拖手
做戲做全套，小豬楊丞琳 嚟到香港乜都得，呢類畫面，台灣好難見。
同你吟一吟
頒獎禮賣緋聞 小豬大方阿 Sa發呆
星期日（八月五日）晚，新城電台舉行國語力頒獎禮，秉承一貫作風，時間長，頒足五個幾鐘，仲有太公分豬肉，人人有獎，仲有另一個賣點係將緋聞擺上 枱。
先講台灣歌手，大贏家小豬羅志祥以及楊丞琳，兩個獲大會頒發「火熱搭檔」獎。之前有台灣八卦網站暗示兩個地下情，仲話小豬因為爛滾染性病，傳埋俾楊丞琳，搞到小豬要公開驗身報告，證明自己冇暗病。
自此，一對緋聞男女明顯少 咗合作，直到早排孖住去澳洲拍特輯，緋聞又再炒起，頒獎禮當晚，小豬大方向楊丞琳送上愛的抱抱，又拖手錫手背唱情歌。台星擺明親熱，反而同場港星代表就玩閃縮。 William陳偉霆上台，新城個熒幕專登影住阿 Sa，不變應萬變，阿 Sa發呆扮乜都見唔到；至於國語碟銷量仲衰過梁詠琪 嘅容祖兒，無厘頭掃走四個大獎，司儀問佢使唔使多謝「阿龍」劉浩龍， Joey腦筋急轉彎：「要多謝阿鳳，我阿媽叫余金鳳！」
抱抱
錫錫
William有獎，大會影住阿 Sa，可惜女方零反應，唔肯賣賬！
聽講 Joey最新國語碟，賣得差過梁詠琪，十大不入，但就攞到「全球最受歡迎至尊歌手大獎」同「年度歌曲」，比起佢同劉浩龍 嘅緋聞，更加出奇！
除 咗緋聞搶鏡，小豬帶住兩個外籍保鏢出入夠晒架勢，仲話原本有四個，今次只係帶兩個 嚟香港，主要用途係擋住熱情 fans喎。
全站熱搜
留言列表
{{ article.title }}
