你好假！（設計對白）
大家咁話！（設計對白）

社交圈

主動出擊

2012年07月26日 ~~ 第1168期 香港《壹周刊》

出得嚟社交圈趁，手段一定要有，見到仇人都要扮老友，有時甚至要學識自我宣傳才襟撈。

關之琳示好


上週五，關之琳在澳門出席 Franck Muller活動，遇上因疑似向傳媒爆料反咗面的好友楊小娟，關之琳識做笑住口，楊小娟反而硬晒軚（右圖），要老公呂良偉出手拖埋一齊影合照。問關之琳是否和小娟生疏了，改和甄子丹夫婦做朋友，之之識做說：「冇咁 嘅事，不嬲都係朋友，佢 哋幫我好多，之前安排我 喺內地起學校捐款，唔好寫到好尷尬。」扮得幾大方呀。





劉嘉玲好學


劉嘉玲上週三以一身透視花裙出席 Gucci活動，在上海搞夜店的她，最近又想投資搞製作，「拍片就未諗到咁成熟，會想做製作，施南生係我榜樣，我仲差啲人生經驗。」百足咁多爪的她，在活動上不怕弄污玉手，學為皮革上色添。





欣宜舊愛晒新女




和欣宜甩咗拖的 Mark Ryan，一直高調大晒新戀情，主動反擊舊愛。好似本週日他的三十歲生日前一晚，他已請 嚟一班朋友慶祝， Mark更唔介意和新女友 Justin黐到實篤波互攬，問佢女友送什麼？「 BV銀包。」女友亦透露自製了個蛋糕送男友，至於欣宜人不到但有無禮到？ Mark扁嘴說：「我估佢忘記 咗我生日。」

郭秀雲搶槍




鋼鐵大王新抱郭秀雲上週三去睇蝙蝠俠首映，拍照時大唔透搶 咗蝙蝠俠支槍，佢笑笑口話：「咪同蝙蝠俠玩吓囉。」蝙蝠俠佢又 啱？佢解釋話：「我細個鍾意畫人體，蜘蛛俠最易畫，所以所有漫畫都睇。」

arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    tvb4life 發表在 痞客邦 留言(0) 人氣()

    E-mail轉寄