隔籬版賣人妖，這邊廂搵番個堂堂大男人：「喂！ Central World燒咗，曼谷 grand sale去邊度掃貨好？」「咁大個三合一的 Siam，你唔係當佢無到呀？」胡慧冲這個答案未必有驚喜，卻正路非常，一個商場有齊大牌小店，唔使拼個大汗淋漓仲想點？記者、攝影：曾冠輝鳴謝：泰國旅遊局、泰國航空
其他副刊影片 全城減至二折
大減價並非日本的專利，曼谷一樣有盛大 grand sale，只是季節唔同，選在最熱的 6、 7、 8月，我姑且稱之為：東南亞冬夏二祭。 Grand sale的中心思想，是把整個曼谷變成一條好大好長嘅 shopping street，價錢低至二折，參與的單位不獨時裝食肆，旅行社、航空公司，連醫院都玩埋一份，或者可以三折割盲腸、半價變性……講番正題， Central World燒咗，趕工重修都仲有一段日子先至重開。難得曼谷解封，一場來到無碇出血豈不無癮？這時正好遇上 Roger胡慧冲（真的遇上，出發前並無預謀！），還約好第二日由佢親自帶路到 Siam，走訪幾間心水舖。
放大圖片 
放大圖片 
Siam The Amazing Thailand Grand Sale日期：即日至 8月 15日
肉色絲襪 Leggings潮得起 放大圖片 
呢幾張相，我確係將胡慧冲影得型咗：「呢間係泰國本地設計師開的 boutique，啲衫都幾型 o架，我成日想着，可惜我呢種身形……」曼谷 designer其實幾有諗頭（呢點睇當地電視廣告就知！），在傳統與創新之間拿揑準確， Tube Gallery是一例。入到舖頭 Roger即刻睇中獵物：「你睇呢套，表面好似西裝幾斯文，但又配上短褲，啱晒曼谷天氣」。設計師 Saksit畢業自倫敦，雖然唔係讀時裝，但浸過鹹水多少沾染到一點西洋味。忽發奇想，不如即席叫店員將 Roger改造，$1,000為上限，睇睇會變成點…… 5分鐘過去，從更衣室走出來的胡慧冲立即變得年輕，但又不會有麻甩佬扮 o靚仔的感覺，而且埋單找數，外套恤衫短褲連皮鞋，都不過係 8嚿水多啲啲，呢個改造價，係 grand sale時先做到。
放大圖片 
■係，呢個確係胡慧冲，泰國時裝係有啲計！
放大圖片 
■ Formal得來不失有型呀！
全身改造立即充滿 o靚味，改造衫、褲連鞋一口價只係$815，抵！
放大圖片 
放大圖片 
Tube Gallery位置： 3/F Siam Centre網址：http://www.tube-gallery.com
42個本地品牌一站掃 放大圖片 
■雖說 Mob.F的設計較浮誇，也有較正路地有型的，胡慧冲一樣 carry到！
我會用「 food court」形容 Mob.F的概念。聚眾，是為了結集個體創意力量，在 400平方米的空間雲集了 42個本地時裝小品牌，同場大排筵席，卻各自精采。係擺得密咗啲，但真係可以一站式由頭買到落腳，而且，保證搵到好嘢！場內衫褲鞋小物樣樣齊，而且設計前衞，入門即見一件十足太空衣，卻是連身短衫短褲。行入啲仲搵到絨布做的偽首飾、真衫領做的假衫領，唔買齋睇都過癮。無他的， Mob.F自稱是「 the fashion rebels」，叛逆者、反建制者從來都會做齣好戲，算是對沉悶大路時裝的一種抗議。嫌太前衞？唔會！胡慧冲入舖唔夠 5分鐘立即試衫仲扲荷包，驟眼睇係件恤衫加西裝背心：「呢件出得大場面吧！不過你睇睇背脊……」西裝背心原來是有前無後的， Roger着上身就唔願除落嚟：「一陣去酒店見公關，呢件衫啱晒！」
放大圖片 
■連身短袖「太空衣」。
放大圖片 
■以絨布剪裁而成的「偽首飾」得體亦具玩味，一樣有七折，$180起。
放大圖片 
Mob.F位置： 4/F Siam Centre網址：http://www.mob-f.com
半價三葉西班牙隊衣 放大圖片 
■三葉星戰外套上身，雖則細碼， Roger也忽然 sporty！
