新郎哥陳漢驄上週六朝早八點去蔡家位於九肚山的大宅接新娘，斟茶時，蔡志明夫婦送上龍鳳 鈪和大利是俾女婿和愛女，堂兄蔡加頌亦送上龍鳳金鈪（左圖）。
名人有喜
蔡志明豪氣嫁女 阿女低調都難
請唔晒
今年三十歲的蔡加怡靚女又叻女，廿五歲便掌管上市公司康健國際，平日甚少出席社交場合，主要時間忙打理生意，難怪父母開口埋口都讚她又乖又勤力。二月尾時，光頭仔男友話將同女友結婚，但加怡被追問婚事時都是一句起兩句止，企圖蒙混過關，其實父親蔡志明廣結人緣愛熱鬧，母親李蕙莉又是保良局總理，她的婚禮豈能一切從簡？
有錢人結婚一樣有玩新郎環節，跳草裙舞、吃混醬榴槤及赤腳在冰水夾字砌「 I am Crystal's slave」等，接到新娘後，外父更發揮幽默本色，「你執到啦，光頭仔，娶到個好老婆，又靚又聽話又叻女。」事後蔡生話純粹講笑︰「 Crystal好嗲我，我哋無代溝，呢個女婿大大隻隻好斯文，對 Crystal又好。」五年前大女加敏結婚，心口都掛上金豬牌，今次孻女一樣有份，五對龍鳳鈪更戴到上手 踭，蔡太笑咪咪話︰「豬牌上吊六隻豬仔，我開幼稚園，多多都唔夠。」
五對龍鳳鈪戴到上手 踭。
花車
蔡家派出四百多萬的勞斯萊斯做花車，並掛上○七年用三萬多元自訂回來的 KTZ車牌。
花宅
嫁女前夕，蔡太找人用牡丹花作裝飾。
加怡穿著 Vera Wang婚紗在教堂行禮，在門口應攝影師要求嘴嘴。
男家俾酒席
一對新人到中大崇基學院禮拜堂行禮，傳媒想在儀式後做訪問，但一直想婚禮低調從簡的加怡，透過 wedding planner話只會在晚上做一次訪問，在會展擺酒時，新娘終於開口，例牌問老公如何求婚，她都不願多說，「係去年尾求婚，（點打動你嫁佢？）無㗎，好個人，佢好好，又好叻，其實唔需要特別嘢。」情人眼裡出西施，雖然老公家底未夠娘家猛料，但男家家住淺水灣，老爺又開製衣廠，八十圍酒席當然俾得起，難怪蔡生都話，「呢個女婿好好仔，最緊要個女開心。」
玩新郎
既是媒人又是兄弟團之一的弟弟蔡加讚，亦要著上草裙被玩。
接新娘時，新郎哥要過幾關才娶得美人歸，其中要擺出和公仔一樣的瞓身姿勢。
大家姐蔡加敏的四歲女兒馬藹翹做花女。
大劉同甘比生 嘅囡囡劉秀樺夠豪氣，三歲已戴卡地亞錶，仲有阿媽幫佢拎住個黃色 Chanel手袋襯番黃裙仔，細個已咁物質，大個真係不得了。
家姐加敏五年前結婚，郭富城任表演嘉賓，今次他亦有出席，蔡加讚話：「我 哋好耐朋友。」不過佢當晚有嘢做，擺低人情就鬆人。
單拖赴婚宴的四太話阿仔在證券行的暑期工已做完，「佢做得開心，學到 嘢。」兩個仔就 嚟出身兼有女友，恨唔恨飲新抱茶？「有呢一日，預早話俾你聽。」
猷亨上週五 last day返工，同事與他在金鐘 Domani happy hour送行。
留言列表
{{ article.title }}
