【香港書展 2010之正面對決】兩位頂級 o靚模周秀娜及 Angelababy（楊穎），昨日不約而同於下午 3時在尖沙嘴舉行寫真簽名會，場地只相隔一條街，周秀娜笑言似蠱惑仔爭地盤， Baby卻揚言不把周秀娜當競爭對手，似乎不把這個宿敵放在眼內。 Baby的簽名會進行順利，周秀娜則一波三折，宣傳車遭警察抄牌驅趕，又被嫌她阻路的路人大罵：「你阻住我呀，阿姑！」還殺出個傅穎質疑她賣出 17,000本寫真言過其實，認真黑仔。

其他娛樂名人影片

周秀娜和 Angelababy昨午齊齊踩入尖沙嘴， Baby於 3時現身海港城，為 300名 fans簽名，更獲一黑一白的外籍保鑣護駕，氣勢如女王出巡。被問到會否到書展踩場宣傳寫真時，她說：「冇時間，我知道銷情唔錯，呢幾日我搵緊錢，噚日喺香港拍完廣告，聽日又要去日本，唔使宣傳都好好，會加印。」

放大圖片

貌似黃曉明的黑實男 fans獲 Baby熱情簽名。

放大圖片

昨日不少到場支持 Baby的擁躉均是少女。

Baby：我又唔係佢 Fans

被問到寫真銷量時， Baby語帶雙關地說：「未知發行數字，唔想作大，做大新聞，上年我都賣咗三萬幾本，今年中國、香港、台灣同日本首個定單都超過三萬。」宿敵周秀娜於一街之隔搞簽名會，會否是最大競爭對手？她說：「冇當佢係競爭對手，冇心同人爭，唔係唔尊重佢，係想做好自己。」周秀娜送 bra回饋讀者， Baby有何對策？她笑言：「我又唔係佢 fans，又唔係男人，點知？我就會捐錢去慈善機構，我本書叫《 Paradise》，好似天堂福音咁同人分享，最少都會捐收益 10%回饋社會， fans都會開心。」外間有指 Baby的寫真造型抄襲日本名模梨花的寫真集， Baby昨日提起時顯得有點不悅，她說：「一定冇可能，佢嗰本我有睇過，封面都唔一樣，戴皇冠造型我第一本寫真已用過，寫嗰個無聊。」 Baby又謂會叫男友黃曉明買寫真支持，對於有指黃曉明也曾整容，她即撐男友說：「佢完全冇變過，係啲舊相同造型問題。」至於傳男友推薦她一起參演籃球名將魔術手莊遜的新戲《神奇》， Baby說：「未知，我睇緊好多劇本。」

周秀娜阻街被怒罵阿姑 放大圖片

周秀娜指寫真只為與 fans分享，不覺得意淫。

另一方面，周秀娜的宣傳車昨午 3時停泊在一街之隔的海防道新港中心對出位置，吸引百多名 fans聚集，加上約 20名記者，行人路完全被堵塞，有警員到場了解，其間周秀娜懶理並站在車前拍照，一名逾 40歲男士怒氣冲冲硬要在周秀娜面前走過，並罵道：「你阻住我呀，阿姑。」周秀娜發揮 EQ繼續微笑，該男士走過後即向警察投訴，結果宣傳車被抄牌，違例泊車罰款 320元，並要即時駛走，周秀娜的簽名會只好移師至九龍公園徑的兒童遊樂場舉行。周秀娜步行往遊樂場時，大班 fans尾隨造成長長人龍，有路人見狀也停下拍照。到達後周秀娜坐在鞦韆上為 200名 fans簽名。事後被問到遭罵「阿姑」一事時，周秀娜說聽不到，又謂：「香港地地方細啲，但都有好多路可以行，唔一定要呢個位置，如果真係造成不便，好對唔住。」被留難會否感尷尬？周秀娜說：「唔會，只要見到 fans，其他嘢影響唔到我。」被驅趕是否很狼狽？她謂：「幾得意呀，第一次坐鞦韆簽名，以前都係喺有冷氣地方搞，家感受到 fans嘅辛苦。」

