甄妮寸林欣彤嗌爆咪難頂 216,667 
【今日我至開】60歲嘅甄妮認真好火，開騷不單中門大開，繼G.E.M.後，又再開火轟小巨肺林欣彤。
一連三場的「甄妮愛Show世界巡迴演唱會（完美篇）」前晚在紅館開鑼，現年60歲的甄妮一貫作風大晒巨胸和肉腿，在台上繼續勁插鄧紫棋（G.E.M.），言談間似乎連林欣彤都不放過，語帶雙關說：「唱歌係好靚、好舒服嘅事，刻意提高好多個key，唱到爆錶，講嘢又講唔好，大嗌都得冠軍，會唔會覺得好奇怪呢？」
甄妮今次的演唱會曾被指銷情不佳，不單被同月於紅館開騷、在廟街跑江湖的朱咪咪贏足幾條街，更有傳甄妮為宣傳演唱會狂插鄧紫棋目中無人，不過前晚現場所見座無虛席，全晚表現風騷兼性感上陣的甄妮，勁歌熱舞演出，原來全由寶貝女Melody一手包辦，甄妮忍不住說：「導演好年輕，唔知阿媽辛苦，安排啲嘢簡直攞我半條人命，如果年輕人畀意見長輩，唔應該即刻推，或者做到呢。」
「邊有人用肺唱歌」
屬蛇的甄妮又說：「今年蛇係本命年，相士話我呢條蛇一開年就會好多是非，又話有血光之災。最緊要有好多利是收當沖喜，一蚊都殺。」結果甄妮收利是收到手軟，她聲稱利是錢會捐作善事。
擔任嘉賓的張敬軒，獲甄妮大讚好乖、唱歌又好聽，她還順勢寸爆小巨肺G.E.M.說：「你（軒仔）係咪用肺唱㗎？我呢就用丹田，用喉嚨用心去唱，邊有人用肺唱歌㗎？不過又奇怪，𠵱家有大肺，中肺同小肺、細肺，個肺有咁多size真係好奇呀！」大賣口乖的軒仔讚甄妮無皺紋，甄妮笑說：「唔使拍馬屁喇，不過我哋要學多啲禮貌，唔只對甄妮姐姐，係對所有人都要。」唱完《郊道》後，意猶未盡的甄妮似暗寸林欣彤：「我𠵱家睇啲歌唱比賽，其實都有啲意見，但係一講又話我彈人，唱歌係好靚、好舒服嘅事，刻意提高好多個key，唱到爆錶，講嘢又講唔好，人哋會唔會聽得舒服先？其實有時低音都好好聽，大嗌都得冠軍，會唔會覺得好奇怪呢？一個歌手起碼有十張碟，20首hit歌先可以開演唱會，唱人哋啲歌冇意義。」
採訪：黃曉妍
攝影：陳慧安
■甄妮炮轟嗌爆咪參加歌唱比賽都可得冠軍，茅頭似直指林欣彤。 
■犯太歲的甄妮稱蛇年是非多兼有血光之災，最緊要有利是沖喜！ 
■張敬軒為甄妮擔任演唱會嘉賓，賣口乖大讚甄妮近睇無皺紋。
甄妮未順氣再寸G.E.M.
