母語，即第一語言，一個人出生以後最早接觸、學習的一種語言。

時代變，有些香港父母本末倒置，將孩子教育成滿口英語，卻連簡單中文對答也應付不到；英文能力提高了，卻完全將母語的重要性拋諸腦後。

《超級巨聲3》冠軍廖仲謙感同身受，數月前在西環開設「甲籽園教育中心」，開宗明義以啟迪小朋友的中文課程為主，廖Sir說：「其實我哋身處喺呢個華人社會，好多日常生活接觸到嘅資訊，例如電台、電視，或者巴士上嘅廣告，都係中文，所以幫小朋友學好母語係最緊要嘅。提高咗小朋友嘅語力能力，再讓佢哋去學其他外語，就會事半功倍。」

廖Sir以圖畫、故事形式教導小朋友中文，他認為小朋友學好母語，對將來學習其他語言，也有幫助。

廖Sir廖仲謙在去年參加《超級巨聲3》並奪得冠軍，女朋友Vicky不但喜極而泣，更上台獻花及示愛。而Vicky也在教育中心內擔當老師，情侶檔拍住上，感情也愈見深厚。

啟發思維

畢業於教育學院幼兒教育系的廖仲謙，擁有三年的教學經驗，去年參加無綫舉辦的歌唱比賽《超級巨聲3》，而被迫辭去工作。比賽完畢後，他立志繼續教育小朋友，遂於西環開設「甲籽園教育中心」，以教授中文為主，希望小孩子能學好母語，進而學習其他語言。廖Sir說：「我哋喺教育學院出嚟嘅，學習方向着重啟發小朋友嘅思維。好多家長問我，點解我哋唔用課本去教小朋友中文？因為小朋友一開始係唔認識文字，佢哋係要靠啲圖畫，去幫助佢哋有咗個圖像記憶先，所以，我哋嘅教學主要由畫開始，好多教材都係我哋自己做，透過畫像，吸引小朋友主動探索知識，啟發佢哋去思考。」

廖Sir開設的「甲籽園教育中心」，以教授中文為主，所有教材均是老師們親手製作。

廖Sir舉例說：「我哋會透過一啲圖畫，連串成一個故事，畀小朋友去觀察故事嘅情節。例如幅畫有兩隻鴨仔，一大一小，小朋友見到呢啲圖像，再經過老師嘅發問同引導，會即時思考佢哋嘅關係、表情，咁就可以訓練到佢哋嘅推理、觀察同思考嘅能力。」

廖Sir的教育中心，有別於一般主力教授小孩子英語的中心，因為他認為，日常生活中最常接觸的一定是中文，「所以幫小朋友學好母語係最緊要嘅。提高咗小朋友嘅語力能力，再讓佢哋去學其他外語，就會事半功倍。」

擁有三年教育經驗的廖Sir，坦言十分喜歡小朋友，因此，對於與小孩相處甚有心得，四位小模特兒轉瞬便與他熟絡，毫無介蒂地交頭接耳。