放大圖片

昨日有男 fans穿上裸女圖案 tee找周秀娜簽名。

放大圖片

被驅逐的周秀娜要坐在遊樂場鞦韆上辦簽名會。

放大圖片

周秀娜站在宣傳車前拍照時，被路人（箭嘴示）大罵阿姑。

放大圖片

周秀娜昨傍晚再到金紫荊廣場宣傳，吸引大批 fans及自由行旅客包圍。

「有啲似蠱惑仔爭地盤」

談到 Baby與她同日同時同區辦簽名會對撼，周秀娜說：「有啲似蠱惑仔爭地盤，最緊要各有各支持者，大家都好。」至於 Baby寫真被指抄襲，她說：「我冇睇過，最緊要影得靚啫。」書展文化顧問成員伍曼儀指 o靚模寫真意淫，周秀娜說：「唔同人心中嘅書展文化都唔同，無論乜嘢都好，有人鍾意我就得，清楚自己做乜就得，我唔覺得自己本寫真意淫。」對於傅穎指今年書展銷情差，又指周秀娜賣逾萬本應該是包括其他地方，周秀娜說：「我係聽出版商講嘅。」其助手則指單是書展已賣 17,000本，全部銷量則有 20,000多本。可會拿出證據證明？周秀娜說：「遲啲你哋見我買樓咪知囉。」採訪、攝影：卓寶花、顏英儀、胡比


Angelababy的寫真走型格氣質路線，她堅稱沒有抄襲任何人。

Baby晒腿踢低封胸周秀娜

兩位o靚模女神Angelababy與死敵周秀娜（Chrissie）昨日正面交鋒，齊於尖沙咀為寫真集舉行簽名會，實行大鬥法。Chrissie無論排場、場地、fans人數及打扮均不敵Baby，Baby更以短裙騷長腿，相比起封胸的Chrissie更為養眼。

Baby騷長腿力谷寫真。

今年o靚模寫真集風起雲湧，其中以Angelababy及Chrissie人氣最盛，雖然還未埋單計出誰是寫真女王，但昨日二人首度正面對撼，於同一時間同一地區舉行簽名會，Baby於各方面都獨領風騷，高下立見。

昨日Chrissie以流動車形式，於三時及五時半分別假尖沙咀海防道及金紫荊廣場進行簽名活動，同日下午三時，Baby在尖沙咀海港城海運大廈SportX舉行一場簽名會。

周秀娜自認「當黑」，不應穿黑衫。

男子投訴警察趕車

Baby以Forever 21超短迷你Tube Dress騷靚腿會fans，除了大會預先派發的三百個籌外，周邊圍觀的fans約一千人，他們不時舉牌吶喊，聲勢浩大，大會安排十多名保安及工作人員護駕。

至於平時愛以騷胸的Chrissie昨日竟收起「胸」器，穿上黑色長裙，打扮失色，公司仍安排了六名工作人員在場維持秩序。而每場簽名會的fans人數約有百多人，比起Baby少了一個零位，最慘在尖沙咀簽名時，還有一中年男士贈興，對方以「有個阿姑阻住我行」而向警方投訴，加上被警察趕車，Chrissie無奈將簽名地點，由車上改往附近一個露天公園，捱熱坐在鞦韆上簽名，難怪她大呻：「我覺得今日着錯衫，唔應該着黑色，終於感受到大家嘅辛苦。」相比起Baby在大型商場內涼冷氣簽名，則輕鬆得多。

3:00pm 海運大廈SportX<br>Baby首天宣傳獲大批fans撐場。

3:00pm 尖沙咀公園<br>周秀娜限於場地問題，fans較為失色。

否認寫真抄襲日模

雖然打扮、排場、場地及fans人數，Chrissie統統輸給Baby，但寫真銷量則不相上下，Baby表示寫真集在港的銷量已過二萬本，連中港台日在內，首印的三萬本已供不應求，她說：「上年出三萬本，今年已超過，我知銷情好好，知道有得加印。」她還風騷表示：「呢幾日都喺度賺錢，冇乜為新書宣傳。」至於Chrissie則稱寫真集已賣過二萬本，公司正安排加印。

