有我頂住！（設計對白）
識跳舞但未參加過馬拉松的徐子珊被徵召跑半馬，唔怪得 TVB話佢有劇拍緊隨時甩底，好在仲有班巨聲幫如陳國峰、何雁詩同狄易達等撐場，點都有一兩個跑到終點啩！
真面目
跑步都鬥 王維基渣馬人海戰 TVB推徐子珊紮馬
電視大戰除咗爭挖角鬥搶人外，王維基做老細的香港電視更爭取機會博宣傳，戰場原來已經伸延到每年一度的「渣打馬拉松」賽場。
於星期日（ 24日）舉行的渣馬，一如以往有唔少藝人參賽，而今年王維基的香港電視為 咗打響聲勢，派出以張可頤為首的 30名藝員隊伍參加十公里賽；對家聲勢浩大， TVB亦立即吹雞迎戰，卻只得徐子珊和巨聲幫等 12人落場，計人頭就要差一截，不過有珊姐頂住， TVB未必輸晒㗎！
林海峰和徐濠縈今年會以 Nike名義組隊出賽，但今年渣馬係特步主場，想着住套 Nike排頭位相信有難度。
一年一度的渣馬全城關注，有份參加的藝人已積極備戰，而 TVB及香港電視亦決定派出多位藝員落場跑，實行由電視台鬥到去馬拉松。
HKTV停工配合
仍未獲發牌的香港電視（ HKTV），當日將再次吹雞，派出 30名藝員參賽，包括一姐張可頤、唐寧、周俊偉、周家怡等，全部跑 10公里賽事。王維基已下令所有劇組在渣馬當日停工，全力造勢。
而過往並唔積極吹雞跑渣馬的 TVB，為了迎戰 HKTV，今年罕有地鼓勵藝員參加半馬賽，可惜只得徐子珊和幾名巨聲幫如陳國峰等報名， J2台則派舞王狄易達、落選港姐蔚雨芯、有線過檔的陸浩明等，加加埋埋只得 12人，人數少過 HKTV一半，而臨危受命的徐子珊雖然已報名，但因當日下午有劇拍，分分鐘出席完起步禮再作狀跑幾下就要閃人。
雖然人數唔及對方，但 TVB外事部總監曾醒明週一（ 18日）在電話回應時就滿懷信心：「渣馬係 TVB負責製作同直播，為 咗增加氣氛，至鼓勵 啲藝員報名，有 啲聲勢咁囉！得十幾人因為唔同百萬行，係真係要跑。唔係要同 HKTV鬥比賽，要鬥都唔 喺馬拉松鬥啦！（會否避免影到 HKTV啲藝員入鏡？）佢 哋真係跑到頭三名就話影到 啫，跑到咪影囉，如事實報道之嘛！」兩台大鬥，反而亞視話之你，零代表出席，無謂嘥人手。
你邊夠我跑？（設計對白）
張可頤曾患甲狀腺炎休息兩年，後來靠跑步和練氣功才好番，今年代表 HKTV跑 10公里，相信能輕鬆應付。其餘出戰選手包括周俊偉、唐寧等都出戰，勝在夠人多。
傳統吹大雞
TVB 12人頂住
狄易達
第一年以 TVB名義參賽，香港電視嗰班以前都係 TVB人啫！
陳國峰
兩個月前炒單車傷咗大髀未好晒， TVB叫到所以好積極練跑㗎。
何雁詩
HKTV 30人大軍
唐寧
平時做運動會快步行， 10K對我嚟講 ok， TVB都會有人去，多啲人玩咪開心啲囉！
周俊偉
打開籃球同跑步， 10公里好易應付。
周家怡
中堅份子
除兩個電視台派兵出戰外，其他藝人、歌手亦有參賽，好似心悠 BB就話願望喺 1小時內跑完 10公里，另外林海峰、徐濠縈、 HotCha和梁佑嘉等都有報名。
英皇代表
英皇去年都支持渣馬，今年鍾舒漫、張致恆繼續跑，吳浩康、關智斌亦會加入。
渣馬唔預謝霆鋒
由謝霆鋒代言的內地著名運動品牌特步，由上年開始成為渣馬唯一運動品牌贊助商，據知特步本來安排霆鋒以特別嘉賓身份出席星期日的渣馬活動，但負責主辦的業餘田徑總會竟然請霆鋒「食檸檬」。
業餘田徑總會發言人 Stella回應時稱：「我 哋一向請政府官員同太平紳士做嘉賓，好少用藝人，謝霆鋒應該冇份，亦冇聽過唔鍾意佢而唔畀佢 嚟。但如果係特步或佢經理人公司叫佢 嚟，係唔需要通知我 哋大會 嘅。」
雖然特步在香港還沒有零售店，但近日霆鋒的廣告張貼於各大港鐵站，配合渣馬宣傳。
謝霆鋒擔任特步代言人已踏入第 10年，早前為特步拍攝廣告，但他就未曾跑過渣馬。
陳冠希停賽一年
上年陳冠希跑完全馬還興奮讓傳媒拍照，結果被發現身上號碼並非他原有號碼。《蘋果日報》圖片
跑馬拉松睇落好威，但去年陳冠希以慈善名義跑渣馬籌款卻搞到一鑊泡，話說他好得戚咁掛住 A5654號碼牌跑完 42公里全馬，但賽後被人踢爆頂包，他原本號碼是 A5716。
Edison仲死頂話係特登同人對調：「唔想要個 7字，同人換 咗，但腳上 嘅計時器冇換。」結果唔單只被大會取消資格，主辦單位就解釋：「因為有人投訴陳冠希，咁做對其他選手唔公平。」跑 咗等於冇跑，更罰他停賽一年，今年冇得玩。 
留言列表
{{ article.title }}
