日產 Qashqai+2玩 SUV變七人車，多了兩個位無錯是好實用，但對甜蜜兩口子，都是五座版 Qashqai較啱玩。除比+2版有更多升級 Parts，妄攝女 Debby都話最過癮是頭頂天幕式天窗，及闊落舒服的座椅及內櫳。記者：徐影龍攝影：譚盈傑Model： Debby@Pure Models
其他副刊影片 放大圖片 
■胎軨由 17吋加大至 18吋，整體有氣勢得多。
正所謂鹹魚白菜各有所愛，+2版坐足七個人固然夠實際，但港人愛玩城市四驅，心嗰句都係貪有型有款啫！目標清晰後，對比+2版，五座版就加入更多帥型項目，如更巨型的 18吋胎軨、令車頭更威武的霧燈及真皮軚環等，務求在視覺上滿足你。五座跟七座外觀稍稍有別，但驅動系統卻完全兩回事。+2用嘅係可調式四驅，馬力大但耗油相對較大，而五座版則配搭前驅系統（ FF），以城市四驅車來講，動力輸出其實已足夠有餘，最重要是更慳油，來回走一轉港島區至機場，慳到的油錢起碼對冲了西隧加價嗰 10蚊。兩個版本差價只係萬幾蚊，如果無四驅情意結嘅話，五座版更為實際抵玩。
放大圖片 
■中控台佈滿功能按鍵，全屬直覺式操控，好快習慣。
放大圖片 
■輕輕一拉，後座就可 180°完全收納，變特大尾廂。
放大圖片 
■尾門有油壓，大可放心將尾廂當凳坐。
放大圖片 
■車身高睇位易，城市四驅好啱女仔揸。
超大天窗 放大圖片 
五座版 Qashqai最大賣點，絕對是超巨天幕玻璃及闊落內櫳，雖然軸距比+2版稍短，但只放兩排座椅，感覺上更闊落，前排座椅亦可大幅向後挨，小小角度兼夾座椅軟熟，比屋企張床仲舒服。抬頭望埋幾乎等於普通天窗 3倍面積的天幕，蔚藍天空到明月星空，猶如靚畫放在頭頂般。
車身高 Cut線好睇位 放大圖片 
車身高度有更好視野優勢，轉彎睇位甚至 Cut線爬頭，點都舒服過低矮車款。換上更高級真皮軚環，手感不俗，配合 Xtronic CVT無段波箱，揸落好 Smooth好順暢。
Nissan Qashqai 2010規格
引擎： 1,997cc MR20DE馬力： 139PS/5,200rpm扭力： 20.0kg-m/4,800rpm傳動： CVT無段變速連+/-波，前驅售價：$242,800查詢： 2803 5333（合誠汽車） 
留言列表
{{ article.title }}