對於二人同區交鋒，Chrissie笑言冇當佢哋係對手，似蠱惑仔爭地盤，Baby直言不會視對方為對手：「我冇心同佢爭，但唔係唔尊重佢哋。（Chrissie送舊Bra答謝fans。）我唔知，佢嘅fans應該會有感覺，我又唔係男人。」不過，談到寫真集涉抄日本名模梨花的寫真，Baby聞言面色一沉：「佢本寫真我有睇過，但我覺得完全唔似，無論感覺、造型都唔似。另外，問到緋聞男友黃曉明被指整容，Baby力撐對方只是造型問題，完全無改變。

此外，昨晚已有人在網上炒賣Baby的寫集簽名海報。

兩強比併 Baby大勝

打扮：

Angelababy：Forever 21超短迷你Tube Dress，青春騷靚腿

周秀娜：黑色V領連身長裙，無睇頭

排場：

Angelababy：十多名保安及工作人員

周秀娜：六名保安及工作人員

場地：

Angelababy：尖沙咀海港城海運大廈SportX，地方舒適兼有冷氣

周秀娜：由流動車臨時轉為露天公園，捱熱坐鞦韆

Fans人數

Angelababy：派籌三百名，圍觀過千人

周秀娜：約百多人

銷量：

Angelababy：過二萬本

周秀娜：二萬五千本（晚上九時半提供數字）

妄攝女踩Baby場犯眾憎

四名「妄攝女」Iris（鍾永慧）、Cat（陳雅絲）、Kinki（林玲）及Norain（陳麗玲）昨午四時浩浩蕩蕩踩入書展，獲四名保安「人盯人」護駕，當中以Cat的低胸露半球最有睇頭，甫抵達自己攤位，她們就開始派發「撕」暴明信片，吸引數十人圍觀及排隊攞明信片，她們亦無懼禁令公然簽名，約十分鐘後，工作人員怕她們被趕，遂示意她們離開。

妄攝女到Baby攤位踩場。

四女離開後以市民身份「觀賞」Angelababy寫真，她們圍住Baby的寫真攤位，引得在旁的Baby粉絲相當不滿，其中一個說：「阻住晒！我哋真係嚟畀錢買Baby嘅寫真架囉！」在群眾壓力下，眾女擾攘幾分鐘後就速退，她們退往新翼大堂繼續宣傳，怎料巧遇鍾蕙芝（Lavina）及其粉絲，她的粉絲一看到「妄攝女」就突然轉軚，爭相一睹「妄攝女」真面目，風頭被搶的Lavina顯得相當無癮，跟幾個忠實粉絲影相後就悄悄離去。

Iris老友唐貝詩亦有到場力撐，她說：「今日目標係買Iris本書，（同爸爸依家關係點？）我冇嬲佢，我哋係一家人，點都會支持佢！」

另外，Lavina早前出席其義賣寫真集獻吻會，獲數十名男粉絲舉牌吶喊助陣，她準備了三百張感謝卡，內有其簽名及香吻。

打扮性感的Cat被工作員人盯人。

鍾蕙芝風頭被搶大為冇癮。

Chrissie慶爆：睇我買咩樓

o靚模在寫真戰鬥性感又鬥銷量！傅穎昨日質疑o靚模寫真銷量，稱「冇可能講到咁勁！」而銷量領先的周秀娜則揚言「遲啲睇吓我買咩樓咪知囉！」牙骹戰一觸即發！







放大圖片

被嗌阿姑鬧阻街

約千名Fans一早到場守候Baby，場面墟冚。

名人組

Baby身穿Tube Dress短裙騷長腿，青春又可愛。

傅穎（Theresa）昨日跌膊騷長腿現身書展，連巡三個書攤為寫真造勢，吸引大批Fans圍觀，期間與Fans有講有笑和拍照，她坦言滿意寫真反應︰「眼見反應幾好，但唔知賣咗幾多，同公司有共識唔講。」提到對手銷量，她語帶質疑，似暗指銷量領先的周秀娜（Chrissie）︰「冇可能講到咁勁！（周秀娜賣萬幾本？）可能計埋其他地方，書展冇可能咁快賣咁多！識好多人做書展，今年銷情確實比往年差。」

