眼前的楊千嬅，當上媽媽八個月了。拍照這天，她與老公丁子高相當合拍，老公一句說話，一個動作，足以令性格爽朗的她仰頭大笑。看見老公托起巨型金元寶擺甫士，她毫不客氣地說：「乜你好似托石油氣咁o架！哈哈哈！」

當談到兒子，她卻不期然流露出一份慈母的溫柔，並分享兒子的成長日誌，「Torres好鍾意笑，好鍾意講嘢，依家每日最開心就係同個仔講一個鐘頭BB話。」

兩夫婦又精心部署二十年育兒大計，打算由蛇年開始，每年為兒子儲一百両黃金。以現時金價每両約一萬六千元計算，Torres於二十歲成年時，最少有三千萬揸手。

丁子高坦言會灌輸兒子正確價值觀：「我會教個仔，每樣嘢都要付出，唔係指住就有。我唔期望佢做律師、醫生、偉人，做個有擔戴嘅人已OK！」

 

買金條保值

楊千嬅與丁子高八個月大的兒子丁進諾Torres，今年度過人生第一個農曆新年。升呢為人父母的千嬅夫婦，早早為兒子張羅賀年服飾，千嬅說：「買咗好多拜年棉襖仔，件件都有四個袋o架，代表四代同堂。」丁子高插嘴說：「仲可以袋多啲利是添！」

兩夫婦又計劃定拜年路線，丁子高說：「年初一上午喺我哋屋企同父母拜年，下午會去千嬅媽咪親戚度，之後就回家食飯，夜晚有親友上嚟拜年，大家會打麻雀、玩魚蝦蟹，我做莊，發吓新年財。」

多了媽媽身份的千嬅，布置家居亦處處為小朋友着想。「今年有咗小朋友，拜年模式都變咗，朋友為免我哋抱住個仔出出入入，都主動約來拜年，所以屋企準備好多食物，梳化後面鋪了軟墊，朋友會帶埋子女嚟玩，大人就玩啤牌、麻雀。」

八個月大的Torres相當精靈，換上中式賀年裝，得意可愛，雖然未識講恭喜發財，但親友的紅封包已自動逗來。

囝囝首年逗利是，父親丁子高透露將替兒子進行一個二十年的投資計劃，「本來諗住幫佢開個戶口儲起，但依家啲錢好快貶值，同老婆商量後，打算將過年同生日利是錢買晒實金，每條金條五両重，頭一年目標買二十條，一百両，儲十年就有一千両，儲足二十年。」

千嬅亦說：「我習慣儲金粒嘅，潮州人嘛，我父母都係咁幫我儲，唔使好多粒o架，夠重就得啦！個仔咁細個唔會識使錢，幫佢儲起晒，到佢大個咗同佢講：『呢啲係十幾年前阿媽幫你儲落。』我諗佢都唔會攞去使啩，因為本身意義大於價值。」

 

雖然兩夫婦現在樣樣事都放兒子在首位，但偶爾也有二人世界的溫馨時間。

學講BB話

結婚短短兩年多，千嬅由烈女變人妻，再為人母。多了兩個身份的她，從前勇字掛心口，現在人前人後一副有仔萬事足的賢妻良母樣。講起兒子成長日誌，她笑得開懷：「生完Torres頭半年，開工成日會掛住個仔，擔心佢有冇曳，有冇飲奶，乖唔乖，每次做完嘢會歸心似箭，極速趕返屋企。當抱住佢，嗰日工作上嘅辛苦，會忘記得一乾二淨。

「Torres依家好鍾意講嘢，我每日最開心既節目，係同個仔講一個鐘BB話，我都唔知講乜o架，同佢依依吖吖，希望刺激佢說話能力。有時我會播啲外國童謠音樂畀佢聽，但電視就唔畀佢睇咁多。而丁生就會同佢講大人話，例如叫食飯，佢唔會講『食飯飯』，而係講『Torres食飯！』」

Torres跟着媽媽一起拍攝慈善月曆，為香港思覺失調學會（EPISO）推廣保護思覺健康訊息。