陳慧琪說每個運動員都有一個奧運夢，參加過一次奧運的她今屆無緣出戰倫奧，接下來的目標是二○一六年的亞運會。
好男好女
大世界小女孩 陳慧琪
跟陳慧琪做訪問是開心的，除了因為她經常大笑、爆笑，更大部分是她的率真，答問題不會轉彎抹角，不會這個不能問、那個不會答，感覺特別的爽，例如問她今年多大？她會答，然後再說：「呢期啲報導全部都要 mention我幾多歲，點解要寫人幾多歲呀？哈哈。」畢竟她打滾的是個運動世界，「比起同年齡 嘅人，佢 哋覺得我好細個，相比 喺運動以外 嘅地方，始終人生經驗我 哋成長唔係咁多，係純樸 啲、單純 啲，冇咁複雜。」懷着孖胎、頂着四個月的肚子，三十一歲的陳慧琪說道。
對不起，陳慧琪，這篇訪問依然要提到你的年紀，因為這是必須的。
後路
陳慧琪有「李麗珊接班人」之稱，是現役香港滑浪風帆代表隊成員，在運動世界「轆」了十多年，她自知與外面世界大不同，「聽番啲同學講，返工點點點，同啲同事相處、同老細相處，我話好似咁複雜嘅，我哋好簡單，就係跟番個 schedule訓練、去比賽咋嘛。」
從十三歲開始，陳慧琪的世界只有讀書、滑浪風帆、拍拖這三回事，直至大學畢業，便當上全職運動員，她從來未踏足過這個殘酷的商業社會，眼見有些國家的運動員退役後因適應不了外面的世界，生活潦倒，在街頭擺賣金牌、或去日本拍 AV，她慶幸自己有個大學學位，「因為我讀書時好堅持完成土木工程的大學學位，呢個係作為一個現代社會 嘅一個基礎教育程度，講得衰 啲，就算我退役後有乜事，攞住個大學學位，點都會搵到三餐一宿。而家係咁諗，以前冇諗過咁複雜。」
另外，她亦主動參加由前滑浪風帆港隊成員黃德森的「香港運動員就業及教育計劃」與有線電視合作的「 2012倫敦奧運實習計劃」，似要為退役後作準備，她說她對滑浪風帆的火還燒得熊熊的，目標將在一六年舉行的亞運，「冇諗過咁複雜，只係將來要踏入呢個社會嘅話，我都唔知自己鍾意或者適合乜嘢職業，咁啱而家有好多實習計劃俾我去嘗試，我覺得應該好好去把握呢啲機會去試吓唔同嘅嘢，跟住先再決定將來條路點樣行。」
○九年的東亞運動會，陳慧琪在五天共十場賽事中，十戰全勝，在土生土長的赤柱海灘上封后。
拍攝當日是陳慧琪「畢業後」首次錄影，她表現輕鬆，「錄影咋，唔係 live㗎。」
小毛病
做開運動員，今次卻要當奧運評述員，雖然面對鏡頭駕輕就熟，但原來角色大反轉，很多細節都要留意，咬字發音是重要的一環，可以靠讀報紙解決，「個口擘得大啲，講嘢就會慢啲，咁個發音就會清楚啲，因為我自己本身講嘢快，咬字又唔係好正確，哈哈，跟住就會 lur，所以而家好留意同埋已經習慣 咗講嘢要擘大啲個口，哈哈。」除了語言上要注意，坐姿亦會影響視覺效果，「有留意多咗自己上鏡嘅時候個坐姿，唔好𠌥住，同埋之前德能（導師）有講過我個頭擰得太多，咁會令到啲觀眾好難 follow或者好暈。」
上屆奧運，她的丈夫、前滑浪風帆港隊代表何智豪為無 綫擔任評述，有冇問老公意見？「黃德森之前 喺有線 啲片就有睇，但冇睇老公喎，對住佢十幾年，我已經對佢冇興趣啦，哈哈哈！」不過老公卻有溫馨提示，「滑浪風帆比賽嘅時間冇特定，如果唔夠風或者天氣惡劣，就會延遲要等，等得耐，廠入面凍，佢會提我帶多件衫、準備啲嘢食，佢嘅提醒係另一個範疇，哈哈。」
八位精英學員：（前左起）劉志強、陳慧琪、伍家信、李靜、（後左一及二）譚智健、周曉光、（後右一及二）鍾國樑及吳哲穎經過一個月密集的體育節目評述員訓練後終於畢業。
大學選修土木工程，因為她想擴闊生活圈子，令自己知道除了運動，外面世界是怎麼一回事。
陳慧琪與何智豪於○七年結束十年愛情長跑，二人在滑浪風帆界被稱為「智慧夫婦」。
○八年特區政府舉行奧運香港代表團返港歡迎儀式，當時的特首曾蔭權向滑浪風帆運動員（右）陳慧琪及（左）陳浩然頒發獎狀。
阿爸反對
與何智豪拍拖十年，二人於○七年結婚，對於女兒及女婿均是運動員，陳爸爸當然有點微言，因為除了陳慧琪，她的妹妹陳慧文亦是風帆運動員，○六年退役後當上警察，「當初我做運動員，阿爸有出聲，『吓？做運動員，咁即係第時點呀？』阿媽就冇，因為十三、四歲時係佢叫我參加暑期班玩 嘅，哈哈。同埋 嗰陣時讀書又兼顧運動，阿爸覺得冇可能做得到，我最記得中五會考放榜，打俾阿媽話俾佢聽我廿五分，阿爸打番電話轉頭同佢講：『你係咪聽錯呀？十五分咋，唔係廿五分呀？』哈哈哈，呢個我好記得。」
嫁給何智豪，當初陳爸爸亦不太放心，「我唔記得佢點講，但食飯時佢成日問我老公，『你第時諗住做咩呀？』而家 OK，有陣時我唔喺香港，佢都會返去我阿爸阿媽屋企食飯，咁我覺得作為父母擔心自己仔女係當然啦，我哋行動上證明到我哋係 OK，咁佢哋會放心囉。」
兩歲生日時的陳慧琪。
陳慧琪的表嬸蔡秀蘭（左二）於七十年代尾曾奪得七屆的香港滑浪風帆冠軍。
留言列表
{{ article.title }}
