老公，我 客叻唔叻呀？（設計對白）
咪咁 hard sell呀！（設計對白）
搶錢夫妻
套餐制做埋 sales　栢芝幫霆鋒拉客
2011年04月21日
打拼了八年的後期製作公司 Post Production（簡稱 PO）早前舉行擴充喬遷派對，老闆謝霆鋒以 CEO身份現身，但老闆娘栢芝卻刻意缺席，表面上同「 PO」毫無關係，但實質是公司的幕後 sales，客絕招：搵栢芝就要搵埋「 PO」，套餐出擊。
附帶條件
張栢芝最近接拍內地一個尿片廣告，除了開出五百萬人仔價，並附帶一項條件：該廣告的後期製作，指定要幫襯老公謝霆鋒 fit的「 PO」，否則無偈傾。
「個廣告商有合作開 嘅後期製作班底，但栢芝企得好硬，話明一定要將佢個廣告 嘅後期交俾霆鋒間公司做，佢先會接。個客想用栢芝，最後焗住就範，就算『 PO』嘅收費比同行高，都照用。」一名幕後人員說。


夫妻檔尿片廣告
芝以慈母 look現身的尿片廣告，後期的電腦加工，正是由老公霆鋒的公司炮製。而日前在浙江率先播放的是五秒版本，成分鐘的足本版稍後在全國播放。
投桃報李


日前有 fans拍下霆鋒偕妻及一對兒子到泰國玩的相並放上網，將近一歲的幼子 Quintus肥嘟嘟如佛相，十分可愛。（網上圖片）

去年底正式復出的栢芝，眼見自己仍是廣告商及片商搶手貨，決定食住上，將自己同「 PO」掛鈎。好似栢芝答應以賀歲片《最強囍事》作為復出頭炮，除了因為老闆黃百鳴以八百萬片酬利誘，最重要是他應承將影片後期製作交給「 PO」負責，自己賺大嚿私己錢，同時帶挈老公的公司接幾百萬生意，一舉兩得。
往後栢芝主演王晶執導的《無價之寶》，後期製作同樣由霆鋒公司負責，栢芝亦識做投桃報李，預留最多時間拍《無價之寶》，俾期最爽手。
插旗唔成
不過，唔係人人都啃得落栢芝的「套餐」。明知老婆想再出唱片還心願，半個月前，霆鋒親自出馬，拉攏楊受成跟栢芝飯局傾合作。霆鋒以天價三億與英皇續約五年拍板，栢芝則開價一億簽英皇兩年，楊受成本來照俾，最後卻因栢芝其中一項附帶條件，縮番！
「一億楊生都接受到，但栢芝講明吳雨同 Mani唔可以掂佢啲嘢，要自立山頭，用自己人組隊 team幫佢，公司有規有矩，楊生唔想因為栢芝破例，所以合作唔成。」知情者說。


有指芝揀《最強囍事》做復出作，皆因黃百鳴價都唔講，就將電影後期 嘅幾百萬生意醒俾霆鋒打骰 嘅公司做！
 
王晶執導 嘅電影《無價之寶》上月在內地開記招，女主角芝著住「 PO」 嘅宣傳風褸現身，幫老公宣傳多於幫套戲。
 
「 PO」早前慶祝擴充喬遷，霆鋒父母及胞妹婷婷都有撐場，唯獨幫老公搏命搵客的芝刻意迴避無出席。
 
英皇兩位功臣霍汶希同吳雨跟霆鋒合作愉快，想不到老婆芝的加盟條件，是不讓二人管轄，令英皇即打退堂鼓。
 
今月初芝為張智霖個唱任嘉賓，正是試探市場反應，為日後再出唱片鋪路。

arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stinglife 發表在 痞客邦 留言(0) 人氣()

    E-mail轉寄