戲中氣
嫌三彈四 以下犯上 朱慧敏囂爆
對上一齣處境劇《結•分@謊情式》收得，女主角商天娥麻煩難搞，是非由頭帶到尾，雞犬不寧。接力的《愛•回家》情況亦一樣。首次有得孭重飛的朱慧敏，恃住高層曾勵珍背後撐腰，又擦掂編審，擺晒阿姐款，教其他演員做戲，甚至連導演都唔放過。
鵪鶉變囂張，幕前幕後頂唔住，多番跟她吵大鑊，《愛•回家》變《愛•吵架》。
彈對手演技
過往做開反派，亦無代表作的朱慧敏，今次在劇中飾演律師，卻當正自己戲劇大師。
拍攝辦公室場面，嫌其他辦公室對手唔夠班，試過當眾勁彈黎諾懿、黃子雄、李霖恩及莊思明等演技差。
「一開始佢就當正自己係阿姐，成班演員無分上下，都好俾心機做，朱慧敏俾意見無問題，但佢態度好差，指住演員話呢個好唔掂，彈 嗰個浮誇，堅持要人跟佢 嗰套。五十步笑一百步，佢自己都唔係咁出色。」知情者爆。
《愛》一開拍，朱慧敏已因擺阿姐款，跟同劇演員有心病。
質疑導演水準
睇唔起同劇對手，首度擔正的朱慧敏連導演都不放在眼內。對每場戲拍攝手法不單意見多多，還常與導演開火，影響拍攝進度，累全廠上下遲收工。
「佢成日 challenge啲導演，話人 哋唔識拍 嘢，乜都拗一餐，仲惡過人哋。佢同其中一個姓黃嘅導演，日日開工就嗌交，連進度都受影響。接手 嘅導演一早收晒風，唔會同佢拗，採取強硬態度，要佢點做就點做！」
有指高層得悉朱慧敏與導演嘈交，曾對她作出勸諭，故近日朱慧敏亦肯收斂。
劇中男女主角黎諾懿、朱慧敏會有感情發展，但現實中兩個係無偈傾，零交流。
據知黃子雄同李霖恩等人因頂唔順朱慧敏的囂張，近日拍劇時向她反擊。
上一套《結•分@謊情式》，一眾演員表面和和氣氣，查實娥姐惡頂性格跟對手擘晒面。
谷爆反擊
嫌三嫌四！但朱慧敏對自己卻毫無要求。每次遇上要講大段對白的場口，她便以要時間準備為由，要求先跳拍其他演員戲份。一而再再而三後，忍無可忍的黃子雄及李霖恩等人，終於還拖。
「班男仔終於頂佢唔順，齊齊開聲話每個演員都係返屋企背熟對白，做好功課，一入廠埋位就拍得，所以唔會再就佢，照順序拍。」
同劇演員谷爆反擊，朱慧敏俾人篤中要害，落唔到台，於是即場開拖。「佢唔肯認衰，又睇唔起其他人，所以平時開飯，大家都唔會預佢。」知情者說。
一朝得志，語無倫次，長此下去，朱慧敏大有條件接「黑天娥」棒。記者就此事致電朱慧敏，但截稿前她沒有回覆。
撇開朱慧敏，《愛》劇上下演員都合作愉快，感情儼如一家。
演狐狸精角色居多的朱慧敏，難得擔正上位，就按不住氣焰扮大牌。
是非女王
朱慧敏入行以來，穩佔二、三線位置，專攻壞女人角色，而且經常是非緋聞纏身；直至最近才有機會 孭飛做女主角。
冇句真
雖然與 EO2的 Eddie有影皆雙，被人目擊在男友餐廳助陣幫手，又見 Eddie做觀音兵管接管送，連鴛鴦戲水都被人影埋，依然實牙實齒唔認拍拖。
搏同情
去年與陳美詩往日本拍特輯，分毫未損卻在機場臨出閘前，借膠布貼頸扮受傷，搏人同情，聲淚俱下，幾乎慘過頸部真的受傷的陳美詩。
扮無知
留言列表
{{ article.title }}
