BMW 寶馬新 5系 550i 詠春師妹陳嘉桓與新寶馬 5系穩打穩紮 @ 娛樂八掛大放送★

十七歲女有靚樣有長腿，識煮餸耍詠春，文武雙全迷死宅男！這位《葉問前傳》小師妹陳嘉桓話坐車要夠伸腳，借來寶馬新 5系 550i做拍檔，女神加戰車，有齊男人的夢。記者：徐影龍攝影：伍慶泉鳴謝： BMW HK

其他副刊影片車廂闊夠伸長腿

第一眼見陳嘉桓 Rose，長長頭髮高高瘦瘦，着住短裙斯斯文文，好難想像她竟能捱苦，學楊紫瓊行打女路線。其實 Rose出身於 Model界，擺 Pose功架十足，一埋位已擺出幾十款迷人姿勢，走入寶馬全新 5系最豪級數的 550i，看她左挨右瞓，真的好 Buy個車內櫳，「我覺得座椅好軟熟舒服，㩒下個掣就可調校角度，車行得快時隔音好好，最啱攤唞聽歌同睇碟 Relax吓。最重要係夠闊落，我對腳咁長坐車都幾辛苦，呢架車唔頂頭唔頂腳，令我感覺自在。」當然啦！全新 5系用上最高級別的 7系底盤，軸距有 2,968mm長，就算 5個高妹坐晒上車都有大把位剩。

放大圖片
■ 5系大改款，低斜車首及頭唇加網欄，觀感上比舊款更 Sporty。

■ 5系大改款，低斜車首及頭唇加網欄，觀感上比舊款更 Sporty。

放大圖片
■ 550i專屬 18吋風扇式輪圈，拍埋小師妹度登時矮一截。

■ 550i專屬 18吋風扇式輪圈，拍埋小師妹度登時矮一截。

放大圖片
■方形雙出式尾喉亦是 550i獨有，令車尾一樣有型有格。

■方形雙出式尾喉亦是 550i獨有，令車尾一樣有型有格。

放大圖片
■ Rose好欣賞 550i又快又穩定，大車不一定論論盡盡。

■ Rose好欣賞 550i又快又穩定，大車不一定論論盡盡。

踩油狂飆夠穩定

耍完詠春做完訪問，用架 BMW 550i送 Rose返觀塘。小男人心態，踩深油門爆飛一段，諗住攞番個尾彩，點知小師妹邊有咁易被拋窒，「咁大架車都幾穩定幾快喎，應該有幾百匹。」識嘢！ 550i用上最新 TwinPower Turbo引擎，馬力達 407匹，扭力峯值來得快 Keep得耐，千零轉已經有料到，加埋 8速+/-波箱，上上落落反應迅速。今日的兩位主角，共通點可算是底子穩紮兼文武雙全，夠晒合拍呢！

放大圖片
■近 3米超長軸距，高䠷小師妹邊坐邊讚夠闊落。