娛樂八掛大放送★

34E•24•34

夏日炎炎o靚模爭住晒好波，繼無綫搵「咪神雙妹嘜」Carol同DaDa下水濕身拍攝新節目《千奇百趣Summer Fun》，亞視亦有樣學樣，搵Donut同埋出「妄攝寫真」俾人鬧爆嘅Pure Models成員，一齊拍攝遊戲節目《青春無敵Free D水運會》。

遊戲好唔好玩唔係重點，最緊要係成班o靚模肯露肯夾，Donut代表之中，以阿Yu嘅32D雙峰最搶鏡，可惜一波還有一波勁，Pure Models嘅Iris，34E巨乳配襯細碼白色泳衣，滿瀉效果簡直通殺。
o靚模個個搏到盡，反而亞視自己友陳筱靖就惜肉如金，堅持唔著泳衣做節目，最終收到公司「警告信」，叫佢下次記得醒醒定定，否則會有「進一步行動」。唉！時薪有冇33蚊都好，搵食一樣咁艱難！ 

比起Carol同DaDa，同樣係E神、有「翻版超蓮」之稱嘅Iris，倒瀉奶身材最搶鏡，就連同公司嘅o靚模姊妹Cat（左），都要向佢心口潑水，加強「水乳交融」效果。

Donut六模身材雖然被比下去，但勝在夠玩得，Caroline同師姐Rainbow任由袁文傑、姜皓文抱起，之後Rainbow仲俾人丟落水，任玩都唔嬲。

阿姐都[目及]
Donut唯一「咪神」阿Yu，幫班姊妹挽回唔少面子，玩遊戲期間，掃地阿姐忍唔住偷懶又偷望，呢位哥仔更早有準備，錄低返屋企慢慢睇！

哥仔偷拍

亞姐出身嘅陳筱靖，唔只一次著泳衣出鏡，平日出席活動都會谷胸搏出位，今次突然公主病發唔肯做水上節目，收到亞視警告信，唔剝衫，原來會觸犯亞視藝員合約，都幾吊詭。