黃金視窗：周家怡走佬跟魔童

入行 13年，憑《火舞黃沙》兔唇女「茅小琴」一角而被人熟悉的周家怡，去年約滿後離開無綫，轉投「電訊魔童」王維基旗下的公司，雖然新作預計四月才開拍，不過無綫的告別作《 On Call 36小時》現正播映，回望過去，周家怡坦言：「決定走嗰一刻，真係好大勇氣，不過機會唔係成日有，我唔想錯過呢個年紀可以做嘅嘢，呢個亦係好時候畀我趕住去學嘢。」撰文：何慧斯

去年離巢外闖的周家怡，在無綫的告別作《 On Call 36小時》現正播映，雖然坊間盛傳無綫踢叛將入冷宮，不過她笑說：「我唔擔心俾人封殺，劇集都出街喇，今次戲份唔算多，只係做一個暗戀馬國明嘅護士，家睇番當然感觸，不過我覺得係完美嘅結局，因為訓練班畢業第一部拍嘅係德哥（潘嘉德）嘅劇（編按： 99年《刑事偵緝檔案 IV》），嗰次係叫琪琪，點知最後一部又係拍德哥，又係叫淇淇，真係好邪。」

「好怕做主持」

家怡透露四月頭正式拍新公司的劇集，問到當中的內容，她說：「我暫時知道有兩部傾緊，不過只係初步傾，我自己都想拍番戲，感覺好耐冇拍，有啲悶。」她續說：「我希望嚟緊可以有多啲嘗試，有啲唔同嘅轉變，最好梗係可以拍有多啲戲份嘅戲，雖然公司乜嘢都有，但係我個人好怕做主持，口才唔得，轉數又好慢，怕能力唔夠。」重提決定離開合作 13年的公司，她說：「決定走嗰刻真係好大勇氣，係好唔捨得，我返 TVB好似返屋企咁，台前幕後個個都好熟，雖然我唔係經理人約嘅藝人，但係真係好多謝啲監製，佢哋好肯用我，只不過唔係成日會有人叫我走，家有人畀我呢個機會，將來未必有，如果我一路喺 TVB做，家叫做多咗啲戲份，唔擔保將來會有，始終我唔係簽咗經理人約，所以咪決定應該要出去走走，見識呢個世界。」

放大圖片
已踏入三字頭的周家怡自認鼓起勇氣去跳槽，是因為「趕住去學嘢」。

已踏入三字頭的周家怡自認鼓起勇氣去跳槽，是因為「趕住去學嘢」。

放大圖片
現正休養生息的周家怡，四月便會重新投入拍劇工作。

現正休養生息的周家怡，四月便會重新投入拍劇工作。

「 TVB好保護」 放大圖片
在《 On Call 36小時》中演護士淇淇一角，是周家怡告別無綫的最後一劇。

在《 On Call 36小時》中演護士淇淇一角，是周家怡告別無綫的最後一劇。

當日坊間盛傳佘詩曼離開無綫後，曾經幫手挖角，問家怡是否受好姊妹影響，她笑說：「都冇關係，我哋又唔係同公司，我只係有問過佢嘅意見，佢叫我自己諗，想走咪走，但係如果有擔心就唔好走，因為喺 TVB真係好保護。事實上我同佢根本冇得咁比，佢係女主角，我哋層面都唔同，我只係覺得機會唔係成日有，雖然呢個機會未必係一定得，不過既然呢個機會畀咗我，我係咪可以學多啲嘢？我想試吓靠自己出嚟去面對，識多啲嘢。我覺得自己唔夠料，好多嘢都未夠班，演技仲有得進步，所以我要識多啲可以教到我嘅人，等佢哋開導。我家嘅心態係乜都會試，人生經驗越多，做戲自然會好，容易摸到嗰份感情。」

「趕住去學嘢」

隨着免費電視台面臨新轉變，問周家怡會否覺得是外闖發展好時機？她坦言：「真係唔知，要到之後見到先知，我反而覺得每個階段都有唔同，唔勤力一定唔得，就算得唔會耐，我自己亦有一個限度，唔想錯過呢個年紀可以做嘅嘢，對於我嚟講，呢個係好時機畀我趕住去學嘢嘅機會，對新嘅開始我唔敢去擔心，亦唔輪到我擔心，做得呢行預咗，所以我會盡自己本份去做，希望可以做得最好，盡力去填滿自己，試多啲嘢。」

