有人玩針對
談到當日參選時的種種是非，芭比卻一臉委屈︰「選完港姐後，很多 agent公司聯絡我，好多 job做。選亞姐前我已經向有關方面申報，講明選亞姐時未必可以完成所有任務，佢哋話 ok冇問題。但點知有時活動改咗地點，工作人員冇通知我又或者好遲先講，我根本趕唔切到，之後啲人就屈我甩底，我梗係黑面。（啲人係咪佳麗同工作人員？）係佢哋針對啫！最離譜嗰次，有人通知我返公司 fitting，我等咗半日先見到其他佳麗到，擺明俾人玩。
「有次工作人員講笑，個個佳麗都有笑 o架！只不過我笑出聲，就俾人鬧『多嘴妹唔好咁多聲氣！』，我絕對覺得有針對成份。」
「選美中，有幾個佳麗有私家保母安排一切，仲有專車接送，待遇同其他佳麗唔同。其實評判想邊個突出啲一定有方法。有贊助商支持嘅佳麗，一定着數啲！」事實上，遼寧的王欣、劉曉智都是以黑馬姿態攞冠軍同季軍！
去年被傳媒踢爆與會計師男友 Chen Min排期註冊，但最終兩人都分手收場。而芭比更好玄咁話：「我唔想同個陌生嘅男人結婚（拍拖兩年都陌生？）相處得耐唔等於了解，到了解會發覺真相。」《蘋果日報》圖片
合約要陪老細
「當初有朋友叫我走周秀娜路線，但我同佢經理人傾過偈後，就覺得同佢嘅特質好唔同。前前後後都有幾間模特兒公司接觸我，我發現呢個行業唔係想像中咁簡單，我亦慶幸自己諗清楚，如果我太急（入行），你哋見到嘅新聞可能唔係寸嘴咁簡單。」
寸爆出位後，芭比曾被邀出席飯局︰「曾經有人我去飯局！其實未入行前都聽過呢啲嘢，點知同某公司傾經理人約，真係有呢啲事。合約上寫明要陪老闆食飯，邊間就唔好講嘞！可能有人以為我腦囟（音筍）未生埋，好易，但我未去到呢個地步囉。」
選港姐前，芭比有個會計師男友，更曾排期結婚，以為終身有個依靠，但到頭來卻分手收場，「男人都係信唔過，好多大話，做人都係要靠自己，感情係好兒戲，都係搵錢實際，所以嚟緊會返大陸拍劇，今年暑假會出寫真，目標係搵過億！」寸都唔夠，仲要加埋大口氣，難怪芭比自認獨一無二，圈中罕見。
留言列表
{{ article.title }}
