直擊浸大E神　易服踩周秀娜場忽然1周 782期 @ 娛樂八掛大放送★

半裸跌胸床照
浸大E神出寫真《HUGE》，內裏有多款意識大膽激照，除了啜冰相及全裸相外，這張半裸床照亦相當誘人，比娜姐更明刀明槍。

寫真大戰爆發，身為大熱的周秀娜租用金魚缸式簽名車衝擊書展。而靠啜冰爆紅、寫真性感尺度勁過娜姐的浸大E神Carol（楊梓瑤）則出奇制勝。早上先喬裝混入會場打探娜姐軍情，繼而臨時改策略，賣寫真兼加送合照和唇印，務求狙擊勁敵！

本周三（21日），Carol為打探勁敵娜姐攤位玩咩法寶，中午即戴上林亞珍假髮，成功避過fans及傳媒耳目，混入書展視察敵方娜姐攤位行情。Carol：「我怕就咁行入去，被fans同傳媒發現會造成混亂，咁樣大會分分鐘唔俾我再入去，唔俾我下晝四點喺自己攤位賣書，所以前一晚叫髮型師幫我搵定個冬菇頭假髮，靜靜雞入場睇下自己同娜姐陣營係點。」
偷[目及]完娜姐攤位後，原本只打算在書攤嗌：「嚟支持Carol寫真！」嘅浸大E神即時嚇到面青，跟經理人密謀對策。「娜姐個攤位好近門口，位置有利，加埋佢班sales大聲吶喊好有聲勢同威脅，如果我唔改策略加料，一定好蝕。」
為追擊娜姐，Carol一於以本傷人，下午再進入會場時，只要fans買她寫真，她就送吻、送唇印同影合照，實行賣大包。

入到三甲當贏
提到娜姐租用金魚缸式簽名車，Carol即說：「原本我打算着三點式喺無蓋電車上巡遊，但最後趕唔切安排先取消。」問印咗三萬本書的Carol有無信心撼低首批印二萬五嘅勁敵娜姐，她說：「都有一半信心。雖然娜姐上年爆紅，已經擁有一班擁躉，我要贏佢真係好有難度。如果書展首日買到五千本書我已經還得神落，入到三甲我當自己贏o架喇！不過我比佢嫩口新鮮！」
事後Carol得知娜姐回贈：「胸大唔係大晒。」即反擊說：「我無話自己大晒，佢出道比我早，佢係阿姐，佢先至係大晒！」火藥味重！

下午加料冧客
下午四點，正式開戰的Carol以攤檔暑期工身份踩入書展場內，Carol一到即迫得水洩不通，半百男女fans排隊買書，Carol亦臨時咀女送唇印冧fans。

加料一咀女
寫真賣$98蚊唔算貴，但Carol還主動向買她寫真的女fans送吻，且咀完又咀唔怕蝕。嘗過Carol甜頭的女fans如中降頭般，事後望住本寫真話：「佢本寫真好健康呀。」

加料二啜唇印
遇見男fans支持，Carol即在寫真集啜個唇印作留念，o氹到個男fans鬼咁開心，仲話會好好收藏佢本寫真。可惜唔夠三分鐘，大會即以混亂為由，趕Carol出書展。

加料三影合照
Carol即改在場外銷書，fans黐埋合照亦冇抗拒。

遭妄攝女突襲
在場外招呼緊米飯班主之際，一行四人的妄攝寫真o靚模忽然殺到，還故意靠近Carol搶鏡。同場較量，雙方焗住交換寫真扮friend。

Donut硬闖娜姐13模陣地
以Rainbow為首嘅6o靚模組合「Donut」書展前曾打算入場派Donut，但被貿發局阻止，而Donut就變陣，改送Donut狀嘅音樂耳筒同派poster。為防範一眾「龍友」會突然想親近一眾女神，佢哋仲重金禮聘咗6個保鑣貼身保護。論排場Donut夠晒架勢，臨走前仲有意無意走到以周秀娜為首嘅「13模」流動簽名車前，好在當時Chrissie同新8模等唔喺車入面，如果唔係會仲混亂。

「妄攝」o靚模打游擊
妄攝嘅4位o靚模Debby、Kinki、Iris同Norain冒住被眾狂迷撕衫嘅危機，踩入書展以打游擊方式派postcard做宣傳。佢哋除咗即場撕開自己手上面本書之外，有唔少「龍友」仲可以輕易埋身同o靚模「零距離」影相。而Kinki仲「唔覺意」踎低俯身執嘢，引起一陣小騷動。

Theresa簽定寫真走三場
貿發局禁o靚模到場為寫真簽名，連非o靚模族類的傅穎（Theresa）出寫真亦難逃一劫。不過Theresa為滿足fans，晨早簽定晒寫真兼倒塔咁早便到會場賣書造勢，由朝到晚連走三場，吸引過百fans捧場，實行奇招衝擊貿發局。

o靚模寫真重點都係晒身材，Carol呢招除褲誘惑，令人充滿遐想。