13/2素顏濕平
急住復出嘅林嘉欣，趁未有工開仍挺住個肚都要出街行吓。上週三（ 13日），佢就同另一女性朋友到 ifc shopping，唔化妝嘅佢，依然好標致。
真面目
心急搵銀 坐食山崩 老公 job跌 林嘉欣大住肚復出養家
林嘉欣 2年前與導演袁劍偉在加拿大奉子成婚，更於 10月誕下女兒 Kayla。有老公養，本應可叠埋心水做幸福少奶奶，但最近再度懷孕的林嘉欣卻忽然趕住復出，並簽埋林珊珊做經理人，大住肚都要忙工作。
據知大肚嘉欣心急復出，只因長休兩年來零工作，加上有傳老公工作量急跌，不想坐食山崩 34歲的林嘉欣佗住 5個月大肚都要再出山，養兩件生活真係唔輕鬆。
14歲從加拿大回台灣簽經理人張洪量，出道至今已有 20年的林嘉欣，兩年前下嫁廣告界名導演袁劍偉後深居簡出，一家三口長居加拿大。
奉子成婚
林嘉欣於 10年下嫁導演袁劍偉，並在溫哥華舉行婚禮，當時林嘉欣已懷有囡囡 Kayla。
現租住赤柱嘅林嘉欣，上週一（ 11日）難得有朋友到訪，便帶他們到屋企附近公園湊女兼食飯。
11/2共聚天倫
囡囡 Kayla兩歲多，見到滑梯馬上衝過去玩，連媽咪都唔理。
15/2陪行西九
上週五（ 15日）林嘉欣與另一女友人及其女兒逛西九大戲棚，雖然只係陪人哋個女玩，但嘉欣仍然好投入，母愛泛濫。
企硬唔減價
急住簽約
10年，林嘉欣兩公婆婚後於加拿大定居，大肚期間丈夫袁劍偉更拖到老婆實一實，嘉欣一副幸福少奶奶格。《忽然 1周》圖片
老公工作量減，為免丈夫太大壓力，愛夫心切嘅林嘉欣當然識做，大住個肚都決定返香港搵錢。原本講明生完第一胎後短期內唔打算復出嘅佢，早前突然簽畀林珊珊做旗下藝人，同草蜢及老死鄭伊健等做同事。
知情者續稱：「嘉欣舊年年尾已經有復出打算，暫時都係拍吓廣告，仲有電影傾緊，不過唔會太操勞，其實嘉欣形象好，佢一話復出，已經有 Neutrogena搵佢拍新一輯廣告，亦好多劇本畀佢揀緊，其中一套係搵佢做大肚婆，只要嘉欣肯做，唔驚冇人搵佢！」
雖然懷胎 5個月，本刊上週連日來發現嘉欣仍帶住 2歲大乖女 Kayla四圍走，即使全程唔見老公袁劍偉在場，仍冇損大肚嘉欣湊女樂。有個老婆搵到錢又顧家，老公真係要加多兩錢力接 job啦！
復出唔愁
林嘉欣為賺錢養家，已鋪排一連串工作畀自己。為咗今次復出，不惜帶住肚裏面嗰個開工，為頭家，做阿媽嘅辛苦啲都要啦！
晒馬賀歲
林嘉欣同伊健熟，原來同林珊珊都好 friend， 3人同公司做嘢點都開心啲啦，新春期間更同成班公司藝人拍咗條賀歲片，公告天下加盟林珊珊。
廣告續約
林嘉欣今年將繼續為護膚品牌做代言人，拍一個廣告穩袋百萬酬勞。
拍微電影
去年年底，當時已懷有第二胎的林嘉欣，為姊妹梁詠琪第二次執導的微電影復出拍攝。
老公風光過
老婆復出𢱑銀，相反老公袁劍偉就等工開。無綫助導出身，跟過錢國偉學嘢的袁劍偉，曾於 90年代為張學友、周慧敏等拍攝多個 MV，亦曾拍攝大型廣告， 09年拍攝的劉翔可口可樂廣告更為人熟悉。
老婆拉攏
去年 8月，林嘉欣擔任女主角為陳奕迅拍攝 MV〈信任〉，導演為袁劍偉，有說此 MV也是靠林嘉欣碌人情咭，老公先有工開。
94年，袁劍偉為周慧敏、王馨平及湯寶如主唱嘅〈美少女戰士〉拍 MV，令人印象深刻。
09年，袁劍偉與可口可樂合作拍攝新春廣告，當時男主角仲係跨欄王劉翔。
留言列表
{{ article.title }}
