黃智雯小狗愛煲劇－娛樂八掛大放送★

黃智雯小狗愛煲劇

【我得寵】黃智雯的粉絲層面甚廣，料不到家中愛犬Bon Bon也愛追看女主人演出的電視劇，有次她偶然發現Bon Bon目不轉睛盯着電視，原來正追看黃智雯參演的無綫劇集《居家兵團》，忠心若此，令她啼笑皆非。撰文：比華利

黃智雯近期多部電視劇《缺宅男女》和《On Call 36小時》口碑不錯，最搞笑連家中愛犬Bon Bon也是忠實擁躉，牠會眼定定望着主人上電視。

傾心事最佳良伴
黃智雯飼養兩頭白色愛犬，分別是8歲的比熊犬Bunny，牠毛茸茸像個棉花球，性格溫馴，比牠細一歲的百威犬Bon Bon則較活潑，甚討主人歡心。提起家中一對寶貝，黃智雯即說：「佢哋好識我開心，Bunny好嗲，Bon Bon就好人性。有次我返屋企，見到Bon Bon係咁坐喺電視機前，好專注咁睇，我都望吓，原來咁啱播緊我有份演嘅《居家兵團》，佢眼仔睩睩望住我做戲。」當廣告時段，Bon Bon就行開通屋散步，聽到主人黃智雯的聲音在電視再現，牠又被吸引行近電視機前，非常搞笑。 Bon Bon除忠心耿耿外，也是黃智雯的睡寶寶，她說：「佢哋會等我放工返嚟先瞓，我好鍾意同佢哋傾心事，佢哋好守得秘密。試過傾訴到我係咁喊，Bon Bon會用憐惜眼神係咁望住我。」

過度活躍捉唔住
黃智雯怕污糟甚少帶愛犬出街，所以牠們有街去會表現興奮，拍照當日，Bon Bon和Bunny過度活躍，令黃智雯有點手忙腳亂，她本想拉着牠們到公園散步，卻反被兩犬拖行，甚為狼狽。問到黃智雯為何不帶牠們接受訓練，她卻說：「我從來都唔主張帶狗仔去訓練，因為我當佢哋係我嘅朋友，唔想吓吓要畀order佢哋。」攝影：仇志德化妝、髮型：Kathy L. of Ciao Bella

黃智雯日前帶着兩頭愛犬出遊，牠們表現活躍，令主人手忙腳亂。