長江「肉」浪推前浪，今年o靚模寫真戰經過一輪踩界惡鬥後，終於分出勝負！去年「參賽者」羅凱珊（Kama）今年退下火線，隔岸觀火，專心自我增值！而尹蓁晞（Yumi）則愈戰愈勇，憑住「爆茄」等激爆Cosplay造型，成為話題之星，寫真集大賣逾兩萬本，榮登寫真三甲女王！ 去年寫真戰三甲之一羅凱珊（Kama），今年退下火線，以旁觀者心態「欣賞」新一輪戰事。憑「邦民女」一角火速走紅的她，與Angelababy及周秀娜齊齊成為宅男寵兒。去年她在書展派奶谷寫真，與派雪糕的周秀娜展開連番惡鬥，頓成全城熱話！但短短一年間，Baby與周秀娜繼續人氣爆燈，反觀Kama的「模」路如坐過山車般急轉直下，人氣和曝光率大不如前，更被脾氣差及整容等負面新聞纏擾。 面對種種負面新聞，Kama處之泰然：「我講嘢冇乜尾音同過分直接，容易畀人誤解，以為我好寸同好Cool！（改變性格？）好難改！希望靠其他方面令人哋對我有另一種感覺！（EQ高咗？）慢慢有進步，我好慢熱，同我識耐咗就OK！」除了被指「寸寸貢」外，她早前出席活動時更惹來整容及隆胸疑雲，但她毫不介意：「我都可以去驗㗎！其實呢啲新聞冇人記得，因為根本冇人信！」 Kama隨即澄清當日是化妝及髮型「出事」，導致「Cute Look」變「Kill Look」：「朋友都話我當日個孖辮造型唔得！（走樣？）有時化妝容易出事，咁我本身個鼻唔夠高，所以化鼻妝時，容易重手咗，化到好似京劇咁！」她笑言身形隨着流言激增：「愈話我肥，我就真係會肥！我鍾意食嘢，成日覺得食多啲都冇嘢，搞到愈食愈肥！」 問到退出寫真戰會否感可惜，Kama說：「留過倩影就算！」她透露近期忙於自我增值：「我不嬲都鍾意設計，依家潮流興環保，所以我鍾意以環保方式設計，所以近排試玩『樂動在家』遊戲！」對於o靚模今年寫真戰是非不斷，戰況激烈，Kama以過來人身份隔岸觀火：「都算樂得清靜，可以避開唔少是非！我會抽時間去書展睇書，好好裝備自己！」
去年成為寫真戰賣書三甲的Kama，今年急流勇退，專心自我增值。
Kama否認因拍拖而拖累工作，並笑言「係你嘅始終係你！」認真豁達。
唔介意被傳整容
自我增值避是非
對於種種負面新聞，Kama處之泰然，小女子亦擁有大智慧。
留言列表
{{ article.title }}