綠葉檔案　驚喜人物

周家怡入行 13年，雖然未能登上一線女主角之位，但她用心演繹每個小角色，令觀眾眼前一亮，努力有回報，終被電訊魔童挖角，有望殺上一線做女主角。

放大圖片
04年《金枝慾孽》<br/>白蘭

04年《金枝慾孽》白蘭

放大圖片
06年《火舞黃沙》<br/>兔唇女茅小琴

06年《火舞黃沙》兔唇女茅小琴

放大圖片
07年《師奶兵團》<br/>老火湯

07年《師奶兵團》老火湯

放大圖片
11年《花花世界花家姐》<br/>哈皎皎

11年《花花世界花家姐》哈皎皎

放大圖片
11年《天與地》<br/>Mabel

11年《天與地》Mabel




周家怡效力無綫十多年，羽翼漸豐終可以振翅高飛，轉投電訊魔童王維基（小圖）懷抱，希望能闖出新天地。設計圖片
攝影：陳慧安
場地提供： An-Tico Enoteca． Pizzeria（ The ONE）

周家怡 Dr Man 俾人偷手袋

 

周家怡（英文名：Catherine Chau，1979年7月23日－），1996年於無綫電視藝員訓練班畢業後加入無綫電視，於2009年萬千星輝頒獎典禮入圍「飛躍進步女藝員」最後五強。於2012年轉投城市電訊。
電視劇（無綫電視）首播 劇名 角色
1998年 雪山飛狐 妓　女
1999年 刑事偵緝檔案IV 黃琪琪
洗冤錄 小　燕
創世紀 Sophia
2000年 十月初五的月光 導　演
陀槍師姐II Fion
2001年 公私戀事多 Cindy
2002年 談判專家 葉可喜
洛神 芬　芳
戇夫成龍 阿　花（包家婢女）
2003年 律政新人王 陳佩霞（Anna）
美麗在望 註冊處職員
皆大歡喜 妻子、水晶店售貨員、舞蹈員
衝上雲霄 麥振清／麥婉清
2004年 無名天使3D Jammy
棟篤神探 Judy
金枝慾孽 白　蘭
天涯俠醫 孕　婦
花樣中年 Karen
2005年 驚艷一槍 小　紅
御用閒人 惠貴人
奪命真夫 Bobo
翻新大少 Lancy
酒店風雲 卓英媛
妙手仁心III 張小儀（Rachel）
我的野蠻奶奶 宮　女
阿旺新傳 新聞報導員（第24集）
隨時候命 張美琴（Shirley）
本草藥王 秀　智
2006年 謎情家族 寶朋友
法證先鋒 簡莉櫻（Maggie）
高朋滿座 Suki
潮爆大狀 岑健萍
愛情全保 女拳手
火舞黃沙 茅小琴
鳳凰四重奏 好極貿易職員（六十至八十年代）
刑事情報科 程美美（May）
肥田囍事 Eunice（U姐）
2007年 牛郎織女 嬌　姐
同事三分親 Ivy
師奶兵團 老火湯
舞動全城 Nancy
通天幹探 周林美兒
2008年 疑情別戀 Wing
畢打自己人 Ally
珠光寶氣 Joey
東山飄雨西關晴 曼　紅
2009年 桌球天王 周顯慧（炒蜆）
ID精英 黎以芳（Kinki）
王老虎搶親 素　琴
烈火雄心3 Nancy（第16集）
2010年 飛女正傳 曾綽雅（Salina）
女人最痛 莫玉蘭
摘星之旅 Kay
公主嫁到 司　珍
天天天晴 阿　欣
依家有喜 程　薏（Elaine）
囧探查過界 丁醫生／張醫生
居家兵團 葉小姐
2011年 女拳 綺　梅
七號差館 姣婆恩
花花世界花家姐 哈皎皎
怒火街頭 蘇　珊（Susan）
不速之約 文嘉玲
天與地 Mabel
2012年 On Call 36小時 汪海淇（淇淇）
未播映 拳王 徐淑惠

電視節目
2007年：最緊要進步
2010年：超級遊戲獎門人
獎項Astro華麗臺電視劇大獎2007 《火舞黃沙》茅小琴

arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