家都搵唔到佢，後來先知道佢俾草蜢嗰邊救番。」 Natalie說。
有份參與船 P的 Edison，因為提早離開，所以避過一劫，一行人有驚無險，但三架遊艇駛返深灣遊艇會時，其中一架半途觸礁，船身撞穿了一個洞入水，要報警，搵水警前來營救。
留言列表
{{ article.title }}
