Jessica M.
粉紅色皺褶背心裙 $4,800 Pinko
紅色ruffles邊皮手袋 $3,120
綴水晶心形吊墜金頸鏈 $5,550
both Samantha Thavasa
金色手鈪 $800
黑金間條手鈪 $600
both Kate Spade
道端Jessica“唔做運動多藉口”
語言關係，訪問日本女模，中間隔着翻譯、經理人，內容唔多唔少唔夠真實。
跟日本名模道端Jessica做訪問，卻沒這問題，事關佢英語流利過我講國語，聊起來，倒覺自在。
傳聞Jessica中學未畢業，英語靠自學，勁到英國賽車手畢頓都以為碰上半個同鄉，直至見到佢睇日文小說，才如夢初醒，眼前妙女郎原是日本人；語言沒隔膜，造就異地情緣，更令她成為運動鐵人。
講起咱們港女keep fit無門，道端老實不客氣：「我都知香港女仔唔做運動有好多藉口，喺屋企都可以做運動㗎！」一針見血。
history
Profile
Jessica Celeste Michibata 出生日期：1984年10月21日（天秤座）出生地：福井縣（父為意大利、西班牙混血兒，母為日本人。）身高：5呎8吋體重：114磅三圍：33.5-23-34.5 簡歷：5歲時，跟妹妹Angelica當童裝模特兒。13歲，簽約家姐Karen所屬經紀公司，兼且全家移居東京，全身投入模特兒行業。主要作品：廣告「Evian」、「Uniqlo」、「Peach John」（07），「Samantha Thavasa」（10-12）。
做模特兒好處多
日本傳媒曾統計，Jessica已拍過所有日本時裝雜誌，這個紀錄，暫時未有女模打破。當事人卻視之尋常。「我5歲已拍廣告。」Jessica有一姐一妹，一門三傑都踏上女模路，想當初，星媽為了讓三個女兒入行，不惜孟母三遷，勞師動眾由日本中部搬去東京，為年僅13歲的她簽約經理人公司。「三姊妹中，只有家姐Karen最想當模特兒，我雖然生得高，但唔喜歡……我都唔記得中間發生過乜事，居然簽咗約！「Be honest，當時我完全唔enjoy做模特兒。「我喜歡返學讀書，眼見別人投入學校生活，自己就要邊讀邊工作，冇時間識朋友，冇時間去街去玩，對入行更加反感。」好一副鄰家女孩被欺負的模樣。搬家不到一年，便結束學生生涯，14歲的她開始為前路籌謀。「面對前路，我不得不下定決心專心工作，唔可以再抱住玩玩吓心態。既然做，就必須要做到professional。「當全情投入才發現，呢一行原來咁精采，漸漸enjoy myself。「做模特兒好多好處，識得嘅人，特別talented、creative兼artistic，仲可以成日免費旅行，哈哈哈……」有點苦中作樂，但睇得開，總比鬱住好。
Jessica's tips
Q：買手袋tips？ A：White is everything，容量愈大愈好，放得多啲嘢，晚飯時，拿着出街感覺也很cool。 Q：必備妝物？ A：小量補妝用品及多用途乳霜，我皮膚乾燥，需要經常搽cream。
我從不節食
Jessica人前人後都話，98年，正式棄學從模，這一年對佢影響最深，但我睇，06年才是其本命年。這一年，她成為內衣品牌代言人，迅速爆紅；另邊廂，認識現任男友——効力麥拿倫的英國賽車手畢頓，並展開了地下情。「跟男友的共通點是熱愛運動。」現階段，戀情已浮上地面，可以開開心心講個夠本了。前年，二人拍住拖參加三項鐵人賽，愛得高調，曝光也多，人也開朗了。「參加一連串馬拉松，我哋每周也練跑4、5天。」運動狂練得一身公認的「日本No.1性感身材」，當事人唔客氣，「最自豪是我同時間擁有芭蕾舞者的纖細線條，以及結實肌肉。」睇埋下文，仲牙擦…… 「我從不節食，保持身形只靠三字訣，training、drinking & sweating。「控制唔到食慾，想食咪食！用運動去燃燒熱量，跑步、游水、瑜伽……我較喜歡跑步流汗，流汗對皮膚最有益。」講就易，朝9晚9式工作，收得工，幾乎食宵夜，邊有咁多時間和精力？「我都知香港女仔唔做運動有好多藉口！之前，教過你哋簡單修身方法，喺屋企都可以多做伸展運動，增加身體柔韌度，sit up唔一定要喺地上做，椅子上都得，時間短又有效。」自得其樂，從中尋找到自己的樂趣並發展成個人事業，是扭轉命運的上佳例子。
後記
訪港活動一個接一個，10分鐘訪問，仍然落足心機回答。時間一分一秒地過，我睇住Jessica隻腳愈un愈大力，我猛然一問，「日本報道過你跟土屋安娜在花生騷後台大打出手……」她即時成個人跳起，再打起十二分精神，只報以一個甜笑轉身即走。呢一刻，我有一種走了趟鬼門關的感覺，即係連影都冇埋呀！
Shop List : Hatwoman 中環德輔道中68號萬宜大廈商場209號鋪 2167 8337 Kate Spade 中環國際金融中心2083號鋪 3188 1928 Louis Vuitton 中環置地廣場地下 8100 1182 Pinko 尖沙咀海港城港威商場2130號鋪 2175 4848 Samantha Thavasa 銅鑼灣時代廣場B207B號鋪 2111 9235 Vivienne Westwood 銅鑼灣百德新街42-48號B-D鋪地下 2894 9088 ####
98年
約14歲，已做了一年女模，並為工作而輟學。《CUTiE》圖片
99年
約15歲，在雜誌專欄寫生活瑣事，自言當時做model完全唔enjoy。《CUTiE》圖片
10年
近年三姊妹拍住上，Jessica（左）繼續當潮模，家姐Karen（右）主力熟女市場，妹妹Angelica（中）則是界icon。
Jessica M. 藍色立體皺褶連身裙（未定價）Vivienne Westwood 綴水晶心形吊墜金頸鏈 $5,550 Samantha Thavasa 綠色膠片花形頭飾 $15,600 Stephen Jones from Hatwoman
Jessica M. 紫黑色喱士背心 $11,300 灰綠漸變色珠片半截裙（未定價） both Vivienne Westwood 綴水晶心形吊墜金頸鏈 $5,550 Samantha Thavasa 金色粗手鈪 $1,660 Pinko
Jessica M. 粉藍色束腰上衣粉藍色熱褲（均未定價）白色通花領飾 $5,250 all Louis Vuitton 白色ruffles邊皮手袋 $2,890 Samantha Thavasa 藍色花形金手鏈 $1,400 Kate Spade 藍色牛仔布高踭鞋 stylist's own
Jessica M. 紫色皺褶吊帶連身裙 $5,240 Pinko 綴水晶心形吊墜金頸鏈 $5,550 Samantha Thavasa 鑲珍珠圓塊金手鏈 $1,700 Kate Spade
stinglife 發表在 痞客邦 留言(0) 人氣()
留言列表
{{ article.title }}
