探熱針
李思捷繑埋手 春卷錢還債做試酒女
一度被李思捷「私有化」養起的春卷（王寶寶），近期忽然轉性，蒲頭撈；以為她抵唔住男友頻頻「即食」羞辱，其實另有隱衷。
據知，春卷媽欠下數百萬巨債，即使賣埋樓，都冚唔掂。「米飯班主」李思捷又闊佬懶理，袖手旁觀；春卷唯有靠自己，連洗杯遞筆的廉價勞工，都照啃！
賣樓 冚債
據可靠消息指，春卷媽因為在英國投資失利，即使以四百萬出售將軍澳都會 駅單位冚數，仍欠債數百萬；春卷為代母還錢，無奈出山搵銀。「春卷之前周圍同朋友呻佢好等錢使，又周圍撈，佢話阿媽爭人錢，唔可以返英國，佢要出 嚟做 嘢幫阿媽還錢，仲話明有 job搵佢，唔使經思捷，直接搵佢就得。」春卷密友說。
日前春卷現身王秀琳（ Mango）有份投資的日式料理開幕，在場記者以為她是嘉賓，實情春卷是負責遞筆遞水的活動女郎，日薪二千五。
為搵錢，日前 Mango日本餐廳開幕，靠邊站的春卷著住和服負責遞筆捧酒做人肉布景，大小通吃。
週日下午，攞住 N年前款 Fendi手袋的春卷單拖出街，近半年頻撲搵銀的她明顯愈來愈憔悴。
在會展做「試酒妹」，有跟她一齊工作的女仔透露二人企足三日，十分辛苦。
試酒女
「嗰日春卷同記者做訪問，之後都俾人鬧。其實之前佢已經去咗會展做攤位試酒女郎，企足三日，又要幫手洗杯，就係為咗賺萬二蚊。」
當年仍未被李思捷「私有化」的春卷，活動價是五千起跳至一萬，試過三個月賺超過十萬，時至今日，春卷根本無得揀。
「同李思捷拍拖之後，因為個男人唔想佢再做，要佢同經理人解約，斷晒春卷啲機會，要依靠佢生活。」阿媽有難，春卷開口向男友求救，卻被李思捷一口拒絕，她只好周圍撈撲水，跟男友的感情也大不如前。
春卷（左二） 08年以「味之天使」出道，當年她有份影的寫真集在今年書展中更以 20蚊特價賤賣。
（《蘋果日報》圖片）
自從爆出扮醉抽水事件被多名女藝人公開鬧爆後，李思捷刻意低調減少夜蒲，上週六，他包冚出外跑步。
憑《福祿壽》帶挈賺錢，李思捷下半年會拍住王祖藍、阮兆祥到內地開演唱會，繼續搵銀。
戀父狂
年僅二十二歲的春卷，跟年近四張的李思捷忘年戀，全因春卷父母早年離異，在單親家庭長大的她，一直有戀父情意結。
「其實早排李思捷偷食 Naomi單 嘢，春卷死撐話信男友，實情係嬲到發癲，個男人食到咁揚，完全唔俾面佢，春卷對李思捷已經打定輸數。」春卷密友說。
爆出同 Naomi响澳門開房後，雖然春卷死撐男友冇偷食，不過之後本刊再影到李思捷跟 Naomi在尖沙咀前後腳蒲吧，當晚飲大咗的李思捷（紅圈）更要朋友扶住走。
跟 Naomi繼續蒲
繼續富貴
春卷 孭債閉翳，相反另一半李思捷靠《福祿壽》帶挈，拍電影開演唱會賺一筆。年初豪擲過百萬購入絕版二手法拉利 575M，加上早已珍藏的 Porsche 964、 10年落地的福特 Focus RS及日常開工用的七人車，一人四車。
屋企 OK，無需憂柴憂米的李思捷，父親李樹全旗下的物流公司在美國及中華地區都有生意，近年在香港投資的三個物業亦大有斬獲，巿值超過四千萬，他現居的何文田住宅，亦是老豆物業。
留言列表
{{ article.title }}