周秀娜四出宣傳，還移師公園與Fans齊齊坐鞦韆簽名，認真「別開生面」！



放大圖片

Theresa事後致電澄清其言論不是針對Chrissie︰「唔係針對佢，我講成個書展，睇新聞報道都知人流比往年少！我都識佢，點會針對朋友呢？」她透露會等Chrissie和Jessica C.送寫真，又會以寫真加散文集作回禮，笑言她們十分「着數」，而她自知「事業線」欠奉，難與二人比較！

傅穎到書展出巡，大玩跌膊兼騷長腿。



Fans團團圍着傅穎，把現場擠得水洩不通。



Fans聞風趕至支持周秀娜，場面墟冚！

另一邊廂的Chrissie昨日穿上黑色連身裙現身尖沙咀，連踩兩場簽名會，對於Theresa質疑寫真銷量，她聞言即作出反擊︰「冇呢個意思，數字係出版商話我知。」其經理人補充說︰「頭兩日連漫畫店已賣過二萬本，書展賣一萬七千本。」不過問會否拿出證據時，Chrissie寸爆地說︰「多謝大家留意，今年行唔到書展，但會去睇樓，遲啲睇吓我買咩樓咪知囉！」對寫真女王之位明顯信心十足！

Angelababy寸嘴：冇當係對手

書展開鑼第五日，Angelababy昨日舉行唯一一次簽名會谷寫真，推出三萬本已要加印，輕易跑贏o靚模，難怪她寸嘴說：「冇當其他人係對手！」

昨日Baby身穿Forever 21短裙，在海港城海運大廈SportX舉行簽名會，現場派出300個籌，卻吸引到約千名Fans。無暇宣傳寫真的她，被問到是否知道銷量時，她說：「唔知，唔想亂講，費事作大，但上年出3萬本，今年已超過，會喺中、港、台、日發售。」其他o靚模瞓身宣傳，Baby不屑地說：「知本書銷情好好，呢幾日都喺度賺錢，冇乜宣傳，但都知有得加印。」她表示今日飛日本工作，無暇巡視書展。

對於簽名會地點與周秀娜（Chrissie）僅一街之隔，Baby說：「我冇心同佢爭，冇當其他人係對手，但唔係唔尊重佢哋，銷量幾多真係唔知，邊有出版社日日數，佢哋係都忙賣書。」似暗示其他人亂報數！談到Chrissie送舊Bra給粉絲谷銷量，Baby說：「我唔知，佢嘅Fans應該會有感覺，但我又唔係男人。（你有乜招數？）我睇吓賣到幾多書，諗住將收入捐逾10%畀小朋友嘅慈善機構。（粉絲失望？）我回饋社會，相信佢哋都會開心。」

對於其寫真被指抄襲日本名模梨花的寫真，Baby即面色一沉，不悅地說：「佢本寫真我睇過，好欣賞佢，但完全唔似，無論感覺、造型都唔似。（畀人咁講唔開心？）冇唔開心。（你寫真內升Cup？）我平時唔谷，寫真可以谷吓。」此外，問到書展文化活動顧問團成員伍曼儀，指今年的o靚模寫真集欠藝術和意淫，Baby即說：「我好光明正大，我本寫真好藝術，攝影師都係藝術家，完全唔意淫。」她坦言未見過其他人的寫真，不知是否過火。至於有否看過師妹楊汀叮的寫真，Baby說：「有睇過，汀叮嗰本都唔係意淫，睇完我諗唔到意淫。」