「係，係 adidas，但 grand sale期間抵啲嘛！」又講得啱，即使香港都有，價錢平一樣會睇睇。店內貨品由三折到八折都有，款確係多，胡慧冲一見 Star War外套二話不說即刻着上身，連隨操泰語問 sales：「請問有無大碼？」七折之下，當然早就俾人掃斷碼，相中胡生彈起身穿的，其實是細碼……比衫或波鞋更吸引的，是門口的一幅牆，掛滿虛實相架，中央還有一顯示屏，原來係俾人對鏡頭擺甫士影相的，然後隨機於牆上其他數碼相架顯示，更可即時 print當 postcard，以為要額外收費，店員補充：「免費的！」回看 Roger已在鏡頭前張牙舞爪了。
放大圖片 
■心愛的西班牙終於捧走世界盃，即買件外套賀一賀。
放大圖片 
放大圖片 
■即時試衫兼影相即 print做明信片，唔買都應該嚟玩玩。
放大圖片 
adidas Originals Store位置： 1/F Siam Centre
Travel Memo
持 BNO或特區護照均免簽證，泰國駐港領事館： 2521 6481曼谷 3日 2夜套票，二人同行每位$2,590起，泰國航空： 2179 7700或http://www.thaiairways.com.hk
1港元約兌 4.2泰銖（文中價錢已折算港元）220V，兩扁腳插座 
泰國公認最索的人妖 Poy，甚至有人做過調查：若在她和真女人之間揀個做老婆，八成人撲向 Poy！你睇每年蒂芬妮小姐選舉，無論樣夠不夠索，但那千嬌百媚的女人除真係隔住個 mon都贏港姐九哩，點解呀！今回泰國遊，索性找來靚靚 Sugus帶我行街街，教我們如何提升女人味！記者、攝影：陳慧敏鳴謝：泰友營
其他副刊影片 放大圖片 
Profile姓名： Sugus年齡： 20身高： 168cm三圍： 32C、 23、 33
比翟度翟更抵 放大圖片 
講女人味，真的要問泰國以此為終身研究學科的 ladyboys。等地鐵上的士，手中鏡仔照呀照、手機自拍不停，無時無刻不在整理儀容，笑起來眼瞇瞇，講說話輕輕柔，除了那略沙卻溫柔的語氣外，女人味咇晒出來。Sugus家裏雖不至於很窮，但同好多變性人的故事一樣，為了順應心裏意願而同家人鬧翻，好久沒跟爸爸說話了。於是剛上大學搬出城住的她雖可盡情花枝招展，卻要「睇住盤數」來使，所以掃平貨她最在行。她最愛去地道的 Anantanak Market執平貨。 Sugus話化妝品、性感小背心、小熱褲或高踭鞋全都在此買， Jatujak僅排第二，因為「翟度翟有些店都是周六日由這裏搬過去的！那邊旅客太多了，有些衣服還會賣貴一點。」但到我站在 market門外一望，死，成條川龍街咁喎，有咩買呀？
Anantanak Market地址： Pratunam Road及 Anantanak Street交界
目標 1：水貨化妝品平兩成
原來寶物尋歸底，走入啲就有好嘢買喇。令人想起趙薇幫襯的化妝品小店，裏面擺滿 Anna Sui、雪花秀、 SK-II等超級大牌。你又知係真？ Sugus：「假貨有些嗅起來就不一樣，或是用了一陣子質地就變了，所以真係要靠去櫃枱買過用過，我都撞過不少板。現在這家我知道是真的，大部份化妝品都在這買，售價比專櫃的便宜一至兩成。平過七成的，多數係假。」
放大圖片 
■最鍾意 Anna Sui的眼影胭脂系列，八折買到。
放大圖片 
■你睇張卡片，話你知，這裏的人多數不會說英語。
電話：（ 66） 08-4009 9879
目標 2：小背心小熱褲男友愛 放大圖片 
■同男友去 pub，她會穿：絹面紅色黑蕾絲 top約$70、閃閃令小短褲約$50
曼谷購物主打自是平靚正的獨立設計！萬事由低做起嘛， Anantanak Market鄰近校園，好些英文不好，又想做設計的學生都在這擺檔小試牛刀，衫仔褲仔僅此一條，因為是 local地段沒遊人，消費水平都平一截。而且，裏面有幾檔檔主都係 ladyboy，一堆女人超大個墟，一句要提升男人口中的女人味，大堆專家撲出來指點你呀！
