本月 8日兩人出席《戀愛季節》宣傳活動時，一向以「男仔頭」自居的 Toby與謙仔合作玩遊戲，二人玩到幾乎嘴貼嘴，依然超投入冇避忌。
真面目
大有大食 婚前散玩 Toby食過大隻謙
未俾楊怡收服前的羅仲謙，出晒名係電視台溝女王，同佢合作過嘅姐仔，只要青春又靚女，大隻謙例必出手，擸女慾都咪話唔強勁！
雖然大隻謙𠵱家已修心養性，由昔日的花弗男洗底做專一好男人，但據知原來拍《戀愛季節》時，因冇女肯同謙仔拍劇，怕又傳緋聞，最後只得已為人妻的過氣緋聞女友 Toby梁靖琪肯演。 Toby捱義氣，原來二人於 10年時堅係拍過拖，如今二人在劇中再續前緣，難怪咁自然啦！
28歲羅仲謙與大佢 5年的楊怡，自 11年拍《 On Call 36小時》撻出姊弟戀，至此花心謙就開始斷絕緋聞，專心一意維繫呢段戀情及專心拍劇。
'10《團圓》撻着
Toby喺 10年拍攝劇集《團圓》時自爆與謙仔一幕激咀戲後生好感，而謙仔亦坦言同她咀得好舒服。
'12《戀愛》續緣
事隔 2年， Toby與謙仔各自有另一半，兩人再次合作，又係做情侶，難怪兩人演得咁自然。
花旦彈 job
11年 12月 Toby與拍拖 1年的老公黃敏豪（ Aaron）於洲際酒店筵開 53席，據知 Aaron擅長投資豪宅，身家估計約 2億，講錢點都好過捱生捱死嘅謙仔吖！《蘋果日報》圖片
雖然謙仔努力洗底，可惜逢女溝形象太深入民心，導致冇乜花旦敢同佢合作，現於 TVB播緊的《戀愛季節》，有傳開拍初期，原先的女角人選都因怕與羅仲謙傳緋聞，寧願推劇都唔願拍。據劇組人員透露：「原本同羅仲謙拍嗰個單元的女角唔係 Toby嚟，之前搵咗幾個姐仔都係話費事同謙仔拍劇傳緋聞，係得 Toby一收到通知就 ok。」
再見亦是朋友
上年 9月被傳媒拍得疑似車震，兩人一齊開記招澄清，謙仔與楊怡段姊弟戀先正式浮上面。
雖然話人妻 Toby緋聞男友一樣多唔怕傳多單，但梁靖琪咁為得人，據知原來 Toby和大隻謙真係拍過拖，她曾公開盛讚大隻謙：「好大隻，好好攬！」又話好了解羅仲謙性格「個人比較怕醜」的 Toby， 2年前二人拍攝電視劇《團圓》時，雖然當時 Toby已經與現任丈夫 黄敏豪拍拖，但大隻謙與 Toby卻因拍攝一場激吻戲而撻着。
據知情人士透露：「拍《團圓》時個個都知佢哋拍拖啦，不過佢哋拍咗幾個月就散咗，但係佢哋唔係鬧交收場，所以佢哋𠵱家都 keep到好 friend㗎！」週一（ 18日）本刊致電 Toby，她說：「我都結咗婚啦，仲問我呢啲嘢？我唔會答㗎喇！」
女版集郵狂
一向以「男仔頭」自居的 Toby為人熱情，自 04年出道，曾同佢傳過的緋聞男友數量都唔少，如黃宗澤、蕭正楠、敖嘉年，甚至年紀差一大截的三哥苗僑偉都傳過，不過傳得最多的除咗羅仲謙，就係吳卓羲，集郵數量跟羅仲謙相比真係不相伯仲呀！
《蘋果日報》圖片
拍攝《團圓》時除了羅仲謙外，同劇還有另一溝女王吳卓羲，不過當時 Toby同緊羅仲謙一齊，吳卓羲惟有兄妹相稱啦！
吳卓羲戲水
《壹週刊》圖片
上年 9月 Toby與吳卓羲，於海南島拍《衝》期間，喺酒店泳池公然鴛鴦戲水，事後 Toby要返港解畫。
累 Bosco箍煲
《壹週刊》圖片
09年 Toby與黃宗澤合作《摘星之旅》時戲假情真，最終 Bosco要與當時仍是正印的胡杏兒到沖繩旅行重修舊好。
新晉食女王
「童顏巨胸」羅仲謙曾爆出疑打女友傅穎新聞，亦無損他逢女溝的性格。除咗公開承認的楊怡及傅穎外，曾與謙仔傳緋聞的女星亦包括江若琳、黃智雯、張慧雯、蔡慧欣、蔣家旻等，十隻手指差啲數唔晒。
11年 8月傅穎自爆曾與羅仲謙拍拖 1年，但遭男方虐打及一腳踏四船，當時謙仔亦眼濕濕承認曾有郁手。《蘋果日報》圖片
同年有指因謙仔與應屆港姐出外景時，𥄫中身材好的蔡慧欣，展開追求而辣㷫傅穎爆大鑊。
照抄始源韓劇
狂鬧助手
《戀》劇中羅仲謙勁鬧粗魯助手 Toby，而《愛》劇的始源亦愛借不修邊幅的經理人蔡琳出氣，而《愛》劇中和始源半同居的蔡琳每次必奉上紅棗汁給始源飲，《戀》劇亦抄到足，不過換成橙汁。
屋企做 gym
留言列表
{{ article.title }}