問到緋聞男友黃曉明有否看過其寫真？Baby則說：「我有叫佢買，但佢應該未睇，佢唔喺香港。（曉明被指整容？）佢完全冇改變，可能造型問題。（有指曉明力薦你參演電影《神奇》？）呢段時間有好多公司接洽拍電影，但有冇時間演出仲未知道。」而據知Baby寫真已售出逾2萬本，原定印3萬本包括中、港、台、日，但除日本有書外，其他地方要等加印，而有書在手的日本已再加訂。此外，Baby在微博表示簽名簽到手臂斷掉也值得！而昨晚有人把Baby的親筆簽名海報放上網炒賣，海報開價一百元，暫已有數個網友回應。

【 明 報 專 訊 】 周 秀 娜 與 Angelababy 兩 大  模 女 神 正 面 交 鋒 , 昨 午 3 時 同 於 尖 沙 嘴 舉 行 簽 名 會 , 分 別 吸 引 數 百 fans 排 隊 簽 寫 真 集 , 但 打 游 擊 乘 坐 流 動 車 的 周 秀 娜 因 違 例 泊 車 , 被 迫 將 簽 名 會 移 師 公 園 打  鞦 韆 舉 行 , 其 間 更 被 大 叔 罵 「 阿 姑 阻 街 」 , 但 她 一 於 少 理 , 並 笑 言 與 Baby 「 爭 地 盤 」 ! 近 日 一 眾  模 聲 稱 寫 真 集 銷 情 理 想 , 售 出 千 本 、 萬 本 等 , 但 傅 穎 卻 潑 冷 水 , 質 疑 今 年 書 展 銷 售 情  遜 去 年 , 是 否 真 的 如 有 些 人 所 說 般 誇 張 數 字 , 矛 頭 似 指 向 周 秀 娜 。

記 者 : 楊 敏 麗 、 林 蘊 兒

周 秀 娜 透 露 寫 真 集 售 出 2 萬 本 , 計 劃 買 樓 獎 勵 自 己 。 ( 攝 影 : 孫 華 中 、 鍾 偉 茵 )

Baby 穿 著 性 感 短 裙 跟 fans 見 面 , 喜 見 寫 真 集 銷 量 好 。 ( 攝 影 : 孫 華 中 、 鍾 偉 茵 )

周 秀 娜 走 兩 場 簽 寫 真 , 第 二 場 到 金 紫 荊 繼 續 獲 大 批 粉 絲 撐 場 。 ( 攝 影 : 孫 華 中 、 鍾 偉 茵 )

Baby 獲 數 百 fans 捧 場 壯 聲 勢 。 ( 攝 影 : 孫 華 中 、 鍾 偉 茵 )

Chrissie 反 駁 傅 穎 買 樓 證 銷 量
 

【 明 報 專 訊 】 周 秀 娜 ( Chrissie ) 昨 日 為 寫 真 集 分 別 在 尖 沙 嘴 和 書 展 對 出 的 金 紫 荊 廣 場 舉 行 寫 真 集 簽 名 會 。 而 傅 穎 昨 日 在 活 動 中 指 自 己 的 寫 真 集 在 書 展 賣 得 不 錯 成 績 , 但 卻 質 疑 周 秀 娜 寫 真 賣 出 逾 萬 本 , 她 指 周 秀 娜 是 在 書 展 及 其 他 地 方 才 賣 出 逾 萬 本 , 似 暗 指 對 方 的 寫 真 銷 量 不 及 她 。

傅 穎 之 後 在 電 話 中 回 應 道 : 「 我 只 是 很 滿 意 自 己 成 績 , 我 說 出 版 社 指 今 年 因 天 雨 關 係 少 了 人 流 。 每 天 買 過 千 本 已 經 好 難 , 而 我 仍 有 萬 多 本 銷 量 已 經 很 不 錯 , 我 是 滿 意 自 己 成 績 , 不 是 要 針 對 任 何 人 。 也 沒 有 針 對 周 秀 娜 及 任 何 一 個  模 。 」

