楊思琦昨日出席活動時，避談感情事，指會專心工作及家人。
前日34歲生日的單親媽媽楊思琦，被爆早前向舊愛李泳豪發出愛的短訊求復合，不過遭對方請食檸檬。思琦昨日出席活動全盤否認，有指她其實跟囡囡 Krystal生父吳帥未完全掟煲，思琦避談感情，表示以家人為重。
楊思琦去年狠撇同居男友李泳豪，今年3月為前跳水運動員吳帥誕下囡囡 Krystal，但卻發現男友是空心老倌，思琦即飛吳帥，獨力撫養女兒做未婚媽媽。
未甩吳帥
舊愛豪仔兩個月前34歲生日，有指思琦先後傳 I love you和 I miss you短訊求翻撻。同時亦有知情人士爆出思琦其實跟吳帥在產女後已經和好，當日復出宣佈當單親媽媽，希望博觀眾同情，增加工作量。
思琦昨日在尖沙嘴出席無綫宣傳活動，講到她向豪仔發求愛短訊，她說：「呢啲嘢已經唔關我事，我哋之前已經回應同交代過，又處理好晒，唔想再講，我都唔知邊啲係知情人士，佢知嘅嘢連我都唔知，真係唔係事實。」
有指她跟吳帥分手是煙幕，思琦說：「唔評論喇，大家都關心我嘅感情，呢一刻真係唔會再諗，感情隨緣。」
傳思琦翻撻泳豪，第一個跳出來反對的是李家鼎（小圖、資料圖片）。 鼎爺抗拒
鼎爺反對思琦再黐豪仔，是否因為思琦當日絕情表現？他昨日在電話中說：「你話呢？」鼎爺會否抗拒思琦買大送細？他說：「呢樣嘢唔好話唔介意，當日佢點對豪仔，大家有眼睇。」一向最緊張豪仔的孖生哥哥李泳漢昨日也說：「大家畀空間佢兩個，等佢哋各自過番自己生活，畢竟件事都咁耐。」
採訪、攝影：何慧斯、林妃
楊思琦否認翻撻李泳豪
楊思琦因搭上前跳水運動員吳帥，狠撇男友李泳豪，在年初誕下囡囡楊卓穎後，又與吳帥鬧翻要獨力撫養女兒，近日有傳她以愛的短訊翻撻舊愛李泳豪。昨日思琦與楊愛瑾等出席公開活動，思琦直接否認有關傳聞：「冇咁嘅事，都唔知邊度傳出嚟嘅，話知情人士透露，但點解啲內容連我自己都唔知？真係唔係事實。」對於又傳她與吳帥是假分手，她說：「唔講喇，總之一切隨緣啦。」
另外，李泳豪亦在電話中表明與思琦很久沒有聯絡：「唔係事實嘅嘢唔回應，我依家係單身，目前只係想專注工作。」其兄李泳漢亦未有聽弟弟提過復合，而父親李家鼎亦否認就思琦傳短訊給泳豪而爆粗。
楊愛瑾晒腿出席活動。
李泳豪
思琦：點解我都唔知
楊思琦昨日被傳以短訊攻勢聯絡舊愛李泳豪，為復合鋪路。她昨日出席無綫活動時即劈頭否認其事：「話知情人士透露，但點解啲內容連我都唔知？」思琦指刻下只會努力工作及照顧家人，暫未有再想感情事，且明白與泳豪分手後，便不會再走在一起。另有傳與吳帥分手是煙幕，思琦說：「唔講喇！總之一切隨緣啦！」而李泳豪接受電話訪問亦強調：「唔係事實嘅嘢唔回應。」刻下單身的他寄情其賽車事業。
至於泳豪孖生哥哥李泳漢同樣稱未有聽聞短訊事件，更不贊成弟弟與思琦復合。至於報道指父親李家鼎得知思琦的短訊攻勢，他即忍不住爆粗「多X餘」，但他卻否認：「我乜都唔知！（唔贊成復合？）假設性唔答喇！佢咁大個仔應該向前看，重新出發！」
楊思琦否認與舊愛李泳豪復合，現只想努力養大女兒。
李泳豪
留言列表
{{ article.title }}