一連三場的甄妮紅館演唱會前晚開鑼，大晒人字波兼美腿的甄妮又唱又跳，寶刀未老，「巨肺鼻祖」甄妮大爆當年黃霑稱她「巨胸」。此外，她又將與G.E.M.的是非擺上枱，句句有骨！
現年60歲的甄妮前晚舉行《愛SHOW世界巡迴演唱會「完美篇」》，獲無綫高層梁乃鵬、呂良偉及林建名等捧場，而女兒兼導演Melody則全晚留守控制台。唱功了得的甄妮全晚除了獻唱多首經典金曲外，更換上多套噴血性感裝，大騷驕人上圍，其中一套白色晚裝毫不吝嗇展現人字波及美腿，性感程度爆燈，絕不遜於新一代歌手！
「巨胸」變「巨肺」
全晚的焦點落於甄妮再隔空暗寸G.E.M.（鄧紫棋），肖蛇的她有骨地說：「今年係我嘅本命年，雖然我唔信但都有問過相士，佢話我年頭會多是非，大家都睇到o架啦！」另外，她又指為了化解血光之災，早前特意去剝牙，並呼籲粉絲派利是沖喜，在場識做的粉絲即蜂擁上前狂「塞」利是，她說：「收到梁乃鵬嘅利是一定要袋住呀！不過我會將啲利是捐出嚟做善事嘅。」
表演嘉賓張敬軒一上台即與甄妮打招呼，談到「巨肺」封號的由來，軒仔抵死地說：「係黃霑改嘅，指你上半身。」甄妮自豪地說：「本身話我巨胸，想文雅啲先叫巨肺咋！唔明肺點解會分大、中、細。」軒仔又識做地大讚甄妮皮膚白滑，她說：「你真係好有禮貌，我第二度仲滑！」笑言落台後給軒仔看，相當爆笑！
其後，甄妮繼續「發功」，批評時下的歌手：「唱歌唔係嗌就得，爆Key反而令人唔舒服，唔明點解咁都拎到冠軍。」她暗寸歌手開個唱要夠「料」：「開演唱會要有經典金曲，我就有百幾張唱片，如果唱人哋嘅歌就冇意思。」似是暗寸「小巨肺」林欣彤及G.E.M.。另外，她又大呻女兒的編排認真「攞命」，但會頂硬上支持！
音樂組
甄妮身穿性感白色晚裝，大展歌喉。
甄妮與舞蹈員載歌載舞，事後大呻女兒的編排「攞命」！
張敬軒被甄妮大讚有禮貌，以抱抱回禮。
呂良偉與太太楊小娟前晚專誠捧場。
甄妮愛女Melody（右）擔任個唱導演，全晚留守控制台。
甄妮巨肺晒料 借「軒」寸G.E.M.
樂壇「巨肺」甄妮的《愛SHOW世界巡迴演唱會「完美篇」》前晚在紅館順利完成首場演出，已屆花甲之年的甄妮仍然大晒美好身段，以性感歌衫大騷半球，又句句有骨的暗寸早前和她隔空罵戰的G.E.M.，認真好火。
殿堂級歌手甄妮前晚在紅館演出一連三場的演唱會，全場爆滿，呂良偉、林建名、陶敏明、無綫高層梁乃鵬等撐場，而女兒Melody則任演唱會導演，全晚留守控制台注視媽媽的演出。年屆60的甄妮所選的服裝都是性感、low cut、超迷你裙及deep V裙，又唱又跳不遜後輩。
多是非話準
肖蛇的甄妮在台上說今年是她的本命年，早前特地去問流年運程，相士指她會是非多，她說：「幾準呀，大家都睇到啦。」擺明暗寸早前與她鬧是非的G.E.M.（鄧紫棋），又指會有血光之災，故去剝牙應劫，笑言要多收利是沖喜，並將利是錢捐出做善事。
甄妮讚張敬軒乖仔有禮，再度暗寸G.E.M.冇禮貌。
G.E.M.
甄妮又唱又跳，寶刀未老。
任嘉賓的張敬軒出場時被甄妮大讚乖仔兼有禮貌，兩人又大講有味笑話，甄妮先問軒仔：「你知唔知我有巨肺稱號？」軒仔說：「聽講係黃霑所改，同你上半身有關。」甄妮解釋說：「原本黃霑想叫我『巨胸』，但後來想文雅一點，才叫我『巨肺』。」又說沒有人用肺唱歌，唱歌是用丹田、喉嚨及用心去唱，更奇怪有人會分大、中、細肺！明顯再發功暗寸「小巨肺」G.E.M.。而軒仔除了陪笑亦賣口乖讚甄妮的皮膚白滑，她即說：「我第二度仲滑呀！」引來台下一陣笑聲。
甄妮女兒Melody擔任導演，在控制台與媽咪齊做goodshow。
Melody
唱歌唔使嗌
甄妮更對時下的唱歌比賽有意見：「我唔係批評人，唱歌係好舒服好輕鬆嘅事，唔明白點解一定要將首歌升高個key，唱到爆晒錶咁，人哋都聽得唔舒服啦，唱歌唔一定要嗌，咁樣都攞到冠軍我真係覺得好奇怪。」她又說歌手開騷的基本條件：「起碼要有十張唱片、二十首hit歌，唱人哋嘅歌就冇意義！」自言積累了百多張唱片，無數經典金曲才在紅館開騷。提到女兒Melody任演唱會導演，她指女兒的Rundown安排辛苦：「好似想攞我命咁。」雖然不喜歡，但都順應要求盡力去做。
呂良偉夫婦（圖）與陶敏明都是座上客。
陶敏明（右）
文：音樂組
留言列表
{{ article.title }}