目標 3：$40日系 Lady鞋
Sugus同一般女人一樣心情靚唔靚都勁愛買鞋，已達 168cm的她仍堅持着高跟鞋。「行路自信好多像隻貓！」 Market裏驟眼 man到爆的鞋檔東主原來都好女性化，專入超平價日系款式凉鞋，價錢約$30起，有些着去 ball都得！
放大圖片 
■好 man的老細，一個 S形 pose，即刻柔情晒！
放大圖片 
■各式高跟閃鑽凉鞋，最貴不過係約$145。
放大圖片 
■大紅蝴蝶凉鞋約$40
放大圖片 
■白色星星凉鞋約$50
目標 4：花花 Bra要成套買 放大圖片 
■ Sugus最愛的花花 bra約$25有交易。
由無變有的日子已臨， Sugus終可感受到戴 bra的親切與安全感。「以前戴兩件 bra好熱，啲墊又易走位，不敢穿露肩款。」 Sugus拿起個黑底紅玫瑰小蕾絲：「像這種的感覺很 lady，或者豹紋的看起來都好吸引。」 Sugus話內衣最鍾意成套買，「由內至外都要隨時準備齊全嘛！」
係女人都愛食甜品！ 放大圖片 
■無時無刻都在自拍……
平時死省爛省，裝身不能省。有時候， Sugus會去 Emporium等大商場，買套真絲靚靚 bra、小禮服或食個 high tea賞自己，「食甜品心情好！」連這個係女人都愛吃的， Sugus都一樣。去年由 Siam Square移到 Emporium的 It's Happened to be a Closet是她愛逛的店，甜品、靚衫、扮靚樣樣齊。「喜歡他們的衣服由世界各地送來，或加工或訂製，有些鑲滿珠片的，民族得來好 lady！」她最喜歡這裏中式風格的繡花裙子，選了一條暗綠色的層層吊帶裙。店裏的復古二手鞋都靚喎，但她說：「嗯，鞋子我一定要新淨的，舊的，看起來髒。」
放大圖片 
■兩位糖黐豆好姐妹陪着 Sugus來拍照，先嘆啖茶，食件 cake再 shopping。
放大圖片 
■同場還有童裝角落，單是白色星星 tee$325已是貴嘢。
放大圖片 
■店裏還有腳底按摩同美甲服務，每次約$125。
放大圖片 
■草莓撻約$33
It's Happened to be a Closet地址： 2/F, The Emporium, Sukhumivt Rd
後記
Sugus好日都不出街食飯，一來省錢二來減肥，雖然同家裏鬧翻，但有家還是可以回，仲同姐姐一起研究化妝。 Sugus有個好好的男友，仲有好多好姐妹，生活開心到不得了。冷不防她笑嘻嘻問一句：「香港的 ladyboys多嗎？生活是怎樣的？」搜尋腦裏資訊，港產 ladyboys的資訊頂多由少數訪問節目得來，我真係唔知喎！睇怕夠膽認的不多，認了，又會否被以為是易服癖呢？
身材！減肥膏熱敷成床汗
23吋腰，對一個愛美的女人而言都係夢想，何況是想當女人的男人？為了 keep靚皮膚同身材，她隔日就去做 spa，今日做腳後日做手。可惜好多大型 spa不招待 ladyboys，有錢都無用，只有臨近 Phahonyothin Road的小檔仔讓她們做 spa， facial不過百零蚊一次，都好抵。在各商場開臨時小攤賣美容品的 Sugus，試勻各款減肥膏：「食藥太多副作用，皮膚會變差，所以我只塗減肥膏。」推介兩款給同是天涯的「美女」：「冷敷的減肥膏夏天用勁舒服；「熱敷的塗後全身火燙像燒，『燒』六個鐘瞓醒後成床汗，但效果最快。」賺來的錢三成用作交租同生活費，七成都用來買藥、置裝同存起來，目標存款十萬，做最後，也是最重要的切割手術，要完全做個真女人！
放大圖片 
放大圖片 
■減肥膏左邊冷敷（約$85），右邊熱敷（約$90）， Sugus讚熱敷效果最好。
City Beauty and Health電話：（ 66） 08-9118 8645 
■綠色層層裙約$1
留言列表
{{ article.title }}
