Super Girls 5位成員都好鍾意小動物，輪流攬住 3隻貓狗玩。
Petbook
Super Girls組成 super動物園
2013年02月20日 ~~ 第1100期 交易通．搵車快線
新晉少女組合 Super Girls唔只唱得跳得，原來 5位靚女都同樣愛心爆棚，分別飼養過不少寵物，包括龍貓、倉鼠、兔仔，甚至連蜘蛛都有。採訪當日， Jessica和 Cheronna便帶同愛寵狗仔和貓貓出現， 5個女仔圍 着貓狗頻呼可愛，抱 着不捨得放手，此情此景，實羨慕死不少宅男。
採訪相約於寵物 Cafe內進行， Cheronna的兩隻貓貓 Dominic和 Karina一出現，即引來其他隊員歡呼，皆因兩隻貓貓肥嘟嘟，樣子超可愛，「每次帶親兩隻貓貓出 嚟，大家都會好開心，因為貓貓唔怕人，仲好嗲，鍾意俾人攬。」好多貓貓出街實好驚青， Dominic和 Karina真的非常少有，仲任攬唔嬲。
Cheronna笑言貓貓沒有受特訓，但天生性格黐人，「 Dominic成日蝦 Karina，不時咬吓佢，不過純粹玩吓，會就住力；其實 Karina好鍾意做被蝦 嘅角色，每次被 Dominic蝦就乘機扮可憐，要我 哋呵番，不過佢 哋兩個都咁為食，有次 Dominic連我副隱形眼鏡都食埋，好在又冇事。」
工作忙碌的 Cheronna所以養貓貓，除了個人喜好外，還希望貓貓可以代自己陪伴媽咪，「我入行後，過時過節都要做 嘢，所以想貓仔陪媽咪， 2年前就去附近寵物店，先後買 咗佢 哋返 嚟，𠵱家媽咪不知幾錫佢 哋。」
Heidi和 AKA同 Cheronna兩隻貓貓玩得勁開心，直嚷 着要養貓。
Karina
品種：異國長毛貓
性別：女
年齡： 2歲
Cheronna對兩隻貓貓愛錫有加。
貴婦狗伸 脷 氹主人
相比之下， Jessica飼養的貴婦狗 Miu Miu，身形比兩隻貓貓仲細小，所以比較怕人，好在 Miu Miu超聽話，而且成日伸 脷仔，同樣可愛，不會被貓貓搶晒風頭。「 Miu Miu好黐我，又聽我話，每晚佢都會入我房 瞓，朝早醒 咗，都會等到我起身出房，佢先會出去。」
一直鍾愛狗仔的 Jessica原本不想養狗，因知道責任重大，誰知媽咪和妹妹極度想養， 4年前 3人一齊去寵物店，兩次都見到 Miu Miu，「當初見到佢尖叫，都驚難養，點知放出籠後，佢就唔叫，而且好嗲人，當時佢有小腸氣，所以到 1歲都冇人買，我知道之後，就決定養佢。」
由於 Miu Miu細個沒有出過籠走動， Jessica頭幾次帶牠散步，狗仔一直打斜行，有次仲衝出馬路，「 嗰次嚇死我，眼見有架車撞埋 嚟，好彩佢行 咗去第二邊，冇被撞到，自此我都唔放心其他人帶佢出街，每個星期點忙都會親自帶佢散步。」
另外， Yanny養了兩隻龍貓，分別叫 Lu Lu和啤啤，「佢 哋係家姐買返 嚟養，不過𠵱家家姐搬 咗，主力由我照顧。」
Miu Miu
品種：貴婦犬
性別：男
年齡： 5歲
Miu Miu最叻伸 脷 氹主人。
Dominic
品種：異國短毛貓
性別：男
年齡： 2歲 3個月
龍貓咬電線險燒 燶
Yanny大讚兩隻龍貓聰明，識得自己開鎖走出籠，「佢 哋好鍾意咬 嘢，有次 Lu Lu咬條電線，電到牙齒變黑， 啲毛鬈 咗，但過 咗一排變番正常。」
不過 Lu Lu最近因為喉嚨發炎，令呼吸困難，最終在聖誕節去世，令 Yanny非常傷心。「我養 咗佢 3年幾，好有感情，𠵱家唔想再養動物，因為唔想自己再傷心。」
其實 AKA和 Heidi也曾經養過寵物， AKA仲特別到養蜘蛛，「我中一時幫個師姐暫養過一隻蜘蛛，覺得幾得意，所以我 喺中學時都養 咗隻紅玫瑰蜘蛛，好似手掌咁大隻，我媽咪見到嚇到想暈，但最後都畀我養，其實蜘蛛唔難養，只要幫佢 哋噴吓水、餵吓蠍子同蟋蟀。」
而 Heidi細個養過兔仔，後來再想養倉鼠，不過遭媽咪反對，「我買晒 啲工具、籠等返 嚟，點知媽咪唔畀養，惟有將 啲 嘢轉送晒畀朋友。」雖然現時 AKA和 Heidi已沒有養寵物，不過得閒可以同隊員啲貓貓和狗仔玩，都一樣咁開心。
Jessica和 Yanny帶住 Miu Miu揀食物， Miu Miu超興奮。
Yanny養了兩隻龍貓 Lu Lu和啤啤，但 Lu Lu在聖誕節前去世，令 Yanny非常傷心，圖為 Yanny與啤啤合照。
留言列表
{{ article.title }}
