人肉彈床
寫真賣過萬 180磅錢國偉踩背賀 Mia
連詩雅棄權
上週二（七月十七日）下午，一班《夜蒲 2》演員上遊艇為電影造勢，有言在先，不分男女，剝得就剝，盡量少布。不過早前被爆夜蒲連十六男，形象破產的連詩雅，明知唔夠砌，索性抗旨，以皮膚敏感為由，冚密出現。
連詩雅自願棄權，第一批「邋遢版」寫真集被淫審處評為二級不雅物品，差點禁足書展的 Mia就趁機攝位搶鏡。
著住白色三點式，挺起 32C一馬當先，頻頻𠌥低企高，幫兩大隻男 Avis及糖妹男友 Dominic（何浩文）踩背，互搽太陽油；見兩男被踩得過癮，錢國偉唔執輸加入玩埋一份，但位置換成男上女下，一百八十磅錢國偉力壓 Mia，更問對方：「舒唔舒服？」
踩背
好重呀！（設計對白）
見 Mia同 Dominic踩背踩得咁開心，肥 Wilson都要玩埋一份。
Mia乾淨版寫真其中一張相玩自摸。
連詩雅 tube top加大背心打底，跟關楚耀齊齊讓賽。
人碌人按摩
得一百磅的 Mia被肥 Wilson「責」到皺眉大嗌頂唔順，錢國偉再落令，叫大家一字排開 瞓在甲板玩人肉按摩，三十三度高溫甲板曬到辣肉，李思捷緋聞女友 Naomi以及用孖 bra谷出特長事業線的夜蒲女 Angelina（張暖雅）有辦法，夾手夾腳將多塊軟墊拖到甲板，最終錢國偉亦只在 Avis、 Dominic以及 Mia三人中碌來碌去。
當遊艇駛出西貢海中心後，錢國偉女友陳宛蔚二話不說，先將企在遊艇邊的 Naomi推落水， Mia避走入船艙，堅持唔落，水。「我唔識游水，浸親就麻煩，我仲有連串寫真集宣傳活動要做。」
寫真集要重新印製成「潔淨版」入書展，宣傳策略成功的 Mia得戚說：「我本寫真集銷量好好，賣到一萬七千本，日本書商覺得我 哋 嘅機械人 concept好得意，話再合作出書。」
Angelina玩水槍，被 Naomi用地拖還拖，當日事業線特別長的 Angelina即捉導演擋駕。
胸部再度發育的 Naomi站在船邊，企在背後的陳宛蔚吼準機會，即推她
落水。
錢國偉知道戴住水袖係咁游的 Naomi唔識游水，即拋了一條浮水棒給她。
散得快好世界
模寫真銷情不及往年，無望大賣，唔蝕當賺！為封蝕本門，個個各出奇謀促銷，散得快當贏。
Phoebe 瞓身翻本
去年 Phoebe得富商 揼本百萬出寫真，有人包底俾錢佢使，三千本寫真賣唔賣得好少理；今年無老襯，自資出二千本寫真《 Real Me》， Phoebe要晒股全裸 瞓身玩淫褻。
Rainbow打官司
Naomi台灣促銷
夾住李思捷地下女友身份，乳環女神 Naomi的個人處女寫真《魔豆之傳承》是其中被關注的一本，要打有把握的仗，她將千多本寫真，轉移到數年前已有人識她的台灣市場促銷。
Vivian嫩口吸客
只得 18歲的 Vivian，寫真性感程度只屬中級，但青春夠殺，寫真大熱的媽模 Mia在書戰開波當日去打小人， Vivian是她拖鞋下對手
之一。
黃榕學精北上
去年出寫真，三千本書賣出五百本，要自己俾錢回收餘貨，貼錢賣身材。黃榕學精，北行返內地夜場打碟演出同時賣埋寫真， 啱晒客路，好過 喺書展同人硬砌。
留言列表
{{ article.title }}
