探熱針
唔開會冇對話拒宣傳 林海峰玩殘陳志雲
由揸弗人俞琤點燈，成為商台行政總裁的陳志雲，今年三月埋位，隨即部署大清洗大換血，一台成為首個刑場，台長黃永被叮走，還有林曉峰和車婉婉打孖陪葬。
細佬被踢出局，一直同陳總冇兩句的林海峰，變得更加唔合作。有俞琤免死金牌在手，除拒絕跟陳總對話，連例會都唔開，甚至一概有關商台的宣傳活動，林海峰企硬 no show，玩嘢玩到出晒面。
狹路相逢
由陳總搭路返 TVB，林曉峰即有機會任大騷《翡翠歌星紅白鬥》主持。
陳志雲新官上任接近半年，林海峰人前人後態度明確，擺明唔妥！據了解，二人共事至今未傾過一句話，就算在電台走廊碰到，林海峰亦當對方透明。「阿 Jan（林海峰）好玩嘢，陳總幾次嗌開會，佢次次都冇出現。六月商台喺電台大樓搞咗個改革記者會，全世界都出席，藝人高官都嚟撐場，阿 Jan明明喺 office，都唔肯落去記者會撐場。總之一句到尾，有陳總、冇阿 Jan。
「其實陳總一直希望和睦共處，之前郁佢細佬，陳總都預先打電話俾樂小姐（樂易玲），問可唔可以用番林曉峰。當年佢公開鬧無綫鬧到冇得撈，但陳總都搞番掂，所以林曉峰喺商台走咗幾日，就已經可以返無綫開工，不過佢淨係响人面前呻話俾人炒，冇講陳總幫佢返無綫。」知情者說。
免死金牌
「活化」一台後，陳總積極改革二台，開會要求改變音樂政策，更加觸動在二台打橫行的林海峰神經線。
「佢不嬲喺二台話晒事，陳總點名要郁二台 嘅 music policy，阿 Jan當然唔順氣，問題係好多人都發覺二台音樂路向愈來愈同大眾脫節，冇晒以前 嘅影響力；方大同居然贏陳奕迅攞金獎。陳總想將來民意行先，但阿 Jan連傾都唔想傾，完全冇對話 嘅機會。」知情者說。
林海峰有本事唔對話，全因有俞琤免死金牌在手。據了解，當日俞琤暫離商台搞天比高，為培訓年輕人出力，拍板搵軟硬回巢「睇檔」，其中一個條件，是二人可自由搞創作。
「除咗有俞琤做後盾，阿 Jan呢幾年搞棟篤笑、開演唱都會幫商台搵到銀，明知自己有 bargaining power，佢又點會放陳總在眼內呢。」知情者說。
年初商台團拜活動，剛爆出俞琤跟何超瓊的緋聞，林海峰幫她解圍外，更表示老闆開心最緊要。
陳總為商台造勢頻頻搞活動，早前商台上下都出席撐場的記者會，林海峰寧願留喺 office都拒絕出現。
《草蜢森巴大戰軟硬 fans演唱會》加至十一場。
Donald跟少爺占屬林海峰派系 DJ，在今次清洗行動中未有被波及。
彭羚早前復出，擔任黃偉文演唱會嘉賓，林海峰講明老婆會做番主婦，他則繼續負責養家。
查小欣近日盛傳被炒，有指陳總有意找盧覓雪回巢代替她做娛樂節目。
商台金蛋
商台近幾年業績見紅，廣告收入下滑，身為商台人的林海峰差不多每隔兩年便出動，閉關度橋做棟篤笑幫娘家搵銀，令有份協辦的商台有錢落袋。
06年開始無間斷搞棟篤笑，連埋大堆紀念品同時推出，賺到盡！今年 10月，軟硬再拍住草蜢開演唱會，破紀錄開足十一場，依然一票難求。有吸財能力，自然更有牙力。
留言列表
{{ article.title }}
