Bosco飾演少年狄仁杰，而戚薇就飾演跟住佢闖江湖嘅紅顏知己，所以二人有大量對手戲。埋位前，怕凍戴口罩嘅 Bosco同戚薇傾唔停，明顯對佢好有興趣。
FBI
橫店溝女又瀨嘢 戚薇正印男友寸 Bosco：係男仔做主動
黃宗澤（ Bosco）上年因衰花弗被胡杏兒狠斬 8年情，雖然曾經為情暴瘦，但最近已經好番晒，而且失戀後一樣風流快活，最近仲傳出同內地「四小花旦」之一嘅戚薇喺草叢「𠵱泣」。
橫店山洞傳情
來自四川嘅戚薇身高 5呎 6吋半，三圍 32C、 23、 33，係男人都流口水。
唔係講假， FBI二月初去過橫店探班，撞啱 Bosco喺當地拍內地劇《少年神探狄仁杰》，當日 Bosco對手就係被大陸封為內地 4小花旦之一、現年 26歲嘅戚薇。 FBI所見 Bosco喺片場經常同劇組人員講笑，戚薇更對佢勁放電，又搵藉口叫佢教講廣東話，而每講一句都含春咁笑得鬼咁甜。 Bosco被索女電，亦表現得好受落。
FBI之後收到風，其實戚薇已有大陸演員男朋友徐正曦（亦屬香港寰宇旗下、江若琳師弟），據聞 2人喺前年拍大陸劇《愛情睡醒了》時已撻着， FBI即刻打畀徐正曦，佢承認同戚薇拍緊拖，仲寸 Bosco：「我哋拍咗半年拖，𠵱家仲係一齊。我對佢（戚薇）好信任，呢啲嘢（偷食）都係男仔做主動，我自己睇咗報道都覺得莫名其妙。（會叫女友小心啲 Bosco嗎？）可能香港人動作比較大，其實大家都要小心啦！」
05年參加《 MEN'S UNO全球華人超級男模大賽》並奪得冠軍嘅徐正曦，其後簽約寰宇做江若琳師弟，近年主力國內拍劇，佢同戚薇喺 2011年因合作拍安徽衞視電視劇《愛情睡醒了》而認識，但直到半年前先拍拖，佢話百分百信任女友，冇「審」過佢。
徐正曦：對佢好信任！（真實對白）
粉絲鬧爆
戚薇同 Bosco緋聞曝光後，徐正曦粉絲即喺微博鬧 Bosco，更話戚薇係屬於徐正曦。
一 take過
Bosco雖然忙於溝戚薇（左），但都好畀心機做戲，好多場戲都一 take過。
Bosco（中）係男一，同其他幾位男二女二都幾夾，佢哋仲上載整蠱 Bosco相上微博。
煙癮大
留言列表
{{ article.title }}
