國台扮
蔡依林張韶涵玩出禍
當蔡天后遇上黑臉琵鷺，都咪話，真係似到呢！！！不過最離譜係執相位仁兄，只顧執靚 Jolin條腿，冇留意鏡入面倒影， Jolin仲著住條打底褲。
衰完再衰
早排有網站搞 咗個公開投票，選出今個夏天大家最期待 嘅天后專輯，最終由３年冇出碟 嘅張韶涵，以壓倒性票數奪冠，反而蔡依林只係排第五，輸俾郭采潔、楊丞琳同梁靜茹。
衰俾張韶涵，蔡依林一於先下手為強，率先公開新碟造型，希望俾歌迷一個驚喜。 Jolin唔只一次著衫品味出事，俾人笑過扮人肉賴尿蝦，仲有水母、魷魚筒同海膽，贏得「海鮮家族」 嘅「美譽」，今次唔扮魚蝦蟹，新造型俾人笑扮瀕危雀鳥「黑臉琵鷺」，真係好大突破。聲稱集合中港台三地人才炮製新 image，點知都係劣評如潮， Jolin知道後冇晒心機：「已經很習慣！」
呢個水母經典造型，我真心地睇一次笑一次 㗎！
揀錯歌
至於贏 咗頭威 嘅張韶涵，早前因為家庭糾紛加上唱片合約問題，搞到有歌唱不得，直到最近簽到新唱片公司，終於有新歌《 The Girl》推出。
翻唱芬蘭女子組合 EuphoriaOK歌曲《 I'm that girl》，電子音樂曲風完全遮蓋住張韶涵把靚聲，原本係最期待 嘅專輯，點知因為揀錯歌， frist plug個個 dislike，就連造型亦因為古古怪怪，外界唔多接受，反而佢唱片公司有解釋：「就是要讓歌迷見識『你沒見過的張韶涵，你沒聽過的張韶涵』。」咁都要好聽好睇先得 㗎！
一向走開清純公主造型，忽然著窩釘戴假髮，好唔順眼。
新歌《 The Girl》放上 YouTube個零禮拜，齋歌冇 MV都有過萬點擊率，不過留言入面大多數人都投訴張韶涵新歌抄襲韓國電子音樂，後來先知原曲係來自芬蘭。 
冇歌唱，張韶涵去 咗拍戲，邊套？咪《影子愛人》囉！票房咁差，唔多覺唔出奇！ 
全站熱搜
留言列表
{{ article.title }}