對 於 傅 穎 似 有 意 挑 戰 ? 周 秀 娜 相 信 對 方 不 是 這 個 意 思 。 傅 穎 質 疑 她 的 銷 量 ? Chrissie 的 經 理 人 即 搶 答 說 : 「 Chrissie 的 寫 真 集 至 前 晚 為 止 , 已 經 超 過 2 萬 本 銷 量 。 」 但 傅 穎 是 質 疑 在 書 展 的 銷 量 ? 經 理 人 稱 單 是 在 書 展 已 售 出 接 近 1.8 萬 本 。 問 到 會 否 拿 出 銷 量 證 據 ? Chrissie 說 : 「 今 年 我 沒 空 逛 書 展 , 但 會 去 睇 樓 , 稍 後 看 我 買 什 麼 樓 就 知 囉 ! 」

被 男 途 人 鬧 「 阿 姑 」

Chrissie 昨 日 出 動 流 動 簽 名 車 , 先 停 泊 在 尖 沙 嘴 新 太 陽 中 心 對 出 的 海 防 道 。 身 穿 黑 色 長 裙 的 Chrissie 下 車 給 傳 媒 拍 照 時 , 卻 有 名 男 子 在 她 身 前 經 過 , 並 高 聲 道 : 「 你 阻 住 我 , 阿 姑 ! 」 身 經 百 戰 的 Chrissie 臉 不 改 容 , 繼 續 在 傳 媒 前 高 舉 V 字 手 勢 , 有 求 必 應 。 但 不 久 即 有 警 察 來 驅 趕 , 指 違 例 泊 車 , 後 經 多 番 交 涉 , 最 終 被 警 察 炒 牌 , 因 為 沒 有 司 機 而 被 罰 款 , 而 周 秀 娜 只 好 徒 步 到 附 近 的 九 龍 公 園 徑 兒 童 遊 樂 場 舉 行 簽 名 會 , 她 更 邊 盪 鞦 韆 邊 簽 名 。

似 古 惑 仔 爭 地 盤

對 於 被 稱 為 「 阿 姑 」 及 被 驅 趕 離 開 , 周 秀 娜 顯 得 不 介 意 說 : 「 香 港 的 地 方 很 細 , 在 其 他 地 方 也 可 以 , 不 一 定 要 指 在 什 麼 地 方 搞 簽 名 會 。 造 成 任 何 不 便 , 我 說 聲 對 不 起 。 」 她 又 說 現 場 反 應 不 俗 , 已 經 很 開 心 。 昨 日 她 的 勁 敵 Angelababy 亦 在 尖 沙 嘴 舉 行 寫 真 集 簽 名 會 , 與 對 方 打 對 台 ? Chrissie 說 : 「 我 看 報 章 知 道 此 事 , 感 到 像 看 古 惑 仔 電 影 在 爭 地 盤 , 各 有 支 持 者 。 」 Baby 的 寫 真 集 被 指 涉 抄 襲 成 分 ? 她 稱 沒 有 看 過 , 但 指 見 到 刊 登 出 來 的 效 果 不 錯 。

談 到 浸 大 E 神 楊 梓 瑤 的 寫 真 被 指 淫 褻 , 可 有 擔 心 同 樣 被 指 淫 褻 ? 她 說 : 「 不 會 , 我 在 法 國 拍 攝 的 。 去 年 的 寫 真 集 拍 攝 表 達 方 式 不 同 , 今 年 有 進 步 , 我 出 寫 真 純 是 和 人 分 享 , 有 人 鍾 意 我 就 得 , 我 清 楚 自 己 做 緊 乜  。 」 另 外 , 周 秀 娜 未 能 在 書 展 舉 行 簽 名 會 , 昨 日 她 把 簽 名 車 泊 在 金 紫 荊 廣 場 , 她 的 經 理 人 找 到 欄 杆 把 圍 觀 者 阻 隔 在 欄 杆 外 , Chrissie 下 車 拍 照 沒 有 受 圍 觀 者 騷 擾 , 繼 而 在 車 上 簽 名 。

■ 有 片 睇 : http://ol.mingpao.com/entvideo.htm

周 秀 娜 被 逼 移 師 公 園 舉 行 簽 名 會 , 坐 鞦 韆 幫 小 男 孩 fans 簽 名 。 ( 攝 影 : 孫 華 中 、 鍾 偉 茵 )

傅 穎